PO'ULE' INGULIT 5:29 - KITAB NU TUMPU ALLA LELE MA'IMAI'

²⁹ Soba de aha saja' ko pikilan sumo aijo'! Soba de aha saja' mongadati Aku ka' montuluti palentah-ngKu iwi-iwi', sahingga aha ka' lee' nu aha mohumpak ka'ima'an sampe toka sidu-sidutu'!

PO'ULE' INGULIT 5:29 ပူးပေါင်းရင်းမြစ်များ

1 TAWARIKH 29:18

O Tumpu Allah anu nu sombah i Abraham, i Ishak tiba i Yakub mompolee' mami, de timbali da belento montoa mae kami da mian anu pinalesayamo hi belento sabole-bole mongka'ima'i belento susumo tempo' uuka aiya ka' tulungiakon mae da aha saja' tulu-tulutan hi belento.

MAZMUR 106:3

Mohumpak ka'ima'an na mian anu montuluti totu-totu'u palentahnyo iwi-iwi', ka' saja' totu'u na anu, nu bau.

MAZMUR 19:11

Atulan nu Tumpu lebe ko angga'nyo molingkudui mosoni' anu madi' ko galo'nyo, lebe matami' molingkudui juu' nu uwani' anu madi' ko galo'nyo.

MAZMUR 19:12

Posaihon nu Belento pinokinde'anmo nu atulan aijo' iwi-iwi; daka' hondo na tambonyo obee' hi mian anu mohongo-hongo.

MAZMUR 78:7

Tiba jalan anu sumo aijo' aha singkonaje mule' ahi' ola samata-mata taha'iman hi Tumpu, ka' madi' nukolilimi nu aha na palabuatan-Nyo, panyo saja' ahi' tulu-tulutan hi palentah-Nyo,

MAZMUR 81:16

Mian anu mongka'ideki mae aku, ku patundu'mo, aha mohumpakmo hukuman sampe toka sidu-sidutu'.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YESAYA 48:18

De bisuanyo beleyum mongintomakon ahi' palentang-Ku, saba' kantumuu'an nu balayum ma'ima'mo susumo kaunyo anu madi'mo toho' mo'oti, ka' mule' kadale'an nu beleyum sumomo bokon akaong i ambai, anu madi' toho' belenti.

YEREMIA 44:4

Aku saja'mo nompokau namba hi belemiu to posa-posaihon-Ku aijo'mo to nabi-nabi, anu nontewa' aha da bolimo mombau palabuatan anu ma'idek anu Ku ka'ideki aijo'.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

LUKAS 19:42

Tukoo-Nyo, “Paya', na kino'ima'nyo de sinaa aiya nusumbu'mo apaa na anu timbali mompodaagi' mae paladamean! Panyo uuka beleyum madi' moko ala montoa.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

EFESUS 6:3

aijo'mo: “Da belemiu monta'up ka'ima'an ka' mantan na umun miu i dunia”.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 10:20

O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

PO'ULE' INGULIT 11:1

“Kanonongi na Tumpu Allah nu belemiu, ka' saja' otuluti na palentah-Nyo iwi-iwi'.

PO'ULE' INGULIT 12:25

De otuluti nu belemiu na palentah aijo' Tumpu sanangmo ka' belemiu tiba lee' nu belemiu mohumpakmo ka'ima'an.

PO'ULE' INGULIT 12:28

Opalahatikan ima-ima' iwi-iwi' apaa na anu pinalentahkonkumo hi belemiu sahingga belemiu mombaumo anu ma'ima' ka' nusitujui nu Tumpu Allah nu belemiu sahingga belemiu ka' lee' miu mohumpak kasalamatan ka' ka'ima'an sampe toka sidu-sidutu'.”

PO'ULE' INGULIT 19:13

Boli mongkalibosi ia. Pobebas na Israel da boli opatei susumo aijo'; da mohumpak ka'ima'an.”

PO'ULE' INGULIT 22:7

Timbali o ala miu na soma'nyo nu tomonsi' haha aijo', panyo polapas na tinanyo da lumahap, da mantan na umun nu belemiu ka' kantumuu'an nu belemiu mohumpak kasanangan.

PO'ULE' INGULIT 4:10

na sinaa aijo' de belemiu tuminjomo i ahop nu Tumpu Allah nu belemiu i Bungkutnyo nu Sinai. Tempo'nyo aitu Ia notataemo hi belengku, ‘Posihuk mae na bansa aijo'. Ku ka'ima'i da aha mohongo apaa na anu kahanda' Ku poto'i, da aha balagulu' tulu-tulutan hi beleng-Ku i uno nu kantumuu'an nu aha sidu-sidutu', ka' da aha mompogulu' to ana-anak nu aha da tulu-tulutan hi beleng-Ku.’

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.

PO'ULE' INGULIT 4:40

Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

PO'ULE' INGULIT 5:30

Lako'mo uuka aiya ka' saimo na bansa aijo' minsusule' i kemah nu aha toto samian.

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

PO'ULE' INGULIT 6:17

Otuluti na atulan iwi-iwi' anu binee'mo nu Tumpu Allah nu belemiu hi belemiu.

PO'ULE' INGULIT 6:18

Obau apaa anu koonyo nu Tumpu ma'ima' ka' adin, sahingga belemiu mohumpak ka'ima'an. Tano' anu ma'omuk anu jinanji'mo nu Tumpu hi mompolee' nu belemiu timbalimo anu nu belemiu,

PO'ULE' INGULIT 6:3

Kalana aijo' potombihing to utu-utus, bau na aijo' ima-ima' da belemiu mohumpak ka'ima'an ka' timbali sa'angu' na bansa anu daka' i lipu' anu kaya ka' anu ma'omuk, susumo anu jinanji'mo nu Tumpu Allah nu mompolee'to.

PO'ULE' INGULIT 8:6

Jadi, baumo iwi-iwi' apaa na anu pinalentahkonmo nu Tumpu Allah nu belemiu. Tumuu' ka' tuluti na atulannyo iwi-iwi' ka' o adati na Ia.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

YAKOBUS 1:25

Atulan nu Tumpu na'ima'mo hondo ka' ko kuasa mompobebas mian. Ka' mian anu monggulu'i ka' mongintomakon ima-ima' tiba mule' montuluti atulan aijo', ka' misa' ola mohongo lantas okolilimimo, mian anu aijo' apaa na anu nubau nu aha nu balakati nu Tumpu.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.

I RUT 3:1

Lapas aijo' madi' pinin, i Na'omi notataemo hi Rut, “Ku lioakonmo jalan na beleyum da po'ule'mo mo'osoa ka' da mohumpakmo ka'ima'an.