PO'ULE' INGULIT 4:27 - KITAB NU TUMPU ALLA LELE MA'IMAI'

²⁷ Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.

PO'ULE' INGULIT 4:27 ပူးပေါင်းရင်းမြစ်များ

KAJADIAN 11:4

Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”

KAJADIAN 34:30

I Yakub notataemo hi Simeon ka' hi Lewi, “Komiu monsusa'imo aku. Uuka aiya mian nu Kana'an ka' mian nu Feris ka' iwi-iwi' na anu jojoong i lipu' aiya mongka'idekimo mae aku. To mia-mianto madi' manjoo'; de mian anu jojoong i lipu' aijo' iwi-iwi' mosa'angu'mo mongewa ka' montumbuhimo mae aku, kita sa'anakan iwi-iwi' nupateimo mae nu aha.”

NEHEMIA 1:3

Aha nonsisikmo tukoonyo nu aha mian haha aijo' anu toho'mo binoa i Babel panyo ninsusule'mo mae i tano' kinahampean nu aha aijo', tempo' uuka aiya tumuu' sansala ka' saja'mo nu popoambang nu bansa sangga'at anu i salipu'an, anu kiijo' mompaha ohani tiba aha. Pakalaus mule' pagan mesen nu kota' Yerusalem daagi' hondo ma'idek ka' nosungke-sungkehetmo ka' iwi-iwi na tumbannyo anu toto daka-daka' ma'isa ahi' pinokopianan salatanmo pe'e pinapuan tempo'nyo naipuan mae.

MAZMUR 106:27

Lee' nu aha oboamo i lipu' nu to bansa-bansa sangga'at, ka' oga'a-ga'atakonmo mamba oboa i lipu' nu mian anu i salipu'an.

MAZMUR 44:11

Pinojohokmo nu Belento na kami mopalaimo mompala'i sampobali' mami ka' ingagoanmo nu aha na halata' mami.

MAZMUR 44:12

Pinojohokmo nu Belento na kami da okolotmo susumo domba ka' gina'a-ga'atmo nu Belento na kami namba hi aha to bansa-bansa.

YESAYA 17:6

Susumo kau' zaitun anu noko tipuanmo na bua'nyo ka' me tinontuha' pa' sangkuka itutuu'nyo nu panga'nyo sumo aijo'mo na Israel me sangkiding na miannyo na salamat. Aku, Tumpu, Tumpu nu aha Israel nompoto'imo.”

YEREMIA 16:13

Kalana aijo' belemiu Ku laa'mo da madi'mo jojoong ilipu' aiya ka' Ku boamo isa'angu' na lipu' anu madi' hondo-hondo osumbu' nu belemiu ka' mompolee' nu belemiu. Ikiijo' mae belemiu monsombahmo to pilo-pilogot sangga'at sinaa tiba pihi, ka' Aku madi'mo mongkalibosi belemiu.’ ”

YEHEZKIEL 11:16

Mokonyo aijo' poto'iakon na potuunon-Ku aiya hi to sanga-sangalu nu belemiu anu binoamo ka' pinojoongmo kiijo' mae, koonyo nu potuunon-Ku, Akumo na nomboa aha jo'o-jo'on hi aha bansa-bansa ka' nombagi-bagimo aha iwi-iwi na lipu' anu kiijo' mae. Panyo hau-haunyo kiijo' mae na aha Aku saja' ahi' montoa aha.

YEHEZKIEL 12:15

De aha Ku ga'a-ga'atakonmo oboa hi aha bansa-bansa sangga'at i iwi-iwi na lipu' nu mian anu isalipu'an atina'je ka' nusumbu' nu aha taalu' Akumo ahi' na Tumpu.

YEHEZKIEL 20:23

I padang tampat anu kaho bone'nyo aijo', suele Aku nompohosonmo nu sumpa' tukoong-Ku, Ku ga'a-ga'atakonmo na aha mamba isongko-songko na dunia,

YEHEZKIEL 22:15

Ku ga'a-ga'atakonmo na mian anu atina' jojoong hi beleyum mamba hi iwi-iwi' na lipu' ka' bansa ka Ku pobelentimo na palabuatan nu beleyum ma'i-ma'idek atina'.

YEHEZKIEL 32:26

Mesekh ka' i Tubal suele kiijo' mae tinikuban nu kubulan nu to sulu-suludadu nu aha. Madi pinai sunat, aha sinilakamo iwi-iwi' i uno nu pahampatean. Tempo'nyo daagi' tutuu' aha saja' mompolubat mae kabuhukan i dunia.

DANIEL 9:7

O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.

HOSEA 9:17

Tumpu anu kuku bau na anu nu pokauhakon aijo', madi'mo daagi montalima mian-Nyo anu palesayamo hi Ia, kalana aha madi'mo mongka'oho' montuluti Ia. Aha solidi' mae memo saja' mamba momoya hi to bansa-bansa sangga'at.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

ZAKHARIA 7:14

Sumomo ahi' tambusisi' na Aku nonsapui aha, sahingga aha talapakisa jinojoongmo ahi' i lipu' nu aha anu i salipu'an mae. Tano' anu maomuk iliingmo hondo ka' madi'mo ko anu monjojoongi ka' mule' kinuunmo.”

PO'ULE' INGULIT 28:36

Belemiu ka' tomundo nu belemiu nuboamo nu Tumpu i lipu' nu mian anu i salipu'an anu madi' osumbu' nu belemiu ka' suele madi' osumbu nu mompolee' miu. Ikiijo' mae belemiu mompalesayamo to pilo-pilogot anu kau' ka' batu na binau.

PO'ULE' INGULIT 29:28

Pusa nu Tumpu hi aha i lubatakon-Nyomo hondo-hondo ka' pusa-Nyo anu taha-tahahumo aijo' Ia nonsabatakonmo bansa Israel da mompala'imo tano' nu aha ka' nongalinmo aha namba i lipu' nu mian anu i salipu'an sahingga aha kiijo'mo mae.’

PO'ULE' INGULIT 30:3

saba' Tumpu Allah nu belemiu mongkalibosimo belemiu. Belemiu po'ule'mo osule'akon mompala'i bansa-bansa anu pinongga'a-ga'atakonan-Nyomo belemiu, ka' po'ule'mo mongoa'i kasanangan.

PO'ULE' INGULIT 32:26

Aku kahanda'mo mompatei aha iwi-iwi', da aha madi'mo lewa' o inau'.