PO'ULE' INGULIT 4:40 - KITAB NU TUMPU ALLA LELE MA'IMAI'

⁴⁰ Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”

PO'ULE' INGULIT 4:40 ပူးပေါင်းရင်းမြစ်များ

MAZMUR 105:45

da mian anu palesayamo hi Ia aijo', tulu-tulutan hi atulan-Nyo iwi-iwi', ka' montulutimo iwi-iwi' na palentah-Nyo. O puji' na Tumpu!

NOSABATMO 20:12

O adati na tuuma ka' tina nu belemiu da belemiu mohumpak ka'ima'an ka' mantan nu umun i lipu' anu Ku bee' hi belemiu.

NOSABATMO 23:26

I lipu' nu belemiu madi' ko boune anu mohampeakon anak ma'isa pe'e sukup na umunnyo i kompong lantas anak aijo' silakamo kabai boune anu lengke'. Belemiu Ku po'inum madi' sampa silaka.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

YESAYA 65:20

To ana-anaknyo madi'mo daagi' ko anu silaka daai' ise', ka'mian anu tu'anyomo mantanmo na umunnyo nu aha. Mian anu umunyo sa'atumo na taun daagi' o'anggap olitau, ka' mian anu sinilakamo ma'isa pe'e jinadi na aijo' o'anggapmo ahi' kinonamo nu hukuman-Ku.

YEREMIA 11:4

Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

YEREMIA 35:18

Lantas pinoto'ingkumo hi aha to mia-mian sa'anakan mae i Rekhab koongku, Tumpu Anu Balakuasa hondo, Tumpu Allah Israel, nompoto'imo mae sumo uuka, “Belemiu nontulutimo mompolee' nu belemiu i Yonadab; iwi-iwi' na palentahnyo tinulutanmo nu belemiu ka' binaumo.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

YEREMIA 7:7

De belemiu mombali'imo jalan nu kantumuu'an nu belemiu tiba kalakuan nu belemiu ka' mule' madi'mo mombau iwi-iwi' aijo', Ku pobee'mo na belemiu tataap jojoong ilipu' aiya anu binee'-Kumo salaku tano' pusaka' hi mompolee' nu beleyum.

IMAMAT 22:31

Tumpu notatae, “Otuluti na palentah-ngKu haha aiya, Akumo na Tumpu.

NOMBILANGMO 10:29

I Musa notataemo hi dawoknyo, i Hobab anak i Rehuel aha mian nu Midian, “Kami mambaje i tampat anu pinoto'imo nu Tumpu obee' hi kami. Tumpu nonjanji'mo mombee'i anu ma'ima' hi aha mian nu Israel. Jadi batukimo mae, okanonongije mami na beleyum.”

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

EFESUS 6:3

aijo'mo: “Da belemiu monta'up ka'ima'an ka' mantan na umun miu i dunia”.

PO'ULE' INGULIT 11:9

Ka' belemiu tumuu' pin i lipu' anu kaya ka' tano'nyo ma'omuk, anu jinanji'mo nu Tumpu hi mompolee' miu ka' mule' hi lee' nu aha.

PO'ULE' INGULIT 12:25

De otuluti nu belemiu na palentah aijo' Tumpu sanangmo ka' belemiu tiba lee' nu belemiu mohumpakmo ka'ima'an.

PO'ULE' INGULIT 12:28

Opalahatikan ima-ima' iwi-iwi' apaa na anu pinalentahkonkumo hi belemiu sahingga belemiu mombaumo anu ma'ima' ka' nusitujui nu Tumpu Allah nu belemiu sahingga belemiu ka' lee' miu mohumpak kasalamatan ka' ka'ima'an sampe toka sidu-sidutu'.”

PO'ULE' INGULIT 22:7

Timbali o ala miu na soma'nyo nu tomonsi' haha aijo', panyo polapas na tinanyo da lumahap, da mantan na umun nu belemiu ka' kantumuu'an nu belemiu mohumpak kasanangan.

PO'ULE' INGULIT 25:15

Pake ahi' na timbangan ka' montakan anu tantu da mantan na umun nu belemiu i lipu' anu binee'mo nu Tumpu Allah nu belemiu hi belemiu.

PO'ULE' INGULIT 32:47

Pangajalan aijo' misa' ola potatae anu madi' ko batunyo, panyo bau kantumuu'an nu belemiu. Sabole-bole otuluti na palentah aijo' iwi-iwi' da mantan na umun nu belemiu i lipu' anu madi'mo daagi' pin kajojoonganmo nu belemiu i santoanyo Kaunyo nu Yordan.”

PO'ULE' INGULIT 33:25

O amalakon da iwi-iwi' na sabatan daka' anu tambaga ka' besak na binau bau kahosonan nu aha, da kantumuu'an nu aha madi' ko anu mompoposia.”

PO'ULE' INGULIT 4:1

Lantas i Musa notataemo hi bansa aijo', “Tuluti iwi-iwi' na atulan anu pinogulu'kumo hi belemiu, da belemiu timbali tumuu' sampe monjojoongimo tano' anu nubee' nu Tumpu, Tumpu Allah nu mompolee' miu, hi belemiu.

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

PO'ULE' INGULIT 5:10

Panyo Aku mompotoa kalibosan-Ku hi momada-madala na lee' nu to mia-mian anu mongkanonongi Aku ka' tulu-tulutan hi palentah-ngKu.

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

PO'ULE' INGULIT 5:29

Soba de aha saja' ko pikilan sumo aijo'! Soba de aha saja' mongadati Aku ka' montuluti palentah-ngKu iwi-iwi', sahingga aha ka' lee' nu aha mohumpak ka'ima'an sampe toka sidu-sidutu'!

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

PO'ULE' INGULIT 6:18

Obau apaa anu koonyo nu Tumpu ma'ima' ka' adin, sahingga belemiu mohumpak ka'ima'an. Tano' anu ma'omuk anu jinanji'mo nu Tumpu hi mompolee' nu belemiu timbalimo anu nu belemiu,

PO'ULE' INGULIT 6:3

Kalana aijo' potombihing to utu-utus, bau na aijo' ima-ima' da belemiu mohumpak ka'ima'an ka' timbali sa'angu' na bansa anu daka' i lipu' anu kaya ka' anu ma'omuk, susumo anu jinanji'mo nu Tumpu Allah nu mompolee'to.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.