PO'ULE' INGULIT 4:15 - KITAB NU TUMPU ALLA LELE MA'IMAI'

¹⁵ “Tutugi ima-ima'! Tempo'nyo Tumpu notatae hi belemiu i uno nu apu kiijo' mae i Bungkutnyo nu Sinai, madi' ko apa-apaa na anu tinoa nu belemiu.

PO'ULE' INGULIT 4:15 ပူးပေါင်းရင်းမြစ်များ

1 TOMU-TOMUNDO' 19:12

Lapas aijo' tinoka mule' na apu, panyo' Tumpu madi' ko anu i uno nu apu aijo'. Lapas aijo' apa-apaa na anu jinadimo aijo' ilingmo lantas nohongomo potatae anu ise' hondo ka'nompomalasi.

MAZMUR 119:9

To oli-olitau timbali monjaga kantumuu'annyo da madi' ko kasala'an de ia tumuu' montuluti palentah nu Belento.

NOSABATMO 19:1

Lapas aijo' aha bansa Israel nompala'imo Rafidim, ka' i tanggal sa'angu' bitu'on ko totolu'nyo salatan aha nompala'imo mae Mesir, aha tinokamo i padang bola Sinai. Aha nombaumo kemah i tengke nu Bungkutnyo Sinai,

NOSABATMO 20:4

Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

AMSAL 4:27

Opimpali na palabuatan anu ma'idek ka' tumuu' hodi' na kinyonyoa. Boli hondo-hondo mosele mompala'imo jalan anu totu'u.

YESAYA 40:18

Jadi ihe na timbali bau pompokakana konan nu beleyum Tumpu? Ihe na nu anggap pokakana tiba Ia?

YEREMIA 17:21

Poto'i sumo uuka: ‘De belemiu madi', mongka'ima'i silaka bolipe'e mongato balang isinaa nu Sabat, kabai momboa oposoop montulu sabatan daka' haha aijo' i Yerusalem.

MALEAKHI 2:15

Temisa' Tumpu Anu olamo ahi' sa'a-sa'angu'nyo nompotimbalimo belemiu sa'a-sa'angu'nyo na butong, sa'a-sa'angu'nyo na santuu' tiba boune aijo'? Apaa na nu kahanda'i nu Tumpu i potatae aijo'? Madi' ko sangalasannyo alati'nyo da belemiu mohumpak to anak-anak anu timbali mian anu anu palesaya hi Tumpu anu sahondo-hondonyo ahi'. Jadi ojagai ahi' na butong nu belemiu, da boli ko anu atina' hi belemiu na madi' mompalakai bengkele'nyo.

PO'ULE' INGULIT 10:4

I batu aijo' Tumpu nontulisimo Sampulu' na Palentah Pokakana anu uuka mae momona, aijo'mo to pale-palentah anu binee'-Nyomo hi belemiu, tempo'nyo Ia notatae i totonga' nu apu i sinaa kinasihukanmo nu belemiu i tengke nu bungkutnyo. Lapas aijo' Tumpu nombee'mo mae batu anu tinulisanmo aijo' hi belengku

PO'ULE' INGULIT 4:12

Lapas aijo' Tumpu notataemo hi belemiu aijo' mae i apu, ka' i hongomo nu belemiu na potatae-Nyo, panyo madi' nontoa Ia pa' mosia na balu-balu'nyo.

PO'ULE' INGULIT 4:14

Tumpu nompokaumo aku da mompogulu' hi belemiu iwi-iwi' na atulan anu tionyo ahi' otuluti i lipu' anu opinsoopije nu belemiu, ka' o jojoongi aijo'.”

PO'ULE' INGULIT 4:23

Tutugi ima-ima'! Boli okolilimi na anu jinanji'mo nu Tumpu Allah miu hi belemiu. Tuluti na palentah-Nyo; boli hondo-hondo mombau patong na belemiu maumo sumo apaa da osombah,

PO'ULE' INGULIT 4:36

Aita' mae i langit Ia nompohongomo potatae-Nyo hi belemiu da mompokinde'i belemiu, i dunia aiya Ia nompotoamo hi belemiu apu-Nyo anu tahahumo hondo, ka' aijo' mae i apu Ia notataemo hi belemiu.

PO'ULE' INGULIT 4:9

Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

PO'ULE' INGULIT 5:4

Lengkat mae i apu aita' i bungkutnyo aijo' Tumpu kahanda'mo motatae hi belemiu.

PO'ULE' INGULIT 5:8

Boli mombau na belemiu patong maumo pa' sumo apaa i langit, i tano' kabai i uno nu uee i aluk nu tano'.

PO'ULE' INGULIT 9:10

Lapas aijo' Tumpu nombee'mo hi belengku ohua' na batu anu pinosi tulisan nu Tumpu Allah. I batu aijo' tinulis na potatae-Nyo anu tinaeakon lengkat mae i totonga' nu apu toka hi belemiu, tempo'nyo belemiu sinihukmo i tengke nu bungkutnyo.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

YOSUA 23:11

Kalana aijo', o inau' ka' saja' mongkalibosi Tumpu Allah nu belemiu.