PO'ULE' INGULIT 32:40 - KITAB NU TUMPU ALLA LELE MA'IMAI'

⁴⁰ Olamo posi pongka'oho'-Ku, Tumpu Allah anu tumuu', Ku tangkakon na limang-Ku ka' basumpa':

PO'ULE' INGULIT 32:40 ပူးပေါင်းရင်းမြစ်များ

KAJADIAN 14:22

Panyo tinaaman i Abram, “Aku basumpa' i ahop nu Tumpu, Tumpu Allah Anu Matangkas hondo na kuasanyo, anu Nompotimbalimo langit ka' tano,

KAJADIAN 21:33

Lantas i Abraham nonsu'anmo sangkau na kau' tamariska kiijo' i Bersyeba ka' mulai tempo'nyo aijo' tampat aijo' binaumo ponsomban Tumpu, Tumpu Allah anu sampe toka sidu-sidutu'.

2 SAMUEL 22:47

Ia nombee'imo mae aku ka untungan nahampate nongewa sampo bali'ku Tumpu tumuu'! O, puji' na anu montinjohi mae aku! Opopodaka' na kakuasa'an nu Tumpu Allah anu nomposalamatmo mae aku!

MAZMUR 144:11

Opimpaliakon mae na aku da madi' nukaan nu bajak nu mian anu madi' adin ka' buhingison. Posalamatakon mae na aku da madi' nukuasai nu mian anu i salipu'an anu mongka'ima'i baleko' ka' mongakali, ka' saja' basumpa' anu madi' totu'u.

MAZMUR 144:8

Anu mongka'ima'i baleko' ka' mongakali ka' saja' basumpa' anu madi' totu'u.

NOSABATMO 6:8

Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

YEREMIA 44:26

Panyo uuka aiya potombihing mae apaa na anu Ku poto'i hi belemiu, o mian nu Israel anu jinojoongmo i Mesir; Aku, Tumpu basumpa' atas sanggongKu anu talasanggo saba' belemiu madi'mo daagi' Ku pobee' mompake sanggong-Ku na mombaumo apa-apaa anu opakeakon palajanjian. Belemiu madi'mo timbali motatae, ‘Aku basumpa' atas sanggo nu Tumpu Allah anu tumuu'!’

YEHEZKIEL 20:5

Poto'i apaa na anu tinaloakon-Kumo aiya. Aku nompile'imo Israel ka' binauakon sumpah hi aha. Tempo'nyo i Mesir Aku nanintoamo hi aha ka' nompoto'imo, ‘Akumo na Tumpu nu belemiu.’

YEHEZKIEL 20:6

Tempo'nyo aijo' Aku nompohosonmo nu sumpa' na momboa aha mosabat lengkat i Mesir mamba ilipu' anu pinile'an-Kumo da bau kajojoongan nu aha. Lipu' aijo' kaya ka' mule' ma'omuk, tano' anu ma'ma hondo isongko-songko na dunia.

YEHEZKIEL 21:4

Bajak-Kumo aiya na bau pongewang-Ku iwi-iwi' na mian anu lengkat mae isasu utara toka-toka isasu salatan.

YEHEZKIEL 21:5

Sahingga nu sumbu'je nu aha mian iwi-iwi' taalu' Akumo ahi' na Tumpu anu nongkeatmo bajak-Ku ka' madi'mo daagi' po ule' oposalung.’

DANIEL 12:7

Mian sangga'at aijo' nohangkatmo limanyo ohu-ohua' no kiita' ilangit. Ihongongkumo na ia binasumpa' i uno nu sanggo nu Tumpu anu tataap sampe toka sidu-sidutu' ka' notatae, “Kajadian-kajadian haha aiya saja' sabole-bole daagi' totolu' ka' mintonga' na taun. Salatan ponsakisan mian anu palesayamo hi Tumpu lapasmo, saba' suele lapasmo ahi' na kajadian-kajadian anu okabangangi haha aijo!”

NOMBILANGMO 14:21

Panyo Aku balajanji' i butong-Ku ka' kalana Aku anu tumuu' ka' mongkuasai dunia aiya,

ANU PINOTO'I HI YOHANES 4:10

ua-uampulu' ka' opat na to pola-polaya' haha aijo' tolodadupumo i ahop nu mian anu suha-suhang i kasuhangan aijo', lantas monsombahmo Ia anu tumuu' sampe toka sidu-sidutu'. Lapas aijo' aha molumbu'akonmo makota nu aha haha aijo' i ahop nu kasuhangan aijo' ka' notatae,

ANU PINOTO'I HI YOHANES 4:9

Opa-opat na malaikat aijo' monyanyiakon to elo-elok mompuji', pongadati, ka' pontalima kase hi Ia anu suha-suhang i kasuhangan aijo', aijo'mo Ia anu tumuu' sampe toka sidu-sidutu'. Ka' de malaikat haha aijo' manyanyimo,