PO'ULE' INGULIT 6:14 - KITAB NU TUMPU ALLA LELE MA'IMAI'

¹⁴ Bolimo monsombah to pilo-pilogot sangga'at anu nu sombah nu bansa-bansa anu mompaha ohani belemiu.

PO'ULE' INGULIT 6:14 ပူးပေါင်းရင်းမြစ်များ

2 TOMU-TOMUNDO' 17:35

Tumpu nombaumo palajanjian sumo uuka hi mian nu Israel, “Boli monsombah hi pilogot sangga'at, boli tolodadupu monsombah aha kabai mombau anu nu palentahkon nu aha kabai monsombahkon koloban hi aha.

MAZMUR 44:20

Panyo pinala'ianmo nu Belento na kami i uno nu pikat; kami madi'mo noko ala gawe hi binatang anu mahangas.

NOSABATMO 20:3

Boli monsombah to pilo-pilogot sangga'at, ola Aku na osombah.

YEREMIA 25:6

Nabi haha aijo' nontewa'mo belemiu da bolimo monsombah ka' palesaya hi to pilo-pilogot sangga'at. Aha nontewa'mo belemiu monsombah pilogot anu oposi bau nu belemiu, kalana aijo' monsaduakonmo da Tumpu motambuha'. De otulutimo na palentah nu Tumpu aijo' Ia madi'mo mohukum belemiu.

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

PO'ULE' INGULIT 11:28

Panyo belemiu mohumpak kutuk de madi' tulu-tulutan hi palentah haha aijo' anu binee' mae nu Tumpu Allah nu belemiu, ka' ola mule' monsombah to pilo-pilogot sangga'at anu madi' toho' osombah nu belemiu.

PO'ULE' INGULIT 5:7

Boli monsombah pilogot haha aijo' sangga'at. Ola Aku na osombah.

PO'ULE' INGULIT 8:19

Boli okolilimi na Tumpu Allah nu belemiu ka' boli palesaya hi to pilo-pilogot sangga'at ka' opuji' montuluti aha. Sinaa aiya aku mompotuka'mo belemiu kalana de belemiu mombau mule', belemiu tionyo ahi' nusilakaimo nu Tumpu.

YOSUA 23:7

Tiba jalan anu sumo aitu belemiu madi'mo maninggalo' tiba to bansa-bansa anu daagi' atina' hi belemiu. Belemiu madi' timbali monsanggo sanggo nu to pilo-pilogot nu aha kabai basumpa' i sanggo aijo'. Ka' suele belemiu madi timbali monsombah kabai tolodadupu i ahop nu to pilo-pilogot haha aijo'.

1 YOHANES 5:21

To ana-anakku, opimpali na butong miu i to pilo-pilogot! 13