PO'ULE' INGULIT 4:23 - KITAB NU TUMPU ALLA LELE MA'IMAI'

²³ Tutugi ima-ima'! Boli okolilimi na anu jinanji'mo nu Tumpu Allah miu hi belemiu. Tuluti na palentah-Nyo; boli hondo-hondo mombau patong na belemiu maumo sumo apaa da osombah,

PO'ULE' INGULIT 4:23 ပူးပေါင်းရင်းမြစ်များ

2 TOMU-TOMUNDO' 17:38

ka' boli okolilimi na palajanjian-Ku tiba belemiu.

1 TAWARIKH 16:15

Saja' nu inau' na palajanjian-Nyo, anu jinanji'-Nyomo saja' oganapi sampe toka sidu-sidutu'.

NOSABATMO 23:13

O'intomakon iwi-iwi' apaa na anu tinaloakon-Kumo hi belemiu. Boli monsombah to pilo-pilogot sangga'at, monsanggo pe'e sanggonyo madi' timbali.”

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YEREMIA 31:22

Sampe toka hipian na beleyum saja'mo bata-bata, o bansa anu madi' tulu-tulutan hi beleng-Ku? Aku nompotimbalimo apa-apaa anu sala'je jinadi' idunia aiya, apa-apaa na anu okahelani hondo, ma'isa toho' jinadi boune monjagai mo'ane.”

YEHEZKIEL 16:59

Tumpu Anu Matangkas na Kuasanyo notatae, “Beleyum Ku hukumo sitimbang tiba palabuatan nu beleyum, kalana beleyum madi'mo nontuluti anu sinumpa'akonmo nu beleka' mule' nolanggaimo palajanjian-Ku anu binaumo tiba beleyum.

YEHEZKIEL 8:10

Aku ninsoopmo ka' tinoangkumo. Songko-songko na pimpi'nyo anu aijo' i unonyo pinaha gambalanmo nu ngangahan nu ulo tiba to bina-binatang anu madi' toho' okaan, ka' mule' ngangahan nu gambalan nu pilogot anu nu sombah nu aha mian Israel.

MALEAKHI 4:4

O'intomakon na pangajalan-Ku iwi-iwi' anu pinoto'imo i Musa, o'intomakon na atulan iwi-iwi' ka' mule' palentah iwi-iwi' anu binee'-Kumo hi ia kiita' mae i Bungkutnyo nu Sinai da otuluti nu aha mian Israel iwi-iwi'.

NOMBILANGMO 15:39

Jambu-jambunyo aijo' salaku bau pompotuka': De otoamo nu belemiu na aijo', belemiu tonginau'mo hi palentang-Ku iwi-iwi', ka' montulutimo. Ka' kalana daagi' ko aijo'nyo belemiu madi' mongkolilimi Aku, sahingga madi'mo montuluti posi pongka'oho' nu butong.

MATIUS 24:4

I Yesus nontaami, “Jaga mae, boli sampe komiu o akali.

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

PO'ULE' INGULIT 16:22

ka' boli mompotinjo ohi', bau ponsomban pilogot, kalana Tumpu Allah nu belemiu mongka'ideki palabuatan aijo'.

PO'ULE' INGULIT 27:15

Aha mian nu Lewi montaloakon: ‘Kutukiakon na mian anu mombau batu opotimbali patong, kau', kabai logam, ka' mule' oposuluk na monsombah ia; Nuka'ideki nu Tumpu na monsombah pilogot!’ Iwi-iwi' na mian da'isan montaami: ‘Amin!’

PO'ULE' INGULIT 27:9

Lapas aijo' tiba to ima-imam aha mian Lewi, i Musa notataemo hi iwi-iwi' bansa Israel, “To utu-utus, o'intoomakon ka' opotombihing mae! Sinaa aiya belemiu tinimbalimo mian anu pinalesayamo hi Tumpu Allah nu belemiu.

PO'ULE' INGULIT 29:25

Ka' taamnyo nu aijo', ‘Kalana aha nombaleko'imo palajanjian nu Tumpu, Tumpu Allah nu mompolee' nu aha; palajanjian anu binau-Nyo tiba aha tempo'nyo Ia nomboamo aha nosabat lengkat mae i Mesir.

PO'ULE' INGULIT 31:20

Aha Ku boamo mamba i lipu' anu kaya ka' ma'omuk susumo anu jinanji'-Kumo hi mompolee' nu aha. Ikiijo' mae na aha tumuu'mo sanang ka' mohumpakmo ngangahan nu anu okaan apaa na anu nupalalui nu aha. Panyo lapas aijo' aha tolosule'mo ka' monsombahmo to pilo-pilogot sangga'at. Aha madi'mo mongala Aku ka' mompojalomo palajanjian-Ku,

PO'ULE' INGULIT 4:25

Ka' mule' de belemiu saidi' mae pinmo na jojoong i lipu' aijo' ka' ko makumpumo, boli baladosa' kalana mombaumo patung maumo pa' sumo apaa. Palabuatan anu sumo aijo' sa'angu' na han anu ma'idek hi mata nu Tumpu Allah nu belemiu ka' monsaduakon Ia da motambuha'.

PO'ULE' INGULIT 4:9

Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

PO'ULE' INGULIT 5:2

I Bungkutnyo nu Sinai Tumpu Allah-nto nonjanji'mo misa' ola hi mompolee'to,

PO'ULE' INGULIT 6:12

o jaga mae ima-ima' da belemiu boli mongkolilimi Tumpu anu nompobebasmo belemiu lengkat mae i Mesir, i tampat belemiu binotuanan.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

YOSUA 23:11

Kalana aijo', o inau' ka' saja' mongkalibosi Tumpu Allah nu belemiu.

YOSUA 23:16

De belemiu molanggai anu jinanji'mo ka' anu pinalentahkon-Nyomo hi belemiu, nu Tumpu Allah nu belemiu da otuluti, panyo belemiu mambamo monsombah to pilo-pilogot sangga'at ka' montulutimo pilogot haha aijo' nutambuha'imo nu Tumpu ka' mohukumo belemiu. I uno nu tempo' anu madi' pin belemiu iwi-iwi' mohopu'mo i lipu' anu ma'ima' aiya, anu binee'mo nu Tumpu hi belemiu.”