PO'ULE' INGULIT 32:41 - KITAB NU TUMPU ALLA LELE MA'IMAI'

⁴¹ Ku boitmo na bajak-Ku anu jongki-jongkilaban, ka' mompojalanmo hukuman. Ku balosakon na sampobali'-Ku iwi-iwi' ka' Ku hukummo iwi-iwi' na anu mongka'ideki mae Aku.

PO'ULE' INGULIT 32:41 ပူးပေါင်းရင်းမြစ်များ

MAZMUR 149:9

da ohukumo na to bansa-bansa kalana palentah nu Tumpu. Aijo'mo na ka'untungan nahampate na mian anu Nu kalibosi. O puji' na Tumpu!

MAZMUR 31:23

Salatan aku biningongmo aku nonsangkamo Tumpu nongalinmo aku da majo'onmo hi ahop-Nyo. Panyo ihongo-Nyomo ahi' mae na anu kinakase'kumo tempo'nyo aku nomoitamo tulung hi Ia.

MAZMUR 7:12

Tumpu aijo'mo na mian kopian anu adin hondo, anu saja' mohukum mian anu ma'idek na kinyonyoanyo.

MAZMUR 7:13

De maluanyo kalakuan nu aha madi' mongabali' saba' Ia nompotoukamo toongon anu bau pompatei. Ia nomboitmo bajak-Nyo ka' kahanda'mo ahi' mompeletakon pana'-Nyo lantas nompeletakonmo hihis-Nyo iwi-iwi' anu ko apunyo.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

YESAYA 1:24

Kalana aijo' Tumpu Anu Daka' na Kuasanyo, Tumpu Israel notatae, “O, mian anu monsampobali' Aku, Ku balosakonmo na idekku hi belemiu sahingga belemiu madi'mo monsusa'i Aku.

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

YESAYA 59:18

Ia mombalosimo aha to sampo-sampo bali'-Nyo sitimbang tiba palabuatan nu aha. Ka' mule' to bansa-bansa i togong anu toto jo'o-jo'on madi' ahi' bebas ihukuman-Nyo.

YESAYA 66:16

Kalana iwi-iwi' na mian anu kosala'nyo nuhukumo nu apu tiba bajak, ka' manjoo'mo na anu i hukum mate.

YESAYA 66:6

Potombihing! Daagi' ko onyi' nu lintup i kota'; daagi' ko potatae lengkat mae i Laigan-Ku; aijo'mo potataeng-Ku anu hau-haunyomo mombalosakon sampobali'!

YEREMIA 44:26

Panyo uuka aiya potombihing mae apaa na anu Ku poto'i hi belemiu, o mian nu Israel anu jinojoongmo i Mesir; Aku, Tumpu basumpa' atas sanggongKu anu talasanggo saba' belemiu madi'mo daagi' Ku pobee' mompake sanggong-Ku na mombaumo apa-apaa anu opakeakon palajanjian. Belemiu madi'mo timbali motatae, ‘Aku basumpa' atas sanggo nu Tumpu Allah anu tumuu'!’

YEREMIA 50:18

Kalana aijo', Aku, Tumpu Anu Balakuasa hondo, Tumpu Allah Israel mohukumo i Tomundo' Nebukadnezar tiba lipu'nyo susumo Aku nohukumo itomundo' Asyur.

YEREMIA 50:28

Aha to mia-mian anu nopalaimo namba i Yerusalem lengkat mae i Babel nonsisikmo mosia na Tumpu Allah-nto nombalosakonmo palabuatan nu aha mian Babel kona aijo' hi Laigan nu Tumpu.) p

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

YEHEZKIEL 25:14

Bansang-Ku aha mian nu Israel Ku pakemo da mombalosakonmo palabuatan nu aha Edom, ka' mule' Edom okabisa'imo susumo ideknyo nu tambuha'-Ku. Nu sumbu'je nu Edom mosia na nyamitnyo, na timbalimo panintudunan nu tambuha'-Ku. Aku Tumpu Anu Matangkas na Kuasanyo no tataemo.”

YEHEZKIEL 32:10

Memang totu'u, Ku tabasakonmo na bajak-Ku ka' mompatundu'mo beleyum. To tomu-tomundo' tiba to bansa-bansa montoamo palabuatan-Ku aijo' hi beleyum. Tempo'nyo aijo' aha langkakatanmo kalana mabuhukmo ka' mule' nu lakatmo kalana mabuhuk silaka.’ ”

NAHUM 1:2

Tumpu madi' mongka'oho' ko anu molingkudui, mian anu molawan Ia tionyo mohumpak hukuman. Kalana talalomo pinusa, Ia nombalosimo kasala'an nu aha.

ZEFANYA 2:12

Ka' suele mian anu jojoong i Sudan obee'imo hukuman silaka nu Tumpu.

NOMBILANGMO 10:35

De Peti' Palajanjian aijo' oboamo, i Musa motataemo, “Jagai mae o Tumpu, ka' posubali' na anu monsampobali' Belento, da mian anu mongka'ideki Belento mopalaimo.”

MARKUS 1:2

Lele Ma'ima' aijo' lengkat pe'e sumo anu tinulis i Nabi Yesaya, sumo uuka, “ ‘Aiyamo na posaihon-Ku,’ koonyo nu Tumpu; ‘Aku monsai ia imoona, Beleyum i mihije, da ia mombau kajalananum.’

ROMA 1:30

mongka'ima'i mombusi-busiki sanggo nu mian sangga'at; aha sombong ka' madi' ko adatnyo, anu mongka'ideki Tumpu, ka' mongka'ima'i monsisik anu madi' ko kaliangannyo. Aha pande molio hahan anu bu'ou da timbali mombau anu ma'idek. Aha madi' mompajuli tu'anyonyo;

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

PO'ULE' INGULIT 32:35

Tumpuje na mombalosakon ka' mohukum aha, madi'mo pin aha osilakaimo; aha osilakai madi'mo pin na tempo'nyo.

PO'ULE' INGULIT 5:9

Boli monsombah patong anu sumo aijo' kalana Akumo na Tumpu Allah nu belemiu ka' madi' mongka'oho' opokakanakon tiba maumo pa' apaa. To mia-mian anu mongka'ideki Aku Ku hukum toka-toka i lee' anu ko totolu'nyo ka' ko opatnyo.

PO'ULE' INGULIT 7:10

Panyo madi' ko madi'nyo Ia sabole-bole mohukum aha anu mongka'ideki Ia.

2 TIMOTIUS 3:4

Aha lebe mongka'ima'i mongkabisa'i, mohangka-hangkat posi butong, ka' madi' mimpikilan mantan. Aha lebe ma'ima' mongka'ima'i kasanangan nu dunia, panyo aha madi' montuluti Tumpu.