PO'ULE' INGULIT 4:32 - KITAB NU TUMPU ALLA LELE MA'IMAI'

³² Soba tutugi apaa na anu tinimbalimo tempo'nyo naipuan mae belemiu ma'isa pe'e i hampe salatanmo pe'e sinaa momonanyo Tumpu Allah nompotimbali manusia i dunia aiya. Lio i songko-songko na dunia. Pa' toho'mo tinimbali na han anu daka' hondo sumo aijo'. Pa' toho'mo ko mian anu nohongo apaa na anu jinadimo sumo aijo'?

PO'ULE' INGULIT 4:32 ပူးပေါင်းရင်းမြစ်များ

KAJADIAN 1:27

Sumo aijo'mo na Tumpu nombau manusia ka' aha binau-Nyomo susumo butong-Nyo. Binau-Nyomo na aha mo'ane ka' boune.

2 SAMUEL 7:23

Songko-songko na dunia madi' ko sa'angu' na bansa anu pokakana sumo Israel. Olamo sa'a-sa'angu'nyo bansa Israel na anu pinobebasmo nu belento, da bolimo timbali posihon da timbalimo mian anu pinalesayamo hi belento Tumpu. Iwi-iwi' na han anu to daka-daka' ka' anu okabangangi, anu binaumo nu belento Tumpu hi aha, sahingga sanggo nu belento tinalasanggomo hi songko-songko na dunia. Aha bansa sangga'at ka' mule' to pilo-pilogot nu aha, i laa'mo nu belento tempo'nyo mian anu pinalesayamo hi belento Tumpu nambamo nahampate.

AYUB 8:8

Mian anu toto pande-pande na bapikin naipuan mae tionyo ahi' saja' o'inau' ka'opotutugakon nu beleyum apaa na anu ingoa'anmo nu to mompo-mompolee'to.

MAZMUR 44:1

Mazmur nu aha sa'anakan i Korah. Nyanyian pangajalan. Anu mongkapalai panyanyi.

NOSABATMO 34:10

Tumpu notataemo hi Musa, “Uuka aiya Aku mombaumo Palajanjian tiba bansa nu aha Israel. I ahop nu mata nu aha Aku mombaumo anu okabangangi anu ma'isa toho' binau i bansa mau pa' iyaya mae i dunia aiya. Iwi-iwi' na bansa montoaje Aku mombau anu okabangangi kalana Aku, Tumpu mombaumo apa-apaa na anu okabuhuk nu belemiu.

YESAYA 45:12

Akumo na Tumpu anu nompotimbalimo dunia aiya, ka' mule' nompotimbalimo mian da monjojoongi. Tiba kakuasa'an-Ku, Aku nombokamo langit ka' nompalentahmo batu nu sinaa, bitu'on tiba to manda-mandala'.

YOËL 1:2

Potombihing pe'e, o to tu'a-tu'anyo; palahatikan, iwi-iwi' mian nu Yehuda. Toho'mo na han anu sumo aijo' jinadi kabai tempo'nyo nai puan mae hi mompolee' nu belemiu?

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

MARKUS 13:27

Ia monsaije to mala-malaikat molimu' mian anu pinile'an-Nyomo lengkat i opat na pasu'nyo nu dunia aiya, lengkat i puus nu dunia toka-toka i puus nu langit.”

PO'ULE' INGULIT 28:64

Tumpu mongga'a-ga'atakonmo belemiu mamba hi bansa-bansa anu i songko-songko na dunia aiya. Ikiijo' mae belemiu monsombahmo to pilo-pilogot anu kau' ka' batu na binau, to pilo-pilogot anu madi' osumbu' nu belemiu ka' suele madi' nusumbu' nu mompolee' nu belemiu.

PO'ULE' INGULIT 30:4

Mau mule' belemiu noga'a-ga'atmo iyaya mae i dunia aiya, Tumpu Allah nu belemiu po'ule'mo momposihuk belemiu ka' po'ule'mo monsule'akon belemiu.

PO'ULE' INGULIT 32:7

O inau' na tempo' naipuan mae, palahatikan na tulunan nu aha anu u'utu mae, Pokilawa hi to tu'a-tu'anyo nu belemiu, da nupoto'i nu aha hi belemiu.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

PO'ULE' INGULIT 4:7

Bansa daka' iya na anu ko pilogotnyo ka' anu ohani hondo aijo' de opalaluimo susumo Tumpu Allah-nto ohani hondo hi kita? Ia montaami de kita momoitamo tulung hi Ia.