PO'ULE' INGULIT 32:4 - KITAB NU TUMPU ALLA LELE MA'IMAI'

⁴ Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

PO'ULE' INGULIT 32:4 ပူးပေါင်းရင်းမြစ်များ

KAJADIAN 1:31

Tumpu nontoa iwi-iwi' apaa na anu binau-Nyomo aijo', ka' sinanangmo hondo na Ia. Tinomboliu na malom tinimbalimo na sinaa daagi subu. Aijo'mo na sinaa anu ko anomnyo.

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

2 SAMUEL 22:47

Ia nombee'imo mae aku ka untungan nahampate nongewa sampo bali'ku Tumpu tumuu'! O, puji' na anu montinjohi mae aku! Opopodaka' na kakuasa'an nu Tumpu Allah anu nomposalamatmo mae aku!

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

2 TAWARIKH 19:7

Belemiu tionyo ahi' mabuhuk i Tumpu, ka' momputusi palakala tionyo ahi' opotutugakon ima-ima', kalana Tumpu Allah-nto mongka'ideki mian anu tageo' na kinyonyoanyo, anu momputusi palakala madi' adin kabai ko gau'mo da mohumpak tambonyo.”

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

AYUB 34:10

O to mia-mian anu pande, potombihing mae! Te toho' mule' Anu Daka' na kuasanyo mombau kasala'an?

AYUB 35:14

O Ayub, pakaluas mule' de beleyum motatae tukooyum beleyum madi' nontoa Ia, saba' han anu atina' hi beleyum hau-haunyomo i ahop-Nyo ka' beleyum montanda'imo Ia!

AYUB 36:23

Ihe na anu moko ala mompotiju' jalan hi Ia? kabai baani na mompisala'i ia? Nombaumo kasalaan?

AYUB 8:3

Tumpu Allah madi' toho' monggeo-geo'akon ka'adinan; madi' toho' mahungku' na montinjohakon kahondoan.

MAZMUR 100:5

Kalana Tumpu aijo' manonong; kalibosannyo sampe toka sidu-sidutu' ka' kanonongannyo aijo' sampe molundu-lundu na tulunan.

MAZMUR 138:8

Belento mongganapimo anu jinanji'mo nu Belento hi belengku boli belenti na mongatun mae mian anu palesayamo hi Belento.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

MAZMUR 146:6

Iamo na nompotimbali langit tiba tano', ambai tiba iwi-iwi' na isinyo; Ia saja' manonong sampetoka sidu-sidutu'.

MAZMUR 18:2

Ku ka'ima'i na Belento, o Tumpu, Belentomo na tinimbali kahosonanku.

MAZMUR 18:46

Kabaanian nu aha imadi'anmo; aha i lakatnyomo ka' nosabatmo mae i benteng nu aha.

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

MAZMUR 31:5

Boli mae nu kona nu so'o na aku anu tina'anmo nu aha pohakop aku kalana hi Belentomo na tampat bau pihohunganku.

MAZMUR 33:4

Iwi-iwi' na potatae nu Tumpu timbali opalesaya; Ia manonong hi iwi-iwi' na anu binau-Nyomo.

MAZMUR 78:35

Aha tonginau'mo saba' Tumpu aijo'mo na nonjagai aha, ka' saba' Anu Matangkas na Kuasanyo aijo'mo na nomposalamat aha.

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

MAZMUR 90:16

Potoamo mae hi kami to posa-posaihon nu Belento na anu binaumo nu Belento ka' kakuasa'an nu Belento anu talasanggo hondo hi to lelee' mami.

MAZMUR 92:15

Kau' anu daagi' saja' mimbua' maumo ia talalomo hondo pinin na tinumuu', panyo sabole-boleh molumba' ka' molunoi.

MAZMUR 97:2

Ia tinikubanmo nu kundom ka' kapintungan; ka'adilan ka' atulan aijo'mo na bau katinjoan nu kapalentahan-Nyo.

MAZMUR 98:3

Ia nonginau'mo kalibosan ka' kanonongan-Nyo, hi Israel, hi mian anu palesayamo hi ia. Iwi-iwi' na bansa, i songko-songko na dunia nontoamo ka'untungan nu Tumpunto nahampate.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

NOSABATMO 34:6

Lapas aijo' Tumpu notulumo hi ahop i Musa ka' notatae, “Akumo na Tumpu, Tumpu Allah anu saja' mongkanonongi ka' mongkalibosi. Kalibosan-Ku saja' molabi-labi, Aku saja' sabaan ka' madi' malia' pusa.

