PO'ULE' INGULIT 4:6 - KITAB NU TUMPU ALLA LELE MA'IMAI'

⁶ Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

PO'ULE' INGULIT 4:6 ပူးပေါင်းရင်းမြစ်များ

1 TOMU-TOMUNDO' 4:34

To tomu-tomundo' anu i songko-songko na dunia nohongomo kapandean i Salomo, sahingga aha nonsaimo mian namba hi ia mompotombihing ia.

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

MAZMUR 19:8

Atulan nu Tumpu aijo' sinukupmo hondo, mompokopiani santuu'. Palentah nu Tumpu timbali opalesaya, mombee'i kapandean bapikin hi mian anu madi' talalo pande.

AMSAL 1:4

Mian anu madi' ko anu nu pisumbu-sumbu' nu ajan sahingga ko pikilan anu mangalati', ka' to oli-olitau tiba to lalangkoyang nu ajan da timbali mian anu pande ka' moko ala bapikin susumo anu motu'amo.

AMSAL 1:5

Tiba pokinde' haha aijo' miana nu pande mompaka panjoo'mo na ilimu'nyo ka' mian anu nosikolahmo mohumpakmo to poki-pokinde' anu ma'ima'.

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 14:34

Kaadilan ka' kanonongan mohangkat sanggo ma'ima' nu bansa; panyo dosa' monsaduakon bansa timbali ma'ambang.

AMSAL 14:8

Mian anu pande monsumbu' mompopikilakon apaa na anu tionyo obau, panyo mian anu ponga' nu akali nu kaponga'annyo.

YESAYA 42:21

Tumpu situjumo na momposalamat; Ia mongkahanda'i da atulan-Nyo oholomati ka' opopodaka'.

YEREMIA 8:9

To mia-mian anu toto pande-pande atina' hi belemiu saidi' mae opopo ambangmo. Aha madi'mo moko ala bapikin ka' ohakopmo. Aha madi'mo mongka'oho' montalima pokinde'-Ku; jadi kapandean apaa na anu daagi' hi aha?

YEHEZKIEL 5:5

Tumpu Anu Matangkas na Kuasanyo notatae, “Soba toa aiyamo na Yerusalem. Kota' aiya Ku po una'mo i puso nu dunia tiba nega-negara sangga'at anu mompaha ohani.

DANIEL 1:20

De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

DANIEL 4:9

“O Beltsazar, polaya' nu to mia-mian anu ko ilimu' ku sumbu' na beleyum kinuasanmo nu roh nu to pilo-pilogot anu susi, sahingga madi' ko lahasia anu opohowini hi beleyum. Potombihing mae na ipionku uuka ka' talangkan mae na alati'nyo.

HOSEA 8:12

Manjoo'mo hondo na pangajalan anu tinulis-Kumo kona hi aha panyo iwi-iwi' aijo' madi' tinalima nu aha kalana nu sangka nu aha; aha na isambiha'nyo ahi'.

MALEAKHI 3:12

Sahingga belemiu otaloakonmo nu bansa iwi-iwi' sanang na kantumuu'an nu belemiu, kalana lipu' nu belemiu timbalimo tampat anu ma'ima na bau kajojoongan.”

PO'ULE' INGULIT 29:9

Jadi tionyo ahi' belemiu saja' montuluti ka' mombau iwi-iwi' na palajanjian aijo' da apaa na anu obau nu belemiu iwi-iwi' mingkaliangan.

PO'ULE' INGULIT 32:46

i Musa notataemo, “Palahatikan na palentah iwi-iwi' anu binee'kumo hi belemiu sinaa aiya. Opotingan hi to ana-anak nu belemiu, da aha sabole-bole mombau iwi-iwi' na atulan nu Tumpu.

PO'ULE' INGULIT 32:47

Pangajalan aijo' misa' ola potatae anu madi' ko batunyo, panyo bau kantumuu'an nu belemiu. Sabole-bole otuluti na palentah aijo' iwi-iwi' da mantan na umun nu belemiu i lipu' anu madi'mo daagi' pin kajojoonganmo nu belemiu i santoanyo Kaunyo nu Yordan.”

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.

YAKOBUS 3:13

De itina' hi komiu daagi' ko mian anu pande ka' manonong, tionyo ahi' anu ma'ima' aijo' nu potoa i uno nu kantumuu'annyo, ka' mombau ahi' hahan anu ma'ima', anu ososapi'i nu kinyonyoa madi' ko bubuun ka' pande.