PO'ULE' INGULIT 5:14 - KITAB NU TUMPU ALLA LELE MA'IMAI'

¹⁴ panyo sinaa anu ko ipitunnyo aijo'mo na sinaa pilawean samata-mata monsombahmo Aku, Tumpu Allah nu belemiu. I sinaa aijo' madi' ko samian pe'e na anu timbali mokalaja mau belemiu, to ana-anak nu belemiu, to posa-posaihon nu belemiu, potuu'on nu belemiu kabai mian anu lengkat mae i salipu'an anu jinojoongmo i lipu' miu. Posaihon nu belemiu haha aijo', tionyo ahi' milawe susumo belemiu suele.

PO'ULE' INGULIT 5:14 ပူးပေါင်းရင်းမြစ်များ

KAJADIAN 2:2

Sinaa anu ko popitu'nyo Tumpu Allah nompomingkotmo kalaja-Nyo aijo', lantas Ia nilawemo.

NEHEMIA 13:15

Tempo'nyo aitu tinoangkumo i sinaa nu Sabat daagi' ko mian nu Yehuda pa' aha sangkuka nompao'mo anggur. Daagi' mule' ko mian sangga'at anu momposake'mo gandum, anggur anu noko pao'mo, bua' nu anggur, bua' nu ara ka' balang sangga'at aijo' i keledai nu aha ka' binoamo nu aha i Yerusalem. Tinewa'kumo na aha mobalu-baluk i Yerusalem.

NEHEMIA 13:16

Pa' aha sangkuka na mian nu Tirus anu jinojoongmo i Yerusalem nomboamo ikan ka' ngangahan anu balang sangga'at anu mamba opobaluk i Yerusalem kinakonamo i sinaa nu Sabat, da opobaluk hi aha mian nu Yahudi.

NEHEMIA 13:21

Pinoto'ingkumo hi aha, “Palasuma na belemiu montanda'i sampe dodop subu i kiijo'. Ingat, de po'ule' obau nubelemiu atina', ku babaumo na belemiu!” Nolengkat pe'e i sinaa aitu aha madi'mo toho' tinoka i sinaa nu Sabat.

NEHEMIA 5:5

Te misa' kami ahi' suele mian nu Yahudi? Te misa' anak mami pokakana ahi' tiba to ana-anak nu Yahudi sangga'at? Maumo sumo aijo' paya' bemanau' kami nompobee'mo ahi' to ana-anak mami binabotuanmo. Ka' mule' daagi'mo ko to ana-anak mami anu toto lalangkoyang pinobalukmo binau botuan. Kami madi'mo moko ala mombau apa-apaa kalana ale' nu sosu'anon mami sangga'at ka' ale' nu anggur pinogademo mami.”

NOSABATMO 23:12

Anom sinaa i uno nu sa'angu' na duminggu belemiu timbali mokalaja, panyo sinaa ko ipitunnyo belemiu tionyo ahi' milawemo da potuu'on nu belemiu, to posa-posaihon ka' to mia-mian anu lengkat mae i salipu'an anu mokalaja hi belemiu milawemo suele.

IMAMAT 23:3

Anom sinaa na mokalaja, panyo sinaa ko ipitunnyo sinaamo nu Sabat, atina' sinaamo nu pilawean anu obee'mo samata-mata sinaa monsombah Tumpu, ka' sinaa aijo' belemiu tionyo ahi' sihukmo da monsombahmo ka' madi'mo timbali mokalaja.

MARKUS 2:27

Lantas i Yesus notatae mule', “Sinaa nu Sabat binau bau kapentingan nu mian; misa' mian bau sinaa nu Sabat.

LUKAS 23:56

Lapas aijo' aha ninsusule'mo ka' nontoukai posadiaon ka' minya-minya' manohong da bau po minya-minya'i bangke' i Yesus. I Sinaa nu Sabat aha madi'mo nombau apa-apaa, kalana montuluti atulan nu agama.

PO'ULE' INGULIT 5:13

Belemiu Ku bee'i anon sinaa na mokalaja,

IBRANI 4:4

Kalana mongkona sinaa ko popitu'nyo tinulismo i uno nu Kitab nu Tumpu sumo uuka, “I sinaa ko popitu'nyo Tumpu Allah ningkainmo madi'mo nombau apa-apaa na Ia.”