PO'ULE' INGULIT 4:7 - KITAB NU TUMPU ALLA LELE MA'IMAI'

⁷ Bansa daka' iya na anu ko pilogotnyo ka' anu ohani hondo aijo' de opalaluimo susumo Tumpu Allah-nto ohani hondo hi kita? Ia montaami de kita momoitamo tulung hi Ia.

PO'ULE' INGULIT 4:7 ပူးပေါင်းရင်းမြစ်များ

2 SAMUEL 7:23

Songko-songko na dunia madi' ko sa'angu' na bansa anu pokakana sumo Israel. Olamo sa'a-sa'angu'nyo bansa Israel na anu pinobebasmo nu belento, da bolimo timbali posihon da timbalimo mian anu pinalesayamo hi belento Tumpu. Iwi-iwi' na han anu to daka-daka' ka' anu okabangangi, anu binaumo nu belento Tumpu hi aha, sahingga sanggo nu belento tinalasanggomo hi songko-songko na dunia. Aha bansa sangga'at ka' mule' to pilo-pilogot nu aha, i laa'mo nu belento tempo'nyo mian anu pinalesayamo hi belento Tumpu nambamo nahampate.

MAZMUR 145:18

Ia ohani hi mian anu mongkakase hi Ia, ka' mongkakase hi Ia tiba kinyonyoa anu madi' tageo'.

MAZMUR 147:20

Ia madi' nombau susumo aijo' hi bansa-bansa sangga'at, aha madi' monsumbu' iwi-iwi' na atulan-Nyo. Opuji' na Tumpu!

MAZMUR 148:14

Ia nompohosonmo bansa-Nyo, sahingga Ia lewa'mo nupuji' nu mian anu pinalesayamo hi Ia, Israel, mian anu nu kalibosi. Opuji' na Tumpu!

MAZMUR 34:17

Panyo mian anu mombau palabuatan anu ma'idek na Nu ka'ideki ahi'; de aha silakamo, aha sampa okolilimi.

MAZMUR 34:18

De maluanyo mian anu bala iman hondo, mongkakase momoita tulung, nu hongo nu Tumpu, ka' momposalamatakon aha da madi' nu kona nu iwi-iwi' na kasusa'an.

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 73:28

Panyo de belengku na totu-totu'u ahi' ma'ima' hondo na jojoong koko hi Tumpu. Tumpu na ku bau tampat pihohunganku da aku moko ala mombebakon iwi-iwi' apaa na anu binau-Nyomo.

MAZMUR 85:9

Aku nohongomo potatae nu Tumpu; ia nonjanji'mo ka'ima'an nu kantumuu'an hi kita, mian anu palesayamo hi Ia, asan kita bolimo po'ule' mombau dosa'.

YESAYA 43:4

Beleyum na ko angga'nyo ahi' imatang-Ku, Aku mohalagai ka' mule' mongkalibosi ahi' beleyum; sahingga Ku bee'imo mian salaku baumo pombolosi beleyum, to bansa-bansa salaku baumo pombolosi santuu' nu beleyum.

YESAYA 55:6

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

NOMBILANGMO 23:21

Hi Yakub madi' tinoa na hahan anu ma'idek; hi Israel madi' tinoa na kasusa'an. Tumpu, Tumpu Allah nu aha, monsangalui aha. Aha lewa'mo noloboo'akon; Iamo na Tomundo!

NOMBILANGMO 23:9

Lengkat mae aita' i bungkutnyo iwi-iwi' tinoangkumo na aha; lengkat mae aita' i puge'nyo iwi-iwi' tinanggalakonkumo na aha. Toa, sa'angu' na bansa nosi po'iwi'mo madi' minsoop hi tompukan nu bansa-bansa sangga'at.

SISIKON NU TO RASUL-RASUL 17:27

Tumpu nombau aijo' da aha molio Ia. Opai-pai lio da aha singkabot tiba Ia tempo'nyo aha molio Ia. Panyo sabenannyo Tumpu Allah madi' majo'on lengkat hi kita toto samian.

PO'ULE' INGULIT 26:19

Tumpu nompotimbalimo belemiu lebe daka' molingkudui iwi-iwi' bansa sangga'at anu pinotimbali-Nyomo, ka' belemiu opuji'mo ka' o adatimo. Belemiu tinimbalimo mian anu pinalesayamo hi Tumpu Allah nu belemiu susumo anu jinanji'Nyomo.”

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

PO'ULE' INGULIT 4:32

Soba tutugi apaa na anu tinimbalimo tempo'nyo naipuan mae belemiu ma'isa pe'e i hampe salatanmo pe'e sinaa momonanyo Tumpu Allah nompotimbali manusia i dunia aiya. Lio i songko-songko na dunia. Pa' toho'mo tinimbali na han anu daka' hondo sumo aijo'. Pa' toho'mo ko mian anu nohongo apaa na anu jinadimo sumo aijo'?

PO'ULE' INGULIT 5:26

Te toho' daagi' ko manusia anu tataap tumuu' salatan mohongomo Tumpu Allah anu tumuu' motatae i uno nu apu?

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!