PO'ULE' INGULIT 4:10 - KITAB NU TUMPU ALLA LELE MA'IMAI'

¹⁰ na sinaa aijo' de belemiu tuminjomo i ahop nu Tumpu Allah nu belemiu i Bungkutnyo nu Sinai. Tempo'nyo aitu Ia notataemo hi belengku, ‘Posihuk mae na bansa aijo'. Ku ka'ima'i da aha mohongo apaa na anu kahanda' Ku poto'i, da aha balagulu' tulu-tulutan hi beleng-Ku i uno nu kantumuu'an nu aha sidu-sidutu', ka' da aha mompogulu' to ana-anak nu aha da tulu-tulutan hi beleng-Ku.’

PO'ULE' INGULIT 4:10 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

MAZMUR 145:4

Molundu-lundu na tulunan nu mian mompuji'mo apaa na anu binaumo nu Belento, ka' mombebaakonmo kabaanian nu Belento.

NOSABATMO 19:1

Lapas aijo' aha bansa Israel nompala'imo Rafidim, ka' i tanggal sa'angu' bitu'on ko totolu'nyo salatan aha nompala'imo mae Mesir, aha tinokamo i padang bola Sinai. Aha nombaumo kemah i tengke nu Bungkutnyo Sinai,

NOSABATMO 19:11

Hipuan aha tionyo ahi' montanda'imo. I sinaa aijo' Aku mintatau'mo mae i Bungkutnyo nu Sinai, tampat anu timbali pontoan Aku.

NOSABATMO 19:16

I sinaa kino itolunnyomo daagi' subu, kino gohungmo ka' kilat. Kundom anu butolu hondo tinoamo aita' i bungkutnyo ka' i hongomo na onyi'nyo nu tolompet anu ma'onyi' hondo. Iwi-iwi' na mian kiijo' i kemah i lakatnyomo ka' nabuhukmo hondo.

NOSABATMO 20:18

Salatan to mia-mian nohongomo gohung ka' onyi' nu tolompet, tiba mule' nontoamo kilat ka' bungkutnyo anu nintibukmo, aha i lakatnyomo ka' nabuhukmo ka' tinuminjomo aijo' mae jo'o-jo'on.

NOSABATMO 20:20

Tinaaman i Musa, “Boli mabuhuk. Tumpu Allah toka mae ola monsobai belemiu da belemiu tataap montuluti Ia, ka' madi' baladosa'.”

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

YESAYA 38:19

Ola mian anu daagi' tutuu' na mompuji' Belento, susumo anu kubaumo sinaa aiya. To tu'a-tu'anyo monsisikakon hi to ana-anaknyo kanonongan nu Belento anu taha-tahahumo hondo, o, Tumpu.

LUKAS 1:50

Mompolee' toka mompolee' Tumpu mongkalibosi mian anu mabuhuk hi bele-Nyo.

PO'ULE' INGULIT 11:19

Opotinganakon hi to ana-anak nu belemiu. Osisikakon i uno nu laigan, i sambiha'nyo nu laigan tempo'nyo milawe, ka' tempo'nyo mokalaja.

PO'ULE' INGULIT 12:1

“Aiyamo na to atu-atulan anu tionyo ahi' otuluti nu belemiu i uno nu kantumuu'an nu belemiu, i lipu' anu binee'mo nu Tumpu hi belemiu Tumpu Allah nu mompolee'miu.

PO'ULE' INGULIT 14:23

I Ahop nu Tumpu Allah nu belemiu i tampat anu pinile'an-Nyomo bau tampat ponsomban nu belemiu na tionyo ahi' pongkaanan nu belemiu palasombahan anu sampulu' na bagian aijo' sambagian na o ala na gandum, anggur, lanya' nu zaitun tiba anak nu sapi' ka' mee' ka' domba nu belemiu anu momona pino'anaknyo. Bau na han aijo' da sampe toka sidu-sidutu' belemiu saja' mompakalioi mongadati Tumpu Allah nu belemiu.

PO'ULE' INGULIT 17:19

Kitab aijo' tionyo ahi' saja' ohani hi ia, ka' tionyo ahi' saja' nu basa' da balagulu' mongadati Tumpu Allahnyo ka' saja' montuluti iwi-iwi' na palentah anu tinulis i unonyo.

PO'ULE' INGULIT 4:9

Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

PO'ULE' INGULIT 5:2

I Bungkutnyo nu Sinai Tumpu Allah-nto nonjanji'mo misa' ola hi mompolee'to,

PO'ULE' INGULIT 5:29

Soba de aha saja' ko pikilan sumo aijo'! Soba de aha saja' mongadati Aku ka' montuluti palentah-ngKu iwi-iwi', sahingga aha ka' lee' nu aha mohumpak ka'ima'an sampe toka sidu-sidutu'!

PO'ULE' INGULIT 6:2

Belemiu ka' lee' nu belemiu tionyo ahi' mongadati Tumpu Allah nu belemiu i uno nu kantumuu'an nu belemiu ka' montuluti iwi-iwi' na atulan-Nyo anu binee'kumo hi belemiu, da belemiu pin na tumuu' i lipu' aijo'.

PO'ULE' INGULIT 6:7

Opogulu'akon hi to ana-anak nu belemiu. Belemiu tionyo ahi' mombisalakon i uno nu laigan, kabai i sambiha'nyo nu laigan, tempo'nyo milawe ka' tempo'nyo mokalaja.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

ANU PINOTO'I HI YOHANES 19:5

Lantas i hongo lengkat mae i kasuhangan aijo', potatae anu nontaloakon, “O puji' na Tumpu, o belemiu iwi-iwi' posaihon nu Tumpu, ka' iwi-iwi' mian – daka' ise' – anu nonsombah Tumpu!”

1 SAMUEL 12:24

O adati na Tumpu ka' otuluti na Ia, ka' ohongo-hongo ka' okinyonyoai ahi' nu belemiu totu-totu'u. Sabole-bole o inau' na hahan anu daka' anu binaumo nu Tumpu hi belemiu.