PO'ULE' INGULIT 4:34 - KITAB NU TUMPU ALLA LELE MA'IMAI'

³⁴ Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 4:34 ပူးပေါင်းရင်းမြစ်များ

MAZMUR 136:12

kalana lima mahoson ka' baani; kalibosan-Nyo sampe toka sidu-sidutu'.

MAZMUR 24:8

Ihe na Tomundo' anu talasanggo aijo'? Aijo'mo Tumpu anu baani hondo: Tumpu anu mongkuasai iwi-iwi' anu saja' mohumpak ka'untungan de mahampate.

MAZMUR 78:12

I ahop nu mompolee' nu aha, Tumpu nombaumo anu okabangangi i lipu' nu Mesir, i i hatanyo nu Zoan.

NOSABATMO 1:9

Ia notatae hi layatnyo, “To mia-mian nu Israel haha aijo' mohungku'imo mae kita kalana talalo manjoo' ka' lebe mahoson molingkuduimo mae kita.

NOSABATMO 10:21

Tumpu notatae hi Musa, “Tangkakon na lima nu beleyum mokiita' da tano' nu Mesir nutuda'i mae nu balaa' pikat.”

NOSABATMO 10:7

Singkapmo notatae na aha anu ko pangkatnyo hi tomundo, “Sampe toka hipian na kopinnyo na mian aijo' saja' mae momposusa' kita? Pobee'mo iwi-iwi' na mian nu Israel haha aijo' mamba monsombah Tumpu, Tumpu Allah nu aha. Toa lipu' to aiya na'idekmo!”

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 14:30

Sinaa aijo' Tumpu nomposalamatmo bansa Israel tempo'nyo aha tinumbuhanmo nu aha mian Mesir, ka' aha nontoamo to bangke-bangke' nu aha mian Mesir singkapmo tinosasa i biwi nu bone'.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

NOSABATMO 19:4

“Tinoamo nu belemiu apaa na anu binaung-Kumo hi mian nu Mesir ka' mosia na Aku nomboamo mae belemiu hi beleng-Ku i tampat aiya nu kuasa anu daka' hondo sumomo tomonsi' bonyia' momboa soma'nyo aita' i polipiknyo.

NOSABATMO 3:10

Uuka aiya beleyum Ku saimo da mangadap hi tomundo Mesir da beleyum timbali molaya' bansang-Ku mosabat lengkat i lipu' aijo'.”

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

NOSABATMO 7:3

Panyo Ku potimbalimo na i tomundo da panggaga. Ia madi' koko mompajuli beleyum, mau mule' Aku mompodaagi'mo manjoo' na balaa' kiijo' i Mesir.

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YEREMIA 21:5

Akumo ahi' na mompahampateakon belemiu tiba kahosonan anu memang ahi' mahosonmo totu-totu'u, kalana tambuha' anu taha-tahahumo.

YEREMIA 32:21

Tiba kuasa ka' kahosonan nu Belento anu daka' aijo' Belento nomboamo mian nu Israel nosabat lengkat mae i Mesir. Belento nombaumo hahan anu okabangi tiba hahan anu okahelani tiba hahan anu jinadimo nonompotolokengkengmo aha sampobali'.

NOMBILANGMO 20:16

ka' kami nongkakasemo hi Tumpu nomoita tulung. Ia nohongomo poitaon mami ka' nonsaimo mae samian na malaekat. Malaekat aijo' nolaya'mo mae kami nosabat i tano' nu Mesir. Uuka aiya kami kiijo'mo i Kades, sa'angu' na kota kiijo' i potempasan nu da'erah nu belento Tuanku.

PO'ULE' INGULIT 1:30

Tumpu Allah miu molaya'je komiu ka' mompagalakon komiu susumo pinositoa miu i Mesir

PO'ULE' INGULIT 10:21

Opuji' na Ia kalana Ia Tumpu Allah nu belemiu. Posi matamo nu ubak miu na nontoa palabuataan anu toto daka-daka' hondo ka' okabuhuk apaa na anu binau-Nyo hi belemiu.

PO'ULE' INGULIT 11:2

Tutugi uuka aiya apaa na anu osumbu' miu mongkona Tumpu i uno nu han anu ingoa'anmo nu belemiu. To ana-anak nu belemiu ma'isa toho' nongoa'i sumo aijo'. Belemiu na anu nontoamo mosia na Tumpu Allah nu belemiu anu talasanggo hondo, kahosonan-Nyo, kakuasa'an-Nyo,

PO'ULE' INGULIT 26:8

Kalana kuasa ka' kahosonan anu daka' hondo, Belento nompobebasmo kami lengkat mae i Mesir. Belento nombaumo anu okabangangi ka' anu ma'isa toho' tinimbali, ka' hahan anu nompopobuhukmo sampobali' nu aha.

PO'ULE' INGULIT 29:3

Belemiu suele nontoamo iwi-iwi' na balaa' anu okabuhuk, anu ma'isa toho' binau nu mian ka' anu okabangangi anu binaumo nu Tumpu.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

PO'ULE' INGULIT 34:12

Madi' ko anu moko ala mombau anu opalias ka' anu okabuhuk susumo anu binaumo i Musa i ahop nu bansa Israel iwi-iwi'. 1

PO'ULE' INGULIT 5:15

O inau' ahi' saba' belemiu suele naipuan mae binotuanan i Mesir, lantas pinobebasmo nu Tumpu Allah nu belemiu nu kasusa'an-Nyo anu daka' hondo. Kalana aijo' Ku palentah na belemiu da molame'akon sinaa nu Sabat.

PO'ULE' INGULIT 6:21

Sahingga belemiu tionyo ahi' montaami sumo uuka, ‘Naipuan mae kita tinimbalimo botuan i tomundo Mesir, lantas Tumpu nompobebasmo kita nu kuasa-Nyo anu daka' hondo.

PO'ULE' INGULIT 7:19

O' inau' na to bala-balaa' anu okabuhuk hondo anu pinosi sakisianmo nu belemiu, batu-batu anu okabangangi, ka' kakuasa'an anu daka' na binaumo nu Tumpu Allah nu belemiu, kalana kahanda' mompobebas belemiu. Sumo aijo' suele na Tumpu Allah mombau iwi-iwi' na bansa anu okabuhuk miu.

PO'ULE' INGULIT 9:29

Panyo inau', Tumpu, saba' aha aiya bansa anu pinile'anmo nu Belento da timbalimo mian anu pinalesayamo hi Belento, ka' binoamo mae nu Belento lengkat i Mesir tiba kahosonan ka' kakuasa'an nu Belento anu daka'.”

YOSUA 24:7

aha notataemo nompoita tulung hi beleng-Ku. Sahingga tampat i olot nu aha tiba to mia-mian nu Mesir aijo' pinotimbaling-Kumo da pinintung, ka' kinuluban-Kumo na aha mian nu Mesir haha aijo' nu ambai sahingga aha iwi-iwi' i nolomosmo. Sinumbu'mo miu iwi-iwi' apaa na anu binaung-Kumo kiijo' i Mesir. Pinin hondo na belemiu jinojoong i padang bone'.

1 PETRUS 5:6

Kalana aitu, pati'alukakon na butong nu belemiu i aluk nu lima nu Tumpu anu maho-mahoson, da Nu hangkat na belemiu de tokamo na tempo'nyo.