PO'ULE' INGULIT 5:20 - KITAB NU TUMPU ALLA LELE MA'IMAI'

²⁰ Boli timbali sakisi anu baleko' kona hi mian sangga'at.

PO'ULE' INGULIT 5:20 ပူးပေါင်းရင်းမြစ်များ

1 TOMU-TOMUNDO' 21:13

Mian anu uwesan ua'aha aijo' sinumuhangmo mompaha ahop i Nabot, ka' i ahop nu mian da'isan aha nontuukmo ia au' aitu ia nontotobi'akonmo Tumpu Allah tiba tomundo'. Kalana aijo' ia sinabatakonmo i kota' ka' pinahambunu'akonmo nu batu sampe ia nate.

NOSABATMO 20:16

Boli timbali sakisi anu madi' totu'u hi mian sangga'at.

NOSABATMO 23:1

“Boli mombebeakon lele anu madi' totu'u ka' boli montulungi mian anu ma'idek na kinyonyoanyo ka' mule' anu mombee'i katalangan anu madi' totu'u.

AMSAL 19:5

Mian anu baleko' kiijo' i pomputusian palakala, madi' ko madi'nyo tionyo ahi' o hukumo.

AMSAL 19:9

Mian anu baleko' kiijo' i pomputusian palakala ia tionyo o hukum ka' opateimo.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 19:18

“Palentah anu mosia na aijo'?” koonyo nu mian aijo'. I Yesus nontaami, “Boli mompatei, boli masala', boli montomang, boli timbali sakisi baleko',