PO'ULE' INGULIT 4:4 - KITAB NU TUMPU ALLA LELE MA'IMAI'

⁴ panyo belemiu anu sabole-bole tulu-tulutan hi Tumpu Allah nu belemiu, daagi' tumuu' sampe tempo' uuka aiya.

PO'ULE' INGULIT 4:4 ပူးပေါင်းရင်းမြစ်များ

MAZMUR 63:8

Kalana Belento na nontulungimo mae aku; i uno nu polipik nu Belento, aku nanyanyimo ka' i lame'mo.

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

PO'ULE' INGULIT 10:20

O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

PO'ULE' INGULIT 13:4

Mian anu susumo aijo' hukumannyo tionyo ahi' opatei, kalana kahanda'mo momposangkalinga belemiu da boli montuluti, jalan a nu pinalentahkonmo nu Tumpu Allah nu belemiu hi belemiu. Ia mian anu ma'idek kalana mompokaumo belemiu da motomuhuk hi Tumpu Allah nu belemiu anu nompobebasmo belemiu nompala'imo mae Mesir, tampat nu belemiu binotuanan. Jadi ia tionyo ahi' opatei, da anu ma'idek aijo' madi'mo saja' obau. Panyo belemiu tionyo ahi' mombatuki Tumpu Allah nu belemiu ka' mongadati Ia, otuluti na Ia, ka' obau na palentah-Nyo iwi-iwi'. Sabole-bole saja' otuluti ka' opalesaya na Ia.

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

PO'ULE' INGULIT 4:3

Pinosi toamo nu belemiu apaa na anu binaumo nu Tumpu Allah miu i Bungkutnyo nu Peor. Batu-batu mian anu monsombah Baal i tampat kiijo' pinatean-Nyomo,

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.

YOSUA 22:5

Ka' sabole-bole o inau' da belemiu saja' montuluti atulan anu pinalentahkonmo i Musa hi belemiu, aijo'mo kalibosi na Tumpu Allah nu belemiu, otuluti na pongka'oho'-Nyo, o hongo-hongo na palentah-Nyo iwi-iwi' boli panggagah hi Ia, ka' palesaya na Ia nu kinyonyoa totu-totu'u.”

YOSUA 23:8

Ola ahi' tionyo belemiu sabole-bole montuluti Tumpu, susumo anu binaumo nu belemiu sangkutnyo uuka aiya.

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.

ANU PINOTO'I HI YOHANES 20:4

Lantas tinoangkumo na to kasu-kasuhangan, ka' to mia-mian anu sinumuhang i to kasu-kasuhangan haha aijo' binee'anmo kuasa da momputusi hukuman. Aku nontoa suele santuu' nu to mia-mian anu kinolongmo na ubaknyo kalana aha nompototu'umo i Yesus, ka' nompolelemo potuunon lengkat mae hi Tumpu. Mian haha aijo' madi' monsombah binatang kabai patongnyo. Aha mule' madi' toho' nontalima tanda nu binatang aijo' i siakan kabai i lima nu aha. Sahingga aha po'ule'mo tinumuu' ka' po'ule'mo nompalentah salaku tomundo tiba i Kristus kopinnyo samadala na taun.