PO'ULE' INGULIT 4:19 - KITAB NU TUMPU ALLA LELE MA'IMAI'

¹⁹ Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.

PO'ULE' INGULIT 4:19 ပူးပေါင်းရင်းမြစ်များ

KAJADIAN 1:14

Lapas aijo' Tumpu notatae mule', “Tionyo ahi' daagi' ko to bala-balang majingka aita' i langit da monjingkai tano', da mongga'at sinaa ka' malom, ka' da momponyata' tempo'nyomo pontampu'unian sinaa, taun, ka' sinaa lamean nu agama”. Sahingga han aijo' tinimbalimo.

KAJADIAN 2:1

Lantas ilapasmo na nompotimbali songko-songko na dunia ka' iwi-iwi' na isinyo.

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

2 TOMU-TOMUNDO' 21:3

Tampat anu lewa' ponsomban pilogot anu ingideanmo i Hizkia tuumanyo po'ule'mo binaunyo. Manjoo' na mezbah anu lewa' binaunyo bau ponsomban Baal, ka' nombaumo mule' patong Pilogot boune Asyera, susumo anu binaumo i Ahab tomundo' nu Israel. I Manasye mule' nonsombahmo to bina-binatang.

2 TOMU-TOMUNDO' 23:11

Iwi-iwi' na ajahan anu tinungka'akonmo nu to tomu-tomundo' nu Yehuda da bau ponsombah batu nu sinaa ingalinanmo ka' to kare-kareta anu pinake bau ponsombah aijo' pinapuanmo. (Kaleta haha aijo', i natan nu Laigan nu Tumpu – koko sabatan daka' – madi' majo'on i salipi' jojoongan i Natan Melekh, samian na anu ko pangkatnyo matangkas.)

2 TAWARIKH 33:3

Tampat bau ponsombaan pilogot anu ingideanmo i Hizkia tuumanyo, po'ule' mule' binaunyo. Ia nombaumo to mezbah-mezbah bau ponsomban Baal, ka' mule' ia nombaumo patong nu Pilogot boune Asyera ka' mule' nonsombahmo mandala'.

NEHEMIA 9:6

Lapas aijo' mian da'isan nu aha Israel binalado'amo sumo uuka: “Belentomo na Tumpu, belentomo Sa'a-sa'angu'nyo na Tumpu Allah; pinotimbalimo nu Belento na mandala' iwi-iwi' aita' i langa, ka' suele ambai tiba tano' ka' iwi-iwi' na anu daagi' i unonyo, lantas pinotumuu'mo nu Belento ka' jinaganmo nu Belento. Iwi-iwi' na anu balakuasa aita i langit tolodadupu monsombah Belento; aha montuluti Belento ka' tina'alukmo.

MAZMUR 19:3

Sinaa momona nompoto'imo hi sinaa anu molunduakonmo; pihi momona nonsisikakonmo hi pihi anu mombolosakonmo.

YEREMIA 19:13

Ingko-ingkot na laigan i Yerusalem ka' mule' ingko-ingkot na laigan nu to tomu-tomundo' i Yehuda timbalimo nahumimi' susumo Tofet; kalana aita' mae ibawo nu laigan haha aijo' pinompapuianmo nu mian kamangian anu sinombahkon hi to pilo-pilogot nu bagian langit, ka' mule' nonsombahkonmo anggur hi to pilo-pilogot sangga'at.”

YEREMIA 31:35

Batu nu sinaa pinosadiamo nu Tumpu da monjingkai sinaa; bitu'on tiba to manda-mandala' da monjingkai pihi. Ambai kinula-Nyomo sahingga bokon jinadimo bokon daka', Tumpu Anu Mahakuasa aijo'mo na sanggo-Nyo.

YEREMIA 33:25

Panyo susumo anu binaung-Kumo nu Aku, Tumpu na palajanjian hi sinaa tiba pihi, ka' nombaumo atulan anu mongatun langit ka' tano',

YEREMIA 8:2

misa' da oposihukmo ka' po ule'mo okubun panyo opojohokmo aijo' itano' susumo duhehe. Buku nu mian haha aijo' motanatamo nu pense' nu sinaa, bitu'on tiba to manda-mandala' anu nu anggapmo nu aha salaku pilogot, anu nu ka'ima'i nu aha, anu nu tuluti nu aha, anu nu sombah nu aha ka' anu pompoitan nu aha pokinde'.

YEHEZKIEL 18:6

Ia madi' monsombah pilogot nu aha Israel kabai mongkaan koloban palasombahan itampat-tampat ponsomban to pilo-pilogot. Ia madi' toho' monggoda bengkele' nu mian sangga'at kabai moduhusmo boune anu tinokamo na adat nu aha boune.

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

SISIKON NU TO RASUL-RASUL 7:42

Sahingga Tumpu nompala'imo aha ka' nompojohokmo aha monsombah to manda-mandala' i langit. Aijo' pokakanamo tiba apaa na anu tinulis i uno nu kitab nu to nabi-nabi. Sumo uuka, ‘O to mia-mian nu Israel! Misa'mo bau baging-Ku komiu mongkolot ka' mongkulubanakon binatang pinatompulu' na taun na kopinnyo i padang bone'.

ROMA 1:25

Tumpu anu totu'u, nubalosi nu aha tiba tulu-tulumo anu madi' totu'u. Misa' anu Nompotimbali, panyo anu pinotimbali, aijo'mo na nusombah ka' nupalesaya nu aha. Padahan ahi' anu Nompotimbali na tionyo o puji' sidu-sidutu'! Amin.

PO'ULE' INGULIT 17:3

tiba palentah-Nyo kalana nonsombahmo ka' pinalesayamo hi to pilo-pilogot sangga'at kabai hi batu nu sinaa, bitu'on kabai to manda-mandala',