PO'ULE' INGULIT 5:27 - KITAB NU TUMPU ALLA LELE MA'IMAI'

²⁷ Kalana aijo' lako'mo Musa, ka' hongo mae iwi-iwi' apaa na anu nu poto'i nu Tumpu Allah-nto lantas poto'i mae hi kami apaa na anu Nu poto'i hi beleyum. Kami mohongoje ka' tulu-tulutanmo.’

PO'ULE' INGULIT 5:27 ပူးပေါင်းရင်းမြစ်များ

NOSABATMO 18:20

Beleyum tionyo ahi' mompogulu' hi aha iwi-iwi' na palentah nu Tumpu Allah ka' mompoto'i mosia na jalan nu kantumuu'an anu ma'ima' ka' apaa na anu tionyo ahi nubau nu aha.

NOSABATMO 19:8

Aha iwi-iwi' nontaamimo hingga-hinggat, “Kami mongka'oho' mombau iwi-iwi' apaa na anu tinaloakonmo nu Tumpu, ka' pinontaami nu aha aijo' pinotokamo i Musa hi Tumpu.” Lantas notataemo na Tumpu hi Musa, “Aku tokaje mae hi beleyum i uno nu kundom anu butolu hondo; nuhongoje nu to mia-mian na Aku motatae hi beleyum, ka' otampu'uni aijo', aha saja'mo palesaya hi beleyum.

NOSABATMO 20:18

Salatan to mia-mian nohongomo gohung ka' onyi' nu tolompet, tiba mule' nontoamo kilat ka' bungkutnyo anu nintibukmo, aha i lakatnyomo ka' nabuhukmo ka' tinuminjomo aijo' mae jo'o-jo'on.

NOSABATMO 20:19

Aha notataemo hi Musa, “Beleyumo na motatae mae hi kami, kami mohongoje; panyo boli Tumpu Allah na motatae mae hi kami dumo kami mate.”

NOSABATMO 24:3

Lantas i Musa nambamo ka' nombebakonmo hi bansa aijo' iwi-iwi' na palentah ka' atulan nu Tumpu. Aha iwi-iwi' nontaami hingga-hinggat, “Obaumo mami iwi-iwi' na anu tinaloakonmo nu Tumpu.”

YEREMIA 42:5

Aha notataemo mae hi belengku, “Opoita mami da kita Tuuma balado'amo hi Tumpu Allah-nto, kalana kami montulutimo Ia, da kantumuu'an mami jadimo ma'ima'. Jadi, ma'ima' kabai ma'idek na anu nu poto'i nu Tumpu aijo', otulutimo mami. Tumpumo ahi' na timbali sakisi anu madi' tageo' ka' madi' mongkolilimi mae kami de maluanyo kami madi' montuluti iwi-iwi' na palentah anu binee'mo nu Tumpu hi kami nunu poto'i mae nu belento Tuuma.”

PO'ULE' INGULIT 5:26

Te toho' daagi' ko manusia anu tataap tumuu' salatan mohongomo Tumpu Allah anu tumuu' motatae i uno nu apu?

PO'ULE' INGULIT 5:28

Nohongo aijo', Tumpu notataemo hi belengku, ‘I hongong-Kumo apaa na anu pinoto'imo nu bansa aijo', ka' memang totu'umo na potatae nu aha.

IBRANI 12:19

aha nangadapmo i onyi' nu tolompet, ka' lewo' nu potatae anu daka' hondo. Salatan to mia-mian nu Israel nohongomo potatae aijo', pinoitamo nu aha sabole-bole da potatae aijo' bolimo daagi' motatae mae hi aha.

YOSUA 24:24

Lantas mian haha aijo' notataemo hi Yosua, “Kami palesayamo ka' mohongo-hongomo ola samata-mata hi Tumpu, Tumpu Allah-nto. Kami montulutimo palentah-Nyo iwi-iwi'.”