PO'ULE' INGULIT 32:22 - KITAB NU TUMPU ALLA LELE MA'IMAI'

²² Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

PO'ULE' INGULIT 32:22 ပူးပေါင်းရင်းမြစ်များ

MAZMUR 144:5

O, Tumpu, bukaimo mae na langit nu Belento ka' pintatau'mo mae, sintungmo na bungkutnyo iwi-iwi' da mintibukmo.

MAZMUR 21:9

Nuboamo iwi-iwi' na anu monsampobali' ia ka' nu hakopmo iwi-iwi' na mian anu mongka'ideki Ia.

MAZMUR 46:2

Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

MAZMUR 83:14

O Tumpu, sagakonmo na aha susumo abu', susumo haat nupuhimo nu mombun.

MAZMUR 86:13

Kalana Belento saja' mongkalibosi aku, ka' kalibosan nu Belento tahahumo hondo; Belento nohangkatmo nyawangku da boli jojoong kaiyong i uno nu kubun.

MAZMUR 97:3

Apu nokaanmo i ahopnyo, nontoyo'imo anu monsampobali' aijo' titikub hi Ia.

YESAYA 24:6

Kalana aijo' Tumpu mongkutukimo tano' ka' mohukumo mian anu monjojoongi kalana palabuatan nu aha. Aha opapuimo ka' madi' manjoo' na aha anu oposalamat.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

YESAYA 54:10

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

YEREMIA 15:14

Ilipu' nu mian anu isalipu'an ka' madi' nusumbu' nu aha, Ku pojadimo na aha posaihon nu to sampo-sampobali' nu aha, kalana tambuha'-Ku kinosuhu-suhutmo susumo apu anu binanggelo-gelosmo ka' madi'mo mongka'oho' mopoho'.”

YEREMIA 17:4

Belemiu saidi' mae talapakisamo mombee' tano' nu belemiu anu binee'-Kumo hi belemiu, ka' Ku pojadimo na belemiu da tulutmo hi sampobali' nu belemiu ilipu' anu madi' hondo-hondo osumbu' nu belemiu. Ku baumo na aijo' iwi-iwi' kalana tambuha'-Ku talalomo kosuhu-suhut susumo apu anu noakmo ka' madi'mo opoko ala opatei.”

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

MOHAANGI 2:2

Batu-batu padang hemput ilipu' nu aha Yehuda madi'mo daagi kinokalibosan na Ia no hansuni. I uno nu kapusan-Nyo tinumbalakon-Nyomo sampe nohobo'mo na to bente-benteng anu mompagan lipu' aijo'. Kalaja'an aijo' tibamo to pola-polaya'nyo binau-Nyomo da pinatundu' sahingga na ambangmo.

MOHAANGI 2:3

I uno nu kapusan-Nyo anu tala-talalomo kino suhu-suhut kