PO'ULE' INGULIT 5:5 - KITAB NU TUMPU ALLA LELE MA'IMAI'

⁵ Panyo kalana belemiu nabuhukmo i apu ka' madi'mo binaani na nindako i bungkutnyo, sahingga aku, tempo'nyo aitu tinuminjomo i olotnyo nu belemiu tiba Tumpu da nompotoka potatae nu Tumpu hi belemiu. Tumpu nompoto'i,

PO'ULE' INGULIT 5:5 ပူးပေါင်းရင်းမြစ်များ

KAJADIAN 18:22

Lantas ua'aha na anu sinonso' aijo' nambamo nokiijo' i Sodom, panyo Tumpu daagi' jinojoong tiba i Abraham.

2 TOMU-TOMUNDO' 18:4

Tampat anu lewa' ponsomban pilogot pinaha ideannyomo, ka' pinahahobo'akonnyomo na patong-patong ka' tugu anu pinaha potinjo salaku pontandai Pilogot boune Asyera iwi-iwi' ingideannyomo. Ka' ia mule' nongideimo ulo tambaga anu binau i Musa anu osa-osanggohi i Nehus. Kalana sangkut tinoka i tempo' aitu mian nu Israel daagi' mompapui kamangian bau pongadati ulo tambaga ai-aijo'.

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

NOSABATMO 19:16

I sinaa kino itolunnyomo daagi' subu, kino gohungmo ka' kilat. Kundom anu butolu hondo tinoamo aita' i bungkutnyo ka' i hongomo na onyi'nyo nu tolompet anu ma'onyi' hondo. Iwi-iwi' na mian kiijo' i kemah i lakatnyomo ka' nabuhukmo hondo.

NOSABATMO 19:21

ka' Tumpu notataemo hi ia, “Pintatau'mo ka' poto'i hi mian haha aijo' taalu' aha madi' timbali so' molanggai tempas de mamba mae montoa Aku. De aha sabole-bole molanggai, manjoo' na aha anu mate.

NOSABATMO 19:25

Lantas i Musa nintatau'mo nonsingkaboti bansa aijo' ka' pinotoinyomo na potuunon nu Tumpu hi aha.

YEREMIA 30:21

Tomundo' anu mompalentah belemiu ohangkat anu atina posi bansa nu belemiu Bebas na ia mompaha sumbu' mae tiba Aku de maluanyo ia Ku lagamo, mangadap mae hi beleng-Ku Kalana ihe na baani moko ala mangadap mae hi beleng-Ku de ola posi pongka'oho'nyo? Belemiu timbalimo mian anu palesayamo hi beleng-Ku ka' Aku timbalimo Tumpu Allah nu belemiu. Aku, Tumpu na anu nontaeakonmo aijo'.”

NOMBILANGMO 16:48

Panyakit anu molele aijo' binelentimo panyo i Harun daagi' aijo' hi aha mian anu daagi' tumuu' ka' anu sinilakamo.

GALATIA 3:19

Desumo aitu, bau apaa na atulan nu agama anu binee'mo? Salaku bau pontaami, saba' atulan aijo' pinotuangmo da bau momponyata' manusia sinala'mo. Atulan nu agama aijo' opake ola, de ma'isa pe'e toka na samian anu lee' mae i Abraham, anu sinanggo i uno nu janji' nu Tumpu hi Abraham. Atulan nu agama aijo' pinotokakon nu to mala-malaikat nompake samian na manusia.

PO'ULE' INGULIT 5:27

Kalana aijo' lako'mo Musa, ka' hongo mae iwi-iwi' apaa na anu nu poto'i nu Tumpu Allah-nto lantas poto'i mae hi kami apaa na anu Nu poto'i hi beleyum. Kami mohongoje ka' tulu-tulutanmo.’

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.