PO'ULE' INGULIT 6:15 - KITAB NU TUMPU ALLA LELE MA'IMAI'

¹⁵ De belemiu monsombahmo to pilo-pilogot sangga'at, saba' belemiu mohumpakmo tambuha' hi Tumpu Allah nu belemiu ka' Nu pateimo iwi-iwi', kalana Tumpu Allah nu belemiu anu aiya hi belemiu madi' mongka'oho' opokakanakon tiba pa' apaa.

PO'ULE' INGULIT 6:15 ပူးပေါင်းရင်းမြစ်များ

KAJADIAN 7:4

Daagi' pintu sinaa aku mombulokakonmo mae ujan, anu madi' ko kabatannyo sampe patompulu' na sinaa patompulu' na pihi na kopinnyo, da anu ko nyawanyo bibinaung-Kumo aijo' silakamo.”

1 TOMU-TOMUNDO' 13:34

Kalakuannyo anu ma'idek aijo' na nonsaduakonmo lee'nyo nohumpak balaa' ka' sinilakamo iwi-iwi'.

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

MAZMUR 90:11

Ihe na monsumbu' tambuha' nu Belento anu taha-tahahumo kabai mangalati' hondo pa' mosia na ka'ahenannyo nu tambuha' nu Belento?

MAZMUR 90:7

Kami tinolokengkengmo i tambuha' nu Belento, ka' nohopu'mo kalana pusa nu Belento.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

NOSABATMO 32:12

De Belento monsilakaimo aha nutaloakonmo nu mian Mesir tukoonyo nu aha belento nolaya' mae bansa aijo' nosabat nolengkat mae i Mesir da opatei na aha i bungkutnyo ka' monsilakai aha iwi-iwi'. Boli sumo aijo'.

YEREMIA 28:16

Kalana aijo' posi Tumpu ahi' na nompoto'imo mae tukoo-Nyo beleyum Nu pateimo da madi'mo daagi' ko anu i dunia aiya. Taunmo aiya na beleyum silakamo, kalana beleyum nompokaumo bansa aiya da madi'mo montuluti Tumpu.”

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

AMOS 9:8

Akumo na Tumpu Anu Matangkas na Kuasanyo nompalahatikanmo kalaja'an nu Israel anu binaladosa'mo aiya, ka' Aku mohopu'imo aha i dunia aiya. Panyo tulunan i Yakub madi' iwi-iwi'mo na Ku hopu'i. Aku, Tumpu na notataemo.

NOMBILANGMO 35:34

Boli mohumimi'i tano' anu ojojoongi nu belemiu, kalana Akumo na Tumpu, ka' Aku jojoongmo atina' hi belemiu bansa Israel.”

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

PO'ULE' INGULIT 11:17

De belemiu molanggaimo palentah aijo', nutambuha'imo nu Tumpu na belemiu. Ia madi'mo mompodaagi' mae ujan; tano' miu timbalimo mapeges hondo, sahingga anu osu'an madi'mo ko hasinnyo. Sahingga ola sakinihap belemiu silakamo i tano' anu ma'omuk anu binee'mo nu Tumpu hi belemiu.

PO'ULE' INGULIT 4:24

kalana Tumpu Allah nu belemiu sumo apu montoyo'i. Ia madi' mongka'oho' opokakanakon sumo pa' apaa.

PO'ULE' INGULIT 5:9

Boli monsombah patong anu sumo aijo' kalana Akumo na Tumpu Allah nu belemiu ka' madi' mongka'oho' opokakanakon tiba maumo pa' apaa. To mia-mian anu mongka'ideki Aku Ku hukum toka-toka i lee' anu ko totolu'nyo ka' ko opatnyo.

PO'ULE' INGULIT 7:4

da boli nupojo'on nu aha na to ana-anak nu belemiu hi Tumpu ka' monsombahmo to pilo-pilogot sangga'at. De belemiu monsombahmo to pilo-pilogot sangga'at nutambuha'imo nu Tumpu ka' belemiu Nu pateimo.

YOSUA 23:12

De belemiu madi' mohongo-hongo ka' belemiu maninggalo'mo tiba to bansa-bansa anu daagi' jojoong atina' hi belemiu, ka' belemiu mongosoaimo aha,

YOSUA 23:16

De belemiu molanggai anu jinanji'mo ka' anu pinalentahkon-Nyomo hi belemiu, nu Tumpu Allah nu belemiu da otuluti, panyo belemiu mambamo monsombah to pilo-pilogot sangga'at ka' montulutimo pilogot haha aijo' nutambuha'imo nu Tumpu ka' mohukumo belemiu. I uno nu tempo' anu madi' pin belemiu iwi-iwi' mohopu'mo i lipu' anu ma'ima' aiya, anu binee'mo nu Tumpu hi belemiu.”