PO'ULE' INGULIT 34:4 - KITAB NU TUMPU ALLA LELE MA'IMAI'

⁴ Lantas Tumpu notataemo hi Musa, “Aijo'mo na lipu' anu jinanji-Kumo hi Abraham, hi Ishak ka' hi Yakub da baumo anu nu lee' nu aha. Ku potoa hi beleyum Musa, panyo madi'mo ku pobee' na beleyum mamba mokiijo'.”

PO'ULE' INGULIT 34:4 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 13:15

Ku bee'mo hi beleyum ka' hi lee' nu beleyum na tano' songko-songko anu tinoamo nu beleyum atina' da timbalimo bau bagi nu beleyum sampe toka sidu-sidutu'.

KAJADIAN 17:8

Ku bee'mo hi beleyum ka' hi lee' nu beleyum na tano' aiya, anu uuka aiya kajojoongan nu beleyum salaku mian anu lengkat mae i salipu'an. Songko-songko na tano' Kana'an timbalimo anu nu makumpu nu beleyum sampe toka sidu-sidutu' ka' Aku timbalimo Tumpu Allah nu aha.”

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

NOMBILANGMO 20:12

Panyo Tumpu nompisala'imo i Musa ka' i Harun Ia notatae, “Kalana belemiu madi' talalo palesaya hi beleng-Ku momponyata', kuasang-Ku anu susi' hi bansa Israel, belemiu madi'mo molaya' aha minsoop i lipu' anu jinanji'-Kumo hi aha.”

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

PO'ULE' INGULIT 1:37

Komiu suele no sabapimo. Tumpu pinusa hi belengku ka' no tatae, Musa beleyum suele madi' mopinsopi lipu' aijo.

PO'ULE' INGULIT 1:8

Aku Tumpu; no janji'mo iwi-iwi na tano aijo toka hi mompolee' miu Abraham, Ishak ka'i Yakub ka' lee'nu aha. Jadi lokenmo jojongi na tano' aijo.’ ”

PO'ULE' INGULIT 32:52

Kalana aijo' belemiu madi'mo timbali minsoop mokiijo' i lipu' anu Ku bee'mo hi bansa Israel; beleyum ola timbali montanggalakon aijo' mae jo'o-jo'on.”

YOSUA 21:43

Sumo aijo' na Tumpu nombee' hi aha mian nu Israel songko-songko na tano' anu sinumpa'akonmo na jinanji' hi mompolee' nu aha. Salatan aha jinojoongmo i lipu' aijo' aha mian nu Israel tinataapmo ikiijo'.

TO MIA-MIAN KOPIAN 1:16

Lee' mae nu monian i Musa, aijo'mo aha mian nu Keni, nombatuki mae mian nu Yehuda nosabat mae lengkat i Yerikho kota Kurma, ka' nambamo i da'erah anu mapeges sasu selatan Arad i da'erah nu Yehuda. Ikiijo' mae aha jinojoongmo itotonga' nu aha bansa Amalek.