PO'ULE' INGULIT 5:26 - KITAB NU TUMPU ALLA LELE MA'IMAI'

²⁶ Te toho' daagi' ko manusia anu tataap tumuu' salatan mohongomo Tumpu Allah anu tumuu' motatae i uno nu apu?

PO'ULE' INGULIT 5:26 ပူးပေါင်းရင်းမြစ်များ

KAJADIAN 32:31

Salatan sinaa binete'mo, pinala'ianmo i Yakub na Pniel, ka' ia pinengko'mo kalana losuan nu lampeokannyo tinonggoisi'mo.

KAJADIAN 6:12

Tumpu Allah nontoa dunia aijo' me saja' nontoa anu toto ide-idek, kalana manusia iwi-iwi' na'idekmo na kantumuu'annyo.

MAZMUR 42:2

Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

MAZMUR 42:3

Aku mongindimo Tumpu anu tumuu' pa' hipianje na aku mamba monsombah i Laigan-Nyo?

MAZMUR 84:2

Ma'ima' ka' momposanang hondo kinyonyoa na kajojoongan nu Belento, o, Tumpu Anu Daka' na Kuasanyo!

NOSABATMO 20:22

Tumpu nompalentahmo i Musa da otaloakon hi aha bansa Israel, “Belemiu nontoamo mosia na Aku Tumpu, notataemo hi belemiu lengkat mae i langit.

YESAYA 40:6

Daagi ko potatae anu lewa' nontaloakon, “Polelemo!” Pinokilawangkumo, “Apaa na anu tionyo ahi' ku polele?” “Polelemo taalu' manusia sumo hemput, sumo bunga-bunga anu ola sasaingoni' na ia ma'ima'.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

ROMA 3:20

Kalana madi' ko samian pe'e na moko ala mompaha ima' tiba Tumpu, kalana mian aijo' mombau hahan anu daagi' i uno nu atulan nu agama. Ola ahi' atulan aijo' na mompotiju' hi mian taalu' mian aijo' baladosa'.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

PO'ULE' INGULIT 4:33

Pa' daagi' ko bansa anu sabole-bole tinumuu' salatan nohongomo pilogot notatae hi aha aijo' mae i apu, susumo anu tina'upmo nu belemiu?

PO'ULE' INGULIT 5:27

Kalana aijo' lako'mo Musa, ka' hongo mae iwi-iwi' apaa na anu nu poto'i nu Tumpu Allah-nto lantas poto'i mae hi kami apaa na anu Nu poto'i hi beleyum. Kami mohongoje ka' tulu-tulutanmo.’

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

TO MIA-MIAN KOPIAN 13:22

Lantas i Manoah notatae hi bengkele'nyo, “Kita tantu silakamo kalana nontoamo Tumpu Allah!”

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”