PO'ULE' INGULIT 32:24 - KITAB NU TUMPU ALLA LELE MA'IMAI'

²⁴ Aha matemo kalana nusihabimo nu sakit ka' mo'ohopmo, ka' kalana panyakit anu okabuhuk. Ku pojohokmo na aha da nusa'umo nu binatang anu mahangas, ka' nubahe' nu ulo anu ko bisa'nyo.

PO'ULE' INGULIT 32:24 ပူးပေါင်းရင်းမြစ်များ

KAJADIAN 3:14

Lapas aijo' Tumpu Allah notataemo hi ulo aijo', “Oko ohukumo kalana nombaumo kasala'an atina'; iwi-iwi' na binatang ola oko na montanggung kutuk aiya: O tampu'uni uuka aiya, oko jumolomo nu kompongum, ka' mongkaan abu' sampe toka sidu-sidutu' i uno nu kantumuu'anum.

KAJADIAN 49:15

Nu toa ma'ima' hondo na tampat aijo' ka' nu toa ma'ima' hondo na lipu' aijo', sahingga natidukumo na ia ka' sanang na oposake'i boaon, ka' opakisa na mokalaja susumo posaihon.

AYUB 20:16

Anu ma'idek na kinyonyoanyo monginumo lasung sahingga monsaduakonmo da mohumpak balaa', ia silakamo nu aijo' susumo anu nu bahe'mo nu ulo anu ko bisa'nyo.

MAZMUR 120:4

Tiba pana' anu matajom nu mian anu mahampate tiba oba nu apu anu noakmo!

MAZMUR 91:6

kabai balaa' anu toka mae salatan pintungmo, kabai kasilakan anu montokai mae sonsu'un sinaa.

YESAYA 65:25

Serigala tiba anak nu domba mogalumo na mongotot hempu'; singa mongototmo haat susumo sapi', ka' mule' ulo madi'mo ahi' monsilakai. Isongko-songko na puge'nyo anu susi' anu Aku na tumpunyo madi'mo daagi' ko anu mompolugi kabai mombau palabuatan anu ma'idek.”

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

YEREMIA 15:3

Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas.

YEREMIA 16:4

Aha silakamo nu kona nu panyakit anu ahi' monsilakaimo, ka' mule' aha silakamo i uno nu pahampatean kabai silaka kalana tempo' nu kasusa'an i anu okaan. Madi'mo daagi' ko samian anu mohangi kabai molamun aha. Bangke' nu aha mo enamo susumo pupuk i uno nu tano' ka' nu tolukmo nu tomonsi' tiba binatang anu mahangas.

YEREMIA 8:17

“Palahatikan!” na koonyo nu Tumpu. “Uuka aiya Ku saimo na ulo mamba atina' hi belemiu da monsa'u belemiu, ulo anu ko bisa'nyo anu madi' opoko ala opuuhi' nu ilimu'.”

MOHAANGI 5:10

Kami sinansalamo nu ohop, sahingga kilit mami nomea'mo susumo pomposulian apu.

YEHEZKIEL 14:15

Sahingga Ku potokamo mae na binatang anu toto maha-mahangas da monsa'u mian anu jojoong ilipu' aijo' sahingga daerah aijo' okabuhukmo hondo ka' madi' ko mian anu baani motulu ikiijo'.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 5:17

Misa' ola kasusa'an i anu okaan panyo panyakit suele anu molele Ku potokamo mae, ka' mule' buhingison ka' pahampatean anu mompateimo mian anu jojoong atina' hi beleyum, tiba binatang anu toto maha-mahangas mompateimo to ana-anak nu aha. Akumo na Tumpu, anu notataemo.”

IMAMAT 26:22

Ku potokamo mae na to bina-binatang anu mahangas atina' hi belemiu. Binatang haha aijo' monsa'umo to ana-anak nu belemiu, mompateimo potuu'on nu belemiu, ka' mohopu'imo belemiu, sahingga konjoo'nyo nu belemiu memo sangkiding hondo ka' to jala-jalan i lipu' nu belemiu liingmo.

AMOS 9:3

De aha matisuluk i Bungkut nu Karmel, Ku lio na aha ka' Ku hakop. De aha matisuluk i apan nu ambai, Ku palentahje na tomundo nu ulo anu i ambai da mombutu' aha.

MIKHA 7:17

Aha dumadangkangmo i tano' susumo ulo. Kalana mabuhukmo ka' langkakatanmo aha mosabatmo mae aijo' i binabentengan nu aha, lantas tokamo mae hi Belento o, Tumpu mami.

HABAKUK 3:5

Pinalentahmo nu Belento na panyakit mamba momona lantas nu tuntunije nu Belento, ka' kasilakan mombatuki aitu mae imihi nu Belento.

PO'ULE' INGULIT 28:22

Tumpu mohukumo belemiu iwi-iwi' nu panyakit anu molele, singkaap bangkak ka' monsihabi. Nu potokamo mae na posinaa daka' ka' mombun anu montoyo'i, sahingga anu opadak nu belemiu ma'idekmo. Balaa' haha aijo' saja'mo mongkona belemiu sampe belemiu silaka.

PO'ULE' INGULIT 28:48

Kalana aijo' belemiu tionyo ahi' ta'alukumo hi sampobali' nu belemiu anu sinaimo mae nu Tumpu mongewa belemiu. Belemiu mongoa'ije ohop, mongoa'ije megot ka' langgo' ka' iwi-iwi' na han madi'mo ko anu daagi'. Tumpu mombee'imo kasansala'an anu taha-tahahumo, sampe belemiu silakamo.

PO'ULE' INGULIT 28:53

Hau-haunyo iwi-iwi' na sampobali' nu belemiu montumbuhimo mae kota nu belemiu iwi-iwi', hentemo na kinyonyoa nu belemiu kalana tempo' nu ohop tinokamo sahingga to ana-anak nu belemiu okaanmo nu belemiu, to ana-anak anu binee'mo nu Tumpu Allah nu belemiu hi belemiu.