PO'ULE' INGULIT 32:47 - KITAB NU TUMPU ALLA LELE MA'IMAI'

⁴⁷ Pangajalan aijo' misa' ola potatae anu madi' ko batunyo, panyo bau kantumuu'an nu belemiu. Sabole-bole otuluti na palentah aijo' iwi-iwi' da mantan na umun nu belemiu i lipu' anu madi'mo daagi' pin kajojoonganmo nu belemiu i santoanyo Kaunyo nu Yordan.”

PO'ULE' INGULIT 32:47 ပူးပေါင်းရင်းမြစ်များ

AMSAL 3:18

Mian anu mintoong dodo-dodo i kapandean bapikin saidi' mae mongoa'ije kantumuu'an anu sahondo-hondonyo ka' ma'ima'.

AMSAL 3:22

sahingga kantumuu'an saja' sabole-bole bau bahagian nu beleyum – ma'ima' ka' sanang na mongoa'i.

AMSAL 4:13

Saja' o'inau' na pangajalan anu i humpakmo nu beleyum hi belengku. Ojaga na aijo' ima-ima' kalana tiba pangajalan aijo' kantumuu'an nu beleyum mingkalianganmo.

AMSAL 4:22

Mian anu mompangalati'i han aijo' tumuu' ka' madi'mo lewa' masakit.

YESAYA 45:19

Aku motatae madi' oposuluk, kabai opohowini. Aku madi' mompokau mian anu palesayamo hi beleng-Ku, Israel molio Aku ola palasuma. Aku, Tumpu, na nontaloakon han anu totu'u, ka' nompoto'imo apaa na anu madi'sala'.”

IMAMAT 18:5

Tuluti na atulanKu haha aiya ka' palentang-Ku haha aiya anu Ku bee'mo hi belemiu. De obau nu belemiu na aijo', kantumuu'an nu belemiu salamat. Akumo na Tumpu.”

AMOS 5:4

Tumpu notatae hi mian nu Israel, “Pinsusule'mo mae hi beleng-Ku, da belemiu timbali tumuu'.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

SISIKON NU TO RASUL-RASUL 7:38

I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

PO'ULE' INGULIT 30:16

Sinaa aiya ku palentahmo na belemiu da mongkanonongimo Tumpu Allah nu belemiu ka' tulu-tulutanmo hi Ia ka' mule' mombaumo apaa na koonyo nu atulan-Nyo iwi-iwi' ka' palentah-Nyo da mongoa'imo kasanangan ka' timbalimo bansa anu daka'. Tumpu Allah nu belemiu mombalakatimo belemiu i lipu' anu madi'mo daagi' pin baumo kajojoongan nu belemiu.

PO'ULE' INGULIT 31:13

Tiba jalan anu sumo aijo' to ana-anak miu anu ma'isa toho' nohongo atulan nu Tumpu Allah nu belemiu, timbali mohongo ka' balagulu' mongadati Tumpu de daagi' aha tutuu' i lipu' anu madi'mo daagi' pin ojojoongimo nu belemiu aijo' mae i santoa nu Kaunyo nu Yordan.”

PO'ULE' INGULIT 33:25

O amalakon da iwi-iwi' na sabatan daka' anu tambaga ka' besak na binau bau kahosonan nu aha, da kantumuu'an nu aha madi' ko anu mompoposia.”

PO'ULE' INGULIT 4:40

Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

PO'ULE' INGULIT 8:3

Ia nompojohokmo belemiu da mo'ohop, lantas belemiu binee'an-Nyomo manna da okaan. Daagi' pe'e u'utu mae belemiu ka' mompolee' miu ma'isa toho' nongkaan kaanon aijo'. Tumpu nombau sumo aitu da mongajan belemiu kalana manusia madi' tumuu' de ola kalana anu okaan, panyo maumo pa' apaa na anu nutaeakon nu Tumpu timbali bau kantumuu'an.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

2 PETRUS 1:16

Tempo'nyo kami nompoto'i hi belemiu i Yesus Kristus Tumpunto toka talasanggo hondo, kami madi' nohongo hi sisik anu toto bale-baleko' anu ola pohumpakan puji' nu mian. Katalasanggoan i Kristus aijo' tinoamo mami nu posi mata mami.

2 PETRUS 1:3

Tumpu nontoongimo kuasanyo salaku Tumpu da mombee'mo hi kita iwi-iwi na apaa anu opalalui i kantumuu'anto mombau palentah nu Tumpu. Ia nombau aijo' osumbu'to i han apaa na anu binaumo i Yesus Kristus, anu nolagamo kita da mongoa'i kuasanyo ka' kanonongan-Nyo.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.