PO'ULE' INGULIT 34:9 - KITAB NU TUMPU ALLA LELE MA'IMAI'

⁹ Tumpu nombee'imo kapandean hi Yosua anak i Nun, kalana ia i hangkatmo i Musa mombolosi ia. Bansa Israel tulu-tulutan hondo hi Yosua ka' nombaumo iwi-iwi' na anu pinalentahkonnyomo, anu binee'mo nu Tumpu hi Musa lantas pinotokakonnyomo hi aha.

PO'ULE' INGULIT 34:9 ပူးပေါင်းရင်းမြစ်များ

1 TOMU-TOMUNDO' 3:12

jadi apaa na anu pinoita nu beleyum aijo' Ku ganapimo. Ku potimbalije na beleyum da lebe pande ka' lebe monsumbu' apaa-apaa molingkudui mian iwi-iwi', mau tempo' anu i hikuhakonmo, kabai tempo' anu aiya mae anu o ahopi.

1 TOMU-TOMUNDO' 3:9

Kalana aijo' Tumpu bee'iakon mae kapandean anu ku pake mompalentah mian anu pinalesayamo hi Belento aiya ka' adin ka' mule' timbali monsumbu' iya na anu ma'ima' ka' iya na anu ma'idek. De madi' sumo aitu tantu aku madi' moko ala mompalentah mian anu pinalesayamo hi Belento ka' daka' aiya?”

2 TOMU-TOMUNDO' 2:15

Aha lima-limampulu' na nabi anu kiijo' i Yerikho nontoamo ka' notatae, “Kuasa' i Elia nolalinmo hi Elisa!” Aha tinokamo mae hi ia ka' tinolodadupumo i ahopnyo nonsombah ia,

2 TOMU-TOMUNDO' 2:9

Salatan tinokamo aijo' mae i santoanyo, pinoto'imo i Elia hi Elisa, “Poitamo mae pa' apaa na anu nu kahanda'i hi belengku, da ma'isa pe'e nuhangkat nu Tumpu ka' mompala'imo beleyum!” Tinaaman i Elisa “Bee'mo mae na kuasa nu belento Tuumangku hi belengku, da aku moko ala mombolosakon belento Tuumangku.”

1 TAWARIKH 29:23

Sahingga salaku binau pombolosi i Daud tuumanyo, i Salomo i hangkatmo nonsuhangi kasuhangan nu tomundo' anu pinoto'imo nu Tumpu. Ia tomundo' anu saja' mingkaliangan na tanga'annyo ka' o'angga'i nu aha bansa Israel iwi-iwi'.

NOSABATMO 12:28

Lantas aha nambamo ka' nombaumo apaa na anu pinalentahkonmo nu Tumpu hi Musa ka' hi Harun.

NOSABATMO 28:3

Laga na tukang ka'ut iwi-iwi' anu binee'an-Kumo kapandean. Pokau na aha mombaui baju' i Harun da ia mokalaja samata-mata mombau anu Ku palentahkon salaku imam.

NOSABATMO 31:3

ka' nombee'imo ia kuasang'Ku. Ia Ku potiju'je da monsumbu', pande ka' moko ala mombau iwi-iwi' na ngahan nu pakalaja'an;

YESAYA 11:2

Kuasa nu Tumpu na mompotiju' ia, mompotimbali ia mingkinyonyoa ma'ima' ka' pande, pande na montantukan kaputusan ka' mompojalan kaputusan monsumbu' anu nukahanda'i nu Tumpu Allah ka' tulu-tulutan hondo hi Ia.

DANIEL 6:3

I Daniel ka' ua'aha na mian sangga'at i hangkatmo da montoa pakalaja'an nu gubernur haha aijo' da i tomundo' boli lugi'.

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

SISIKON NU TO RASUL-RASUL 6:6

Aha popi-popitu' na mian aijo' opoita hi to rasul-rasul, da to rasul-rasul aijo' mondo'akon mompoita balakat hi Tumpu toka hi aha.

PO'ULE' INGULIT 34:8

I Hatanyo nu Moab bansa Israel nohangimo i Musa ka' nontoongimo toonyo tinolumpulu' na sinaa na kopinnyo.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

1 TIMOTIUS 4:14

Boli beleyum batuk moluluk na mompake balakat lengkat hi Roh nu Tumpu anu binee'mo hi beleyum tempo'nyo to pola-polaya' nu jama'at nompotudumo lima nu aha atina' i ubakum, ka' to nabi-nabi nompokambotmo potuunon nu Tumpu mongkona butong nu beleyum.

1 TIMOTIUS 5:22

Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.