ANU MOMPOLELE POTATAE NU TUMPU 3:14

Ku sumbu' iwi-iwi na usaha nu Tumpu tataap daagi' sampe toka sidu-sidutu'. Madi' bisa' montuangi kabai mongkulangi na mian. Ka' Tumpu mombau sumo aitu da kita mabuhuk hi ia.

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YESAYA 25:1

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

YESAYA 26:4

Saja' ahi' sabole-boleh palesaya hi Tumpu, kalana Tumpu saja' monjagai mae kita.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

YEREMIA 9:24

Ihe na mongka'oho buulonmo kalana apa-apaa, anu ahi' obuulakon aijo'mo ia monsumbu' ka' mompangalati'i Aku; tukoonyo ia monsumbu' taalu' Aku mongkalibosi sampe toka sidu-sidutu' ka' Akumo ahi' na nompodaagi' atulan tiba ka adilan idunia aiya. Iwi-iwi' aijo' momposanang mae kinyonyoang-Ku. Aku, Tumpu, na nompoto'imo aijo'.”

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

HABAKUK 1:12

Tumpu, daagi pe'e naipuan mae Belento memang Tumpu. Belento Tumpungku anu susi' sampe toka sidu-sidutu'. Tumpu, Tumpungku anu monjagai mae aku, bansa Babel aijo' pinile'anmo nu Belento ka' pinobaanimo nu Belento da mohukum kami.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

ZEFANYA 3:5

Panyo Tumpu daagi kiijo' i kota' aijo'; Ia saja' mombau anu mingkona ka' madi' toho' sala'. De subu-subumo Ia mombee'imo ka'adilan hi mian-Nyo anu pinalesayamo. Panyo mian anu madi' monsumbu' ka'adilan i kota' aijo' tataap mombau anu ma'idek madi'mo monsumbu' ambang.

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 5:22

Posi Tuuma pe'e madi'mo momputusi hukuman mau mule' pa' hi he. Iwi-iwi' na kuasa momputusi hukuman binee'nyomo hi Anak-Nyo.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

ROMA 2:2

Osumbu'to de Tumpu monabu'akon hukuman hi to mia-mian anu mombau hia sumo aijo', pomputusi nu Tumpu aijo' totu'u.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

ROMA 3:5

Panyo de ka'adinan nu Tumpu konyata-nyata'nyomo, kalana kita mombau anu madi' totu'u, apaa na anu ka'oho' otaloakonto? Tebolong Tumpu madi' adin de ia mohukum kita? (Memang anu opokilawa aiya, pantas de susumo mian.)

1 KORINTUS 10:4

ka' nonginum inumon nu Tumpu bubuu' pokakana. Aha iwi-iwi' nonginumo i bungkutnyo nu batu rohani anu nonsangaluimo aha; bungkutnyo nu batu aijo', atina'mo i Kristus.

PO'ULE' INGULIT 10:18

Ia mongala-alapakon hak nu anak anu madi' ko tuumanyo ka' tinanyo, ka' to balu-balu da adin na mongulus palakala nu aha; Nu kalibosi na mian anu lengkat mae i salipu'an anu mo'imboa hingga-hinggat bansanto ka' mombee'i aha anu okaan ka' anu opake.

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.

PO'ULE' INGULIT 32:18

Aha madi'mo nontapali anu Nomposalamat aha anu daka' hondo na kuasanyo, nongkolilimimo Tumpu Allah nu aha anu nombee'imo kantumuu'an.

PO'ULE' INGULIT 7:9

Otutugi ahi' saba' Tumpu Allah nu belemiu ola sa'a-sa'angu'nyomo Ia na Tumpu Allah, ka' Iamo na Tumpu Allah anu talalo manonong. Tumpu mongganapimo apaa na anu jinanji'-Nyomo ka' nompotoamo kalibosan-Nyo sidu-sidutu' sampe samadala na lapisan nu lee'nyo nu aha mian anu mongkanonongi Ia ka' tulu-tulutan hi iwi-iwi' na palentah-Nyo.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YAKOBUS 4:12

Padahan ola sa'angu' na anu ko hak mombee'i atulan hi mian ka' momputusi mian. Aijo'mo Tumpu anu ko kuasa momposalamat ka' monsilakai. Jadi, ihe na komiu, sahingga komiu mongka'oho'mo mompisala'i sangko mian.

1 PETRUS 2:6

Kalana i uno nu Kitab nu Tumpu tinulismo sumo uuka, “Aku nompile'imo sa'angu' na batu anu ko angga'nyo, anu Pino'una'kumo i Sion salaku batu anu penting; ka' mian anu pinalesayamo hi Ia madi' mompele-pele'.”

1 SAMUEL 2:2

Madi' koanu susi' susumo Tumpu! Ola Ia na moko ala monjagai mae.