PO'ULE' INGULIT 4:9 - KITAB NU TUMPU ALLA LELE MA'IMAI'

⁹ Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

PO'ULE' INGULIT 4:9 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

MAZMUR 71:18

O Tumpu, boli opala'i na aku, sangkut aku langkai'mo ka' bengkele'mo ka' uanonmo, da kabaanian ka' kuasa nu Belento ku bebakon, hi iwi-iwi' na tulunan anu aiya mae i ahop.

NOSABATMO 10:2

ka' da beleyum timbali monsisikakon hi lee' nu belemiu mosia na Aku nompahaikakonmo bansa Mesir nu anu okabangangi haha aijo'. Sahingga belemiu iwi-iwi' monsumbu'mo taalu' Akumo aiya na Tumpu.”

NOSABATMO 23:13

O'intomakon iwi-iwi' apaa na anu tinaloakon-Kumo hi belemiu. Boli monsombah to pilo-pilogot sangga'at, monsanggo pe'e sanggonyo madi' timbali.”

AMSAL 1:8

O intomakon apaa na anu pinoto'i nu tuuma ka' tina nu beleyum hi beleyum, anakku,

AMSAL 23:26

Palahatikan ima-ima', ka' bau sonto'na kantumuu'anku, o'anaku!

AMSAL 3:21

Kalana aijo', otoongi na kapandean bapikin anu madi'mo sala' na mompopikilakon, o anakku! Boli hondo-hondo olapasakon,

AMSAL 7:1

Sabole-bole otutugi na potataengku, o anaku ka' boli okolilimi apaa na anu ku palentahkon hi beleyum.

YESAYA 38:19

Ola mian anu daagi' tutuu' na mompuji' Belento, susumo anu kubaumo sinaa aiya. To tu'a-tu'anyo monsisikakon hi to ana-anaknyo kanonongan nu Belento anu taha-tahahumo hondo, o, Tumpu.

YESAYA 42:20

O, Israel, manjoo'mo na anu tinoa nu beleyum panyo madi' nu palahatikan, bihing nu beleyum tabuka' panyo madi' beleyum mohongo.”

YEREMIA 17:21

Poto'i sumo uuka: ‘De belemiu madi', mongka'ima'i silaka bolipe'e mongato balang isinaa nu Sabat, kabai momboa oposoop montulu sabatan daka' haha aijo' i Yerusalem.

LUKAS 8:18

Mokonyo aitu o intomakon ma'i-ma'ima' apaa na anu i hongomo miu. Kalana mian anu daagi'mo opaka bee'i mule' lebe manjoo'; panyo mian anu madi' ko apa-apaa, sangkiding pe'e anu daagi' hi ia suele o ala.”

EFESUS 6:4

To Utu-utus anu timbalimo tuuma! Boli mompoposia to ana-anak miu, sahingga ma'idekanmo na kinyonyoa nu aha. Ola ahi' opidaka'i na aha nu atulan ka' pangajalan nu Tumpu.

PO'ULE' INGULIT 11:19

Opotinganakon hi to ana-anak nu belemiu. Osisikakon i uno nu laigan, i sambiha'nyo nu laigan tempo'nyo milawe, ka' tempo'nyo mokalaja.

PO'ULE' INGULIT 12:1

“Aiyamo na to atu-atulan anu tionyo ahi' otuluti nu belemiu i uno nu kantumuu'an nu belemiu, i lipu' anu binee'mo nu Tumpu hi belemiu Tumpu Allah nu mompolee'miu.

PO'ULE' INGULIT 16:3

Palasombahan i Paskah aijo' tionyo ahi' okaan tiba roti anu madi' ko raginyo. Pitun sinaa na kopinnyo na belemiu tionyo ahi' mongkaan roti anu madi' ko raginyo susumo tempo'nyo belemiu nompala'imo mae tano' nu Mesir anu nolosia'mo mae hondo. Kaanmo na roti aijo', roti anu osanggohi roti nu kasansala'an, da i uno nu kantumuu'an nu belemiu, saja' belemiu tonginau' i sinaa tempo'nyo belemiu nompala'imo mae Mesir, tampat miu nongoa'i kasansala'an.

PO'ULE' INGULIT 17:19

Kitab aijo' tionyo ahi' saja' ohani hi ia, ka' tionyo ahi' saja' nu basa' da balagulu' mongadati Tumpu Allahnyo ka' saja' montuluti iwi-iwi' na palentah anu tinulis i unonyo.

PO'ULE' INGULIT 29:29

Daagi' ko to pia-piangkuka na han na anu pinohowini nu Tumpu Allah-nto, panyo atulan-Nyo pinoto'i-Nyomo hi kita, ka' kita tiba lee'to tionyo ahi' montuluti sampe toka sidu-sidutu'.”

PO'ULE' INGULIT 31:19

Uuka aiya tulismo na nyanyian aiya ka' opotinganakon hi bansa Israel da bau pomponyata' hi aha.

PO'ULE' INGULIT 32:46

i Musa notataemo, “Palahatikan na palentah iwi-iwi' anu binee'kumo hi belemiu sinaa aiya. Opotingan hi to ana-anak nu belemiu, da aha sabole-bole mombau iwi-iwi' na atulan nu Tumpu.

PO'ULE' INGULIT 4:10

na sinaa aijo' de belemiu tuminjomo i ahop nu Tumpu Allah nu belemiu i Bungkutnyo nu Sinai. Tempo'nyo aitu Ia notataemo hi belengku, ‘Posihuk mae na bansa aijo'. Ku ka'ima'i da aha mohongo apaa na anu kahanda' Ku poto'i, da aha balagulu' tulu-tulutan hi beleng-Ku i uno nu kantumuu'an nu aha sidu-sidutu', ka' da aha mompogulu' to ana-anak nu aha da tulu-tulutan hi beleng-Ku.’

PO'ULE' INGULIT 4:15

“Tutugi ima-ima'! Tempo'nyo Tumpu notatae hi belemiu i uno nu apu kiijo' mae i Bungkutnyo nu Sinai, madi' ko apa-apaa na anu tinoa nu belemiu.

PO'ULE' INGULIT 4:23

Tutugi ima-ima'! Boli okolilimi na anu jinanji'mo nu Tumpu Allah miu hi belemiu. Tuluti na palentah-Nyo; boli hondo-hondo mombau patong na belemiu maumo sumo apaa da osombah,

PO'ULE' INGULIT 6:12

o jaga mae ima-ima' da belemiu boli mongkolilimi Tumpu anu nompobebasmo belemiu lengkat mae i Mesir, i tampat belemiu binotuanan.

PO'ULE' INGULIT 6:2

Belemiu ka' lee' nu belemiu tionyo ahi' mongadati Tumpu Allah nu belemiu i uno nu kantumuu'an nu belemiu ka' montuluti iwi-iwi' na atulan-Nyo anu binee'kumo hi belemiu, da belemiu pin na tumuu' i lipu' aijo'.

PO'ULE' INGULIT 6:20

Sinaa aiya mae i mihi to ana-anak nu belemiu mompokilawamo hi belemiu, ‘Kadaka' Tumpu Allah-nto mompokaumo kita da montuluti iwi-iwi' na palentah aijo'?’

PO'ULE' INGULIT 6:7

Opogulu'akon hi to ana-anak nu belemiu. Belemiu tionyo ahi' mombisalakon i uno nu laigan, kabai i sambiha'nyo nu laigan, tempo'nyo milawe ka' tempo'nyo mokalaja.

PO'ULE' INGULIT 8:11

“Ojagai ima-ima' boli saidi' mae belemiu mongkolilimimo Tumpu Allah nu belemiu; boli okolilimi maumo pe'e ola sa'angu' na atulan-Nyo aijo' anu binee'kumo hi belemiu sinaa aiya.

PO'ULE' INGULIT 8:14

Ojaga ima-ima' da belemiu boli kobubuun ka' mongkolilimimo Tumpu Allah nu belemiu anu mompobebasmo belemiu lengkat mae i Mesir tampat nu belemiu binotuanan.

IBRANI 2:1

Mokonyo aijo' kita tionyo lebe totu-totu'u mintoong i pangajalan anu i hongontomo, da kita boli mompala'i kapalesaya'anto.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

YAKOBUS 2:22

Aiya nanasamo taalu' iman tionyo ahi' oponyata' i han anu obau da timbali sukup ka' ma'ima'.

YOSUA 1:18

Batu-batu mian anu madi' mongka'oho' ta'aluk i kakuasa'an nu beleyum kabai madi' montuluti palentah nu beleyum, mohumpak hukuman mate. Tionyo ahi' beleyum totu-totu'u na kinyonyoa ka' baani!”

YOSUA 23:11

Kalana aijo', o inau' ka' saja' mongkalibosi Tumpu Allah nu belemiu.

YOSUA 4:21

Lantas i Yosua notataemo hi aha mian nu Israel, “Saidi' mae imihinyo de to ana-anak nu belemiu mompokilawa alati'nyo nu batu haha aiya,

ANU PINOTO'I HI YOHANES 3:3

Jadi, po'ule' o inau' apaa na anu ingajanakonmo hi belemiu u'utu mae, ka' apaa na anu i hongomo miu. Pojalanmo na aijo' ka' balatobatmo i to dosa-dosa' miu. De belemiu madi' mobula, Akuje na toka hi belemiu sumo anu montomang; ka' madi' osumbu' miu hipian na tempo'nyo Aku tokamo mae.

TO MIA-MIAN KOPIAN 3:7

Aha mian nu Israel binaladosa'mo hi Tumpu, Tumpu Allah nu aha. Aha nongkolilimimo Ia sahingga aha nonsombahmo to pilo-pilogot nu Baal tiba Asyera.

TO MIA-MIAN KOPIAN 8:34

Aha madi'mo daagi' nonsombah Tumpu Allah, aijo'mo Tumpu nu aha nompolapasmo aha tempo'nyo kinuasan nu sampobali' iwi-iwi' nu aha anu montikubi mae aha.