PO'ULE' INGULIT 6:10 - KITAB NU TUMPU ALLA LELE MA'IMAI'

¹⁰ “Tumpu Allah nu belemiu binalajanji'mo hi mompolee' nu belemiu, i Abraham, i Ishak ka' i Yakub, tukoonyo Ia mombee'mo lipu' aijo' hi belemiu. Kota'nyo to daka-daka' hondo ka' lame', ka' misa' belemiu na nompotinjo'.

PO'ULE' INGULIT 6:10 ပူးပေါင်းရင်းမြစ်များ

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

NEHEMIA 9:25

Mian anu palesayamo hi Belento mongkuasaimo iwi-iwi' na benteng anu bau kahosonan nu aha, tano' anu ma omuk ka' mule' laigan anu manjoo' hondo na kakaya'annyo. Iwi-iwi' na bubung ka' bulakan nu uee ingalamo nu aha, ale' nu anggur, ka' mule' kau' zaitun ka' to bua-bua' nu kau' sangga'at. Aha nolompo'mo kalana nongkaanmo yayamo na anu nu kahanda'i nu kinyonyoa nu aha. Iwi-iwi' apaa na anu ma'ima' bibinee'mo nu Belento tina'upmo nu aha.

MAZMUR 105:44

Tano' nu to bansa-bansa binee'-Nyomo hi aha, iwi-iwi' na ale' nu aha, ahamo mian anu palesayamo hi Ia na tumpu-Nyo,

MAZMUR 78:55

I ahop nu mian anu palesayamo hi ia, i laa'-Nyomo na mian anu jojoong i kiijo', lantas binagi-bagiakon-Nyomo na lipu' aijo' hi iwi-iwi' na tulunan nu bansa Israel mian anu palesayamo hi Ia sahingga aha nonjojoongimo iwi-iwi' na kema' nu sampobali' nu aha.

PO'ULE' INGULIT 1:8

Aku Tumpu; no janji'mo iwi-iwi na tano aijo toka hi mompolee' miu Abraham, Ishak ka'i Yakub ka' lee'nu aha. Jadi lokenmo jojongi na tano' aijo.’ ”

PO'ULE' INGULIT 19:1

“Salatan bansa haha aijo' nupoko pateimo nu Tumpu Allah nu belemiu, ka' lipu' nu aha obee'mo hi belemiu, ka' salatan o alamo nu belemiu na kota-kota tiba laigan nu aha iwi-iwi' ka' jojoongmo ikiijo',

PO'ULE' INGULIT 31:20

Aha Ku boamo mamba i lipu' anu kaya ka' ma'omuk susumo anu jinanji'-Kumo hi mompolee' nu aha. Ikiijo' mae na aha tumuu'mo sanang ka' mohumpakmo ngangahan nu anu okaan apaa na anu nupalalui nu aha. Panyo lapas aijo' aha tolosule'mo ka' monsombahmo to pilo-pilogot sangga'at. Aha madi'mo mongala Aku ka' mompojalomo palajanjian-Ku,

PO'ULE' INGULIT 6:18

Obau apaa anu koonyo nu Tumpu ma'ima' ka' adin, sahingga belemiu mohumpak ka'ima'an. Tano' anu ma'omuk anu jinanji'mo nu Tumpu hi mompolee' nu belemiu timbalimo anu nu belemiu,

PO'ULE' INGULIT 6:23

Ia nompobebasmo kita lengkat mae i Mesir ka' binoa-Nyomo mae na kita i aiya ka' tano' aiya binee'-Nyomo hi kita susumo anu jinanji'-Nyomo hi mompolee'to.

PO'ULE' INGULIT 8:12

De belemiu nongkaanmo sampe na'osamo ka' nombaumo to lai-laigan anu ma'ima' bau kajojoongan nu belemiu,

PO'ULE' INGULIT 9:1

“Potombihing mae to Utu-utus! Sinaa aiya belemiu motaapmo i Kaunyo Yordan da monjojoongimo da'erah nu to bansa-bansa anu lebe daka' ka' lebe mahoson molingkudui belemiu. To kota-kota nu aha anu toto daka-daka' tiba pagannyo mesen anu matangkas toka-toka i langit.

YOSUA 24:13

Tano' anu binee'-Kumo hi belemiu, ingalamo nu belemiu mau madi' kinolawe apa-apaa. Ka' kota-kota anu binee'Kumo hi belemiu misa' belemiu na nombau. Panyo tempo' uuka aiya belemiumo na jinojoong ikiijo', ka' belemiumo na nongkaan bua' nu anggur ka' bua' nu zaitun padahan misa' belemiu na nonsu'an.’ ”