PO'ULE' INGULIT 5:32 - KITAB NU TUMPU ALLA LELE MA'IMAI'

³² To utu-utus tuluti ima-ima', iwi-iwi' na anu pinalentahkonmo nu Tumpu nu belemiu hi belemiu. Boli molanggai mau pe'e ola sa'angu' na palentah haha aijo'.

PO'ULE' INGULIT 5:32 ပူးပေါင်းရင်းမြစ်များ

2 TOMU-TOMUNDO' 17:37

Saja' otuluti na to atu-atulan ka' to pale-palentah anu tinulis Kumo da ogunakan nu belemiu. Boli monsombah to pilo-pilogot sangga'at,

2 TOMU-TOMUNDO' 21:8

Ka' de mian nu Israel anu pinalesayamo hi belengku montuluti hondo-hondo iwi-iwi' na palenta-ngKu ka' mo batuki iwi-iwi' na atulan anu binee'mo i Musa posaihon-Ku hi aha, saba' madi' pinojohok-Ku na aha i laa' nompala'i lipu' anu binee'-Kumo hi mompolee' nu aha.”

2 TOMU-TOMUNDO' 22:2

I Yosia nombaumo hahan anu momposanang kinyonyoa nu Tumpu. Ia nontihomo kalakuan i Tomundo' Daud mompolee'nyo ka' tinulutannyomo totu-totu'u na atulan nu Tumpu Allah.

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 19:12

Posaihon nu Belento pinokinde'anmo nu atulan aijo' iwi-iwi; daka' hondo na tambonyo obee' hi mian anu mohongo-hongo.

MAZMUR 80:19

Sahingga kami madi'mo daagi' mompala'i Belento; jagaiakon mae na kantumuu'an mami, sahingga kami mompuji'mo Belento.

AMSAL 3:2

da mantan na umun nu belemiu ka' mohumpak kantumuu'an ma'ima' na belemiu.

AMSAL 4:27

Opimpali na palabuatan anu ma'idek ka' tumuu' hodi' na kinyonyoa. Boli hondo-hondo mosele mompala'imo jalan anu totu'u.

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

YEHEZKIEL 20:19

Akumo ahi' na Tumpu nu belemiu. Saboleh-boleh otuluti na atulan-atulan tiba iwi-iwi na palentah-ngKu.

YEHEZKIEL 37:24

Aha nu posa'angu'mo nu samian na tomundo' sumo lapangnyo i tomundo' Daud anu saidi' mae mompalentah sampe toka sidu-sidutu'. Aha tulu-tulutanmo na montuluti iwi-iwi' na atulan-Ku. Ka' sampe toka sidu-sidutu' aha tiba lee' nu aha monjojoongimo tano' aijo', tano' anu binee'-Kumo hi Yakub ka' jinojoonganmo nu mompolee' nu aha.

PO'ULE' INGULIT 11:32

belemiu tionyo ahi' tulu-tulutan hi atulan iwi-iwi' anu pinotokakonmo hi belemiu sinaa aiya.”

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

PO'ULE' INGULIT 17:11

Otalima na kaputusan nu aha ka' obau apaa na anu pinoto'imo nu aha, maumo han anu ola toto ise-ise'.

PO'ULE' INGULIT 17:20

De ia saja' mombasa' saba ia madi' monsangka butongnyo na lebe ma'ima' molingkudui to mia-mian sangko bansanyo, ka' madi' molanggai palentah nu Tumpu mau mule' pa' mosiamo. Lantas ia ka' lee'nyo mompalentahmo bansanyo opotulu-tulunakon.”

PO'ULE' INGULIT 24:8

De daagi' ko panyakit kilit anu monsilakai, bau ima-ima' apaa na anu pinalentahkonmo nu to ima-imam Lewi hi belemiu; obatuki na pokinde' iwi-iwi' anu binee'kumo hi aha.

PO'ULE' INGULIT 28:14

Panyo boli hondo-hondo mongkolilimi palentah haha aijo' mau mule' pa' mosiamo. Ka' boli mule' monsombah ka' mompalesaya to pilo-pilogot sangga'at.”

PO'ULE' INGULIT 29:8

Tano' nu aha ingalantomo ka' binee'tomo bau bagi nu aha tulunan nu bansa Ruben, Gad ka' sambahagian anu nu tulunan nu bansa Manasye.

PO'ULE' INGULIT 6:17

Otuluti na atulan iwi-iwi' anu binee'mo nu Tumpu Allah nu belemiu hi belemiu.

PO'ULE' INGULIT 6:25

De kita saja' montuluti iwi-iwi' na anu nupalentahkon nu Tumpu Allahnto, saba' Ia saja' sanang hi kita.’ ”

PO'ULE' INGULIT 6:3

Kalana aijo' potombihing to utu-utus, bau na aijo' ima-ima' da belemiu mohumpak ka'ima'an ka' timbali sa'angu' na bansa anu daka' i lipu' anu kaya ka' anu ma'omuk, susumo anu jinanji'mo nu Tumpu Allah nu mompolee'to.

PO'ULE' INGULIT 8:1

“Iwi-iwi' na atulan anu binee'kumo hi belemiu sinaa aiya tionyo ahi' obau miu ka' boli panggaga, da belemiu tataap tumuu', mompaka pintuang ka' manjoo'mo ka' jojoongmo i tano' anu jinanji'mo nu Tumpu hi mompolee' nu belemiu.

YOSUA 1:7

Ola, tionyo ahi' beleyum totu-totu'u na kinyonyoa ka' baani. Beleyum tionyo ahi' sabole-bole monginau' ka' beleyum sabole-bole ahi' montuluti atulan iwi-iwi' anu binee'mo i Musa posaihon-Ku hi beleyum, boli nu kolilimi mau ola pa' to sangkuka, da apaa na anu nu kahanda'i tionyo ahi' nu humpak.

YOSUA 23:6

Kalana aijo', opokopiani da belemiu saja' montuluti ka' mombau iwi-iwi' apaa na anu tinulismo i uno nu Kitab Atulan i Musa. Mau ola sa'angu' madi' timbali olanggai na atulan haha aijo'.

2 PETRUS 2:21

Lebe ma'ima' mian anu susumo aijo' madi' toho' nonsumbu' jalan anu totu'u lengkat mae hi Tumpu, da boli ola aha monsumbu' padahan lapas mae madi'mo mongka'oho' montuluti to pale-palentah anu binee'mo nu Tumpu hi aha.