PO'ULE' INGULIT 4:21 - KITAB NU TUMPU ALLA LELE MA'IMAI'

²¹ Panyo Tumpu Allah nu belemiu nontambuha'imo aku kalana sinaduakon nu belemiu ka' Ia binasumpa'mo tukoonyo aku madi'mo motaap i Kaunyo nu Yordan ka' minsoop i tano' anu ma'omuk anu Nu bee'mo hi belemiu.

PO'ULE' INGULIT 4:21 ပူးပေါင်းရင်းမြစ်များ

NOMBILANGMO 20:12

Panyo Tumpu nompisala'imo i Musa ka' i Harun Ia notatae, “Kalana belemiu madi' talalo palesaya hi beleng-Ku momponyata', kuasang-Ku anu susi' hi bansa Israel, belemiu madi'mo molaya' aha minsoop i lipu' anu jinanji'-Kumo hi aha.”

PO'ULE' INGULIT 1:37

Komiu suele no sabapimo. Tumpu pinusa hi belengku ka' no tatae, Musa beleyum suele madi' mopinsopi lipu' aijo.

PO'ULE' INGULIT 12:9

kalana belemiu ma'isa ninsoop i lipu' anu binee'mo nu Tumpu Allah nu belemiu hi belemiu, tampat anu tataapmo na kajojoongan nu belemiu, ka' madi'mo ko anu mompoposia.

PO'ULE' INGULIT 15:4

Nubalakatije nu Tumpu Allah nu belemiu na belemiu i lipu' anu binee'-Nyomo hi belemiu. Sahingga atina' hi bansa miu madi' ko anu kasiasi,

PO'ULE' INGULIT 19:10

Bau na aijo' da belemiu boli baladosa' kalana nompobebasmo mian anu madi' ko sala'nyo da madi pinatean lipu' anu binee'mo nu Tumpu Allah nu belemiu hi belemiu.”

PO'ULE' INGULIT 20:16

Panyo de kota aijo' i uno nu da'erah anu binee'mo nu Tumpu Allah nu belemiu hi belemiu, iwi-iwi' na anu jojoong ikiijo' tionyo ahi' opatei.

PO'ULE' INGULIT 21:23

anu sinilakamo aijo' madi' timbali opojohok ikiijo' sampahu, panyo tionyo ahi' o lamunmo i sinaa aijo'. Anu sinilakamo aijo' kala-kalayo' i kau' anu pinototon, timbali monsaduakon lipu' nukutuki nu Tumpu Allah. Jadi lamunmo ahi' na anu sinilakamo aijo' da boli mohumimi'i lipu' anu binee'mo nu Tumpu Allah nu belemiu hi belemiu.

PO'ULE' INGULIT 24:4

Han anu kopinduannyomo aijo' langkai'nyo anu momona madi'mo timbali po'ule' mongosoai boune aijo'; tionyo ahi' nu toa na boune aijo' salaku boune anu nahumimi'mo. De ia pu'ule' mongosoai, saba' kalakuannyo aijo' sumomo anu mongambangi Tumpu Allah nu belemiu. Belemiu madi' timbali mombau dosa' anu sumo aijo' na ko ideknyo i lipu' anu binee'mo nu Tumpu Allah hi belemiu.”

PO'ULE' INGULIT 26:1

“De belemiu kiijo'mo mae i lipu' anu binee'mo nu Tumpu Allah nu belemiu hi belemiu ka' jinojoongmo ikiijo',

PO'ULE' INGULIT 3:26

Panyo belemiu nonsaduakonmo Tumpu da pinusa hi belengku sahingga Ia madi'mo nombee' mae apaa na anu pinoitangkumo. Ola mule' ahi' Tumpu notatae, ‘Injahamo Musa, bolimo daagi' nu sanggo na han atina'!

PO'ULE' INGULIT 31:2

ia notatae, “Uuka aiya umunku sa'atumo ka' uampulu' na taun ka' aku madi'mo moko ala timbali polaya' nu belemiu. Ka' mule' Tumpu notataemo hi belengku tukoonyo Aku madi' timbali motaap mokiijo' i santoa nu Kaunyo nu Yordan.