PO'ULE' INGULIT 33:12 - KITAB NU TUMPU ALLA LELE MA'IMAI'

¹² Mongkona tulunan i Benyamin, ia notatae: “Aiyamo na tulunan nu bansa anu nukalibosi nu Tumpu. Ia monjagai aha pihi ka' malom ka' jinojoongmo hi aha.”

PO'ULE' INGULIT 33:12 ပူးပေါင်းရင်းမြစ်များ

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

MAZMUR 91:4

Ia na nongkukubi beleyum nu polipiknyo sahingga beleyum madi' ko anu mompoposia kiijo' i uno nyo; kanonongan-Nyo sumomo kanta monjagai beleyum.

YESAYA 51:16

Akumo na nomboka langit ka' nompokokomo lananyo nu tano'. Aku notataemo hi Sion: Beleyumo na mian anu palesayamo hi beleng-Ku; Aku mombee'mo pangajalan-Ku hi beleyum ka' monjagaimo beleyum nu kuasang-Ku.”

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

YESAYA 37:22

pinoto'i nu Tumpu, “Kota' Yerusalem mongkokojoimo ka' mongalumo beleyum, Sanherib!

2 TAWARIKH 11:1

Salatan i Tomundo Rehabeam tinokamo i Yerusalem, ia nomposihukmo suludadu aha 180.000 na anu otaha'imani lengkat mae hi tulunan nu bansa Yehuda ka' Benyamin da mamba mompahampateakon mian nu Israel anu po'ule'mo mompohoson kakuasaannyo hi aha to tulu-tulunan nu bansa i sasu Utara Israel.

1 TOMU-TOMUNDO' 12:21

Salatan i Tomundo' Rehabeam tinokamo i Yerusalem, ia nomposihukmo 180.000 na suludadunyo anu pande na mahampate hi aha tulunan nu Yehuda ka' Benyamin da mahampate mongewa mian nu Israel ka' da tulunan-tulunan nu bansa Israel anu i sasu utara po'ule' mule' nu kuasai.

PO'ULE' INGULIT 12:10

De opoko taapmo miu na Kaunyo nu Yordan Tumpu Allah nu belemiu montulungimo belemiu monjojoongi ka' tataapmo i tano' anu i santoanyo nu kaunyo aijo'. Ia na monjagai belemiu da boli nupoposia nu aha anu monsampobali' belemiu, ka' belemiu sanangmo na tumuu' madi' ko anu mompoposia.

MAZMUR 132:14

Ia notatae, “I aiyamo na kajojoongan-Ku sampe toka sidu-sidutu', Aku kahanda'mo mompalentah i tampat aiya.

TO MIA-MIAN KOPIAN 1:21

Tulunan nu bansa Benyamin madi' noko ala nolaa' aha mian nu Yebus nosabat nompala'i kota nu Yerusalem. Mokonyo aijo' aha mian nu Yebus daagi' jinojoong ikiijo' hingga-hinggat tiba aha tulunan nu bansa Benyamin.

PO'ULE' INGULIT 4:37

Kalana Ia mongkanonongi mompolee' miu sahingga belemiu pinile'an-Nyomo; nu kuasa-Nyo anu daka' hondo ka' belemiu binoa-Nyomo nosabat lengkat mae i Mesir.

PO'ULE' INGULIT 32:11

Susumo bonyia' anu mompotingaan soma'nyo lumahap nu hakop i tambenyo ka' nu sombung aita' i polipiknyo.

PO'ULE' INGULIT 33:11

Tumpu, tulungiakon na tulunan nu bansa aiya da aha mahoson, de timbali da kita sanang na montoa kalaja nu aha. Pateiakon iwi-iwi' na sampobali' nu aha sahingga aha madi'mo daagi mongewa mae.”

MAZMUR 60:5

Belento nompojohokmo mian anu palesayamo hi belento sahingga nonta'upmo kasansala'an anu maboat hondo; kami nahasulonanmo susumo mian anu nalangumo.

1 SAMUEL 10:20

Lantas i Samuel nompokaumo iwi-iwi' na tulunan nu bansa da mo ukamae i ahop lantas tulunan nu bansa Benyamin na kinonanyo salatan nompile'imo aijo'.

2 SAMUEL 12:24

Lantas i Daud nohase'mo kinyonyoa i Batsyeba bengkele'nyo lantas inale'mo tiba ia. I Batsyeba nohampeakonmo samian na anak mo'ane anu sinanggohanmo i Daud na ia i Salomo.

2 SAMUEL 12:25

Tumpu mongkalibosi anak aijo' ka' nonsaimo i Nabi Natan da mamba monsanggohi anak aijo' i Yedija, kalana Tumpu mongkalibosi ia.

YEREMIA 12:7

Tumpu notatae, “Tampat kajojoongan-Ku madi'mo daagi' pinajulian-Ku, lipu' anu Akumo na tumpunyo pinala'ian-Kumo ka' mian anu palesayamo hi belengku anu Ku kalibosi binee'-Kumo ilima nu sampobali' nu aha.