PO'ULE' INGULIT 32:9 - KITAB NU TUMPU ALLA LELE MA'IMAI'

⁹ Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

PO'ULE' INGULIT 32:9 ပူးပေါင်းရင်းမြစ်များ

2 SAMUEL 14:16

Kututugi belento Tuanku mompotombihing mae ka' momposalamatmo mae aku da mian bolimo mae ko tanga'an kahanda' mompatei aku tiba anaku. Aha ko tanga'an molaa'mo kami da opala'imo na tano' anu binee'mo nu Tumpu Allah hi mian anu pinalesayamo hi Ia.

2 SAMUEL 20:19

Kota' mami Abel aiya daka', sala'sa'angu' na kota anu madi' lewa' mombau kahengge'an ka' tulu-tulutan hondo aiya i tano' nu Israel. Kadaka' belento Tuan ko tanga'anmo mongidei? Te ko kahanda'mo na belento Tuan mongidei tano' nu Tumpu?”

1 TOMU-TOMUNDO' 8:51

Aha mian anu pinalesayamo hi Belento anu binoamo mae nu belento nosabat lengkat i Mesir lipu' anu pinonsansala'an aha.

1 TOMU-TOMUNDO' 8:53

Belento o Tumpu Allah nompile'imo aha aijo' i bansa sangga'at iwi-iwi' da opotimbali mia anu pinalesayamo hi Belento, susumo anu tinaloakonmo nu Belento hi aha anu pinoto'imo hi Musa posaihon nu Belento aijo', tempo'nyo Belento nolaya' mae mompolee' mami nosabat lengkat mae i Mesir.”

MAZMUR 106:40

Lantas i noakmo na tambuha' nu Tumpu hi aha, binuaganmo na Ia kalana miannyo haha aijo'.

MAZMUR 106:5

O' amalakon da aku montoa kasanangan nu kantumuu'an, nu to mia-mian anu pinile'anmo nu Belento, ka' suele lame' tiba to mia-mian anu ninsoopmo Belento na tumpunyo.

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 28:9

Posalamatakon mae na mian anu palesayamo hi Belento, o Tumpu, balakatiakon mae na to mia-mian anu Belentomo na tumpunyo. Jadimo ahi' susumo samian na polaya' aijo' hi aha, ka'jagaiakon na aha sampe toka sidu-sidutu'.

MAZMUR 33:12

Mohumpak kantumuu'an ma'ima' na bansa anu mongakui Tumpu salaku Tumpunyo, mohumpak kantumuu'an ma'ima' na mian anu pinile'an-Nyomo ka' Iamo na tumpu-Nyo!

MAZMUR 74:2

Inau'akon mae na mian anu palesayamo hi Belento anu salatanmo pe'e naipuan mae pinile'anmo nu Belento, bansa anu pinobebasmo nu Belento da Belentomo na tumpu-Nyo. Inau'akon mae na Puge'nyo nu Sion, anu binaumo kajojoongan nu Belento.

MAZMUR 78:71

lengkat mae i tampat pinompotu'annyo tinanyo nu domba, da molaya' Israel mian anu palesayamo hi Ia.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 19:25

Tumpu Anu Daka' na Kuasanyo mombalakatimo aha ka' motatae, “Ku balakatimo na belemiu, o, Mesir mian anu palesayamo hi beleng-Ku, belemiu Asyur anu pinotimbaling-Kumo, ka' mule' belemiu Israel mian anu pinile'an-Kumo.”

YESAYA 34:17

Tumpu na mombagimo lipu' aijo' hi aha ka' toto samian mohumpakmo pombagiannyo. Aha jojoongmo ikiijo' sampe toka sidu-sidutu', ka' mule' tano' timbalimo anu nu aha sampe molundu-lundu na tulunan.

YESAYA 43:21

Ahamo na bansa anu pinojading-Kumo da mombau anu Ku palentahkon, da timbali mombebakon anu bau pompuji' Aku.”

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YEREMIA 2:7

Namba ilipu' anu ma'omuk Aku na nomboa aha da molasaimo hasin nu tano'nyo ka' iwi-iwi' na anu ma'ima ikiijo' mae. Panyo ikiijo' mae tano'-Ku ihumimi'anmo nu aha ka' anung-Ku pinojadimo nu aha susumo sa'angu' na balang anu okahegatimo.

YEREMIA 51:19

Tumpu Allah i Yakub madi' sumo pilogot haha aijo'; Ia na nompotimbali sinin na apa-apaa. Sanggo-Nyo aijo'mo Tumpu Anu Mahakuasa Pinile'an-Nyomo na Israel binau mian anu palesayamo hi Ia.

MIKHA 2:5

Kalana aijo' de tokamo na tempo'nyo saba' lipu' aijo' osule'akonmo ahi' hi mian anu palesayamo hi Tumpu, madi' ko samian pe'e na belemiu atina' mohumbahagiannyo.

ZAKHARIA 2:12

Daagi' minsan na Yehuda po ule' timbali Tumpu, na tumpu-Nyo itano'-Nyo anu susi' ka' mule' Yerusalem timbalimo kota' anu talalo hondo Nu kanonongi.

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

PO'ULE' INGULIT 9:29

Panyo inau', Tumpu, saba' aha aiya bansa anu pinile'anmo nu Belento da timbalimo mian anu pinalesayamo hi Belento, ka' binoamo mae nu Belento lengkat i Mesir tiba kahosonan ka' kakuasa'an nu Belento anu daka'.”

YOSUA 24:17

Tumpu Allah-nto na nompobebasmo to mompo-mompolee'to tiba kita da madi'mo binotuanan kiijo' mae i Mesir. Kita nontoamo anu okabangangi binau nu Tumpu. Saja' Tumpu nonjagai kita iyayamae na anu ilajangantomo iwi-iwi', notulu hi iwi-iwi' na lipu' nu mian anu i salipu'an.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.