PO'ULE' INGULIT 33:16 - KITAB NU TUMPU ALLA LELE MA'IMAI'

¹⁶ O'amalakon da tano'nyo nupobuke'i nu anu toto ima-ima' hondo, ka' kalana manonong na Tumpu sahingga nohumpak balakat anu notatae aijo' mae i hemput anu i noakmo. O'amalakon da balakat aijo' tudun mae kona hi tulunan i Yusuf, kalana iamo na polaya' nu to utu-utusnyo.

PO'ULE' INGULIT 33:16 ပူးပေါင်းရင်းမြစ်များ

KAJADIAN 37:28

ka' salatan to pia-piangkuka na mian nu Midian anu badagang notulumo, i Yusuf binuatakonmo nu to utu-utusnyo tu'a lengkat aijo' i uno nu bubung lantas pinobalukmo hi mian nu Ismael aijo', olinyo uampulu' na takean nu doi salaka. Lapas aijo' binoamo na ia nu to daga-dagang namba i Mesir.

KAJADIAN 37:36

Hau-haunyo aijo', kiijo' i Mesir ko to mia-mian nu Midian nompobalukmo i Yusuf hi Potifar, samian na suludadu nu tomundo anu montoongi pangkat kapala monjagai laigan nu tomundo.

KAJADIAN 37:8

“Nu sumbu' beleyum timbalimo tomundo ka' mompalentahmo kami?” tinaloakon nu to utu-utusnyo tu'a. Lantas nompaka ka'idekimo mule' na aha ia, kalana ipionnyo ka' kalana apaa na anu sinisiknyomo.

KAJADIAN 43:32

I Yusuf nongkaan i sa'angu' na meja' ola posi ia, ka' to utu-utusnyo i meja' sangga'at. To mia-mian nu Mesir anu ikiijo' nongkaan suele i meja' sangga'at, kalana aha mongoa'i madi' pantas mongkaan hingga-hinggat tiba mian nu Ibrani.

KAJADIAN 49:26

Balakat nu Tumpu Allah, nu tuuma nu beleyum molingkudui kakaya'an nu to bungku-bungkutnyo anu pininmo hondo. O amalakon da balakat aijo' toka mae iwi-iwi' aita' i ubak i Yusuf, aita' i siakannyo. Iamo na anu talasanggo molingkudui to utu-utusnyo.

MAZMUR 24:1

Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

MAZMUR 50:12

De maluanyo Aku mo ohop, madi' pilenje ku poto'i hi belemiu kalana apaa na anu i unonyo nu dunia Aku mule' ahi' na tumpu-Nyo.

MAZMUR 89:11

I Rahab, ulo daka-daka' nu ambai, i hungku'anmo nu Belento ka' pinateanmo nu Belento, lima nu Belento anu tala-talalo hondo mahoson na nompatundu'mo iwi-iwi' na anu monsampobali' Belento.

NOSABATMO 2:2

Lantas boune aijo' nohampeakonmo samian na anak mo'ane. Salatan ia nontoa bungamea' aijo' talalo hondo ma'ima', pinosuluknyomo na ia tinotolu' na bitu'on.

YEREMIA 8:16

Sampobali' aiyamo i uno nu kota' Dan; tihaha' nu ajahan nu aha kinahongoanmo ka' iwi-iwi' na lipu' nabuhukmo. Sampobali' tinokamo mae da mohansunimo lipu'to iwi-iwi' ka' suele kota'to tiba mule' ahi' iwi-iwi' na mian anu jojoong i aiya.”

NOMBILANGMO 26:28

Tulunan mae nu aha bansa Yusuf anu ko anaknyo mo'ane ua'aha; sa'anakan mae i Manasye ka' sa'anakan mae i Efraim.

MARKUS 12:26

Ka' mongkona mian silaka po'ule' opotumuu', pa' ma'isa toho' nombasa' i uno nu kitab i Musa mongkona kumbung anu i noak aijo'? I uno nu to ayat-ayat aijo' tinulis saba' Tumpu notatae hi Musa, ‘Akumo na Tumpu i Abraham, Tumpu i Ishak, ka' Tumpu i Yakub.’

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

SISIKON NU TO RASUL-RASUL 7:35

I Musamo aiyamo na i Musa anu madi' nuka'ima' nu bansa Israel ka' anu madi' otalima nu aha ka' notatae sumo uuka, ‘Ihemo na nohangkat beleyum timbali polaya' ka' mian kopian mami?’ Panyo iamo na mian anu sinai nu Tumpu timbali polaya' ka' pomposalamat, kalana bantuan lengkat hi malaikat anu tinoka hi ia i kuhat anu moak aijo'.

1 KORINTUS 10:26

Kalana i uno nu Kitab nu Tumpu tinulismo, “Dunia aiya tiba iwi-iwi' na isinyo anu nu Tumpu.”

1 KORINTUS 10:28

Panyo de ko anu motatae hi beleyum, “Kaanon aiya sinombahkonmo hi pilogot,” bolimo mongkaan kaanon aijo', kalana montoa kapentingan nu mian aijo' tiba kalana monginau' anu uutu i kinyonyoa.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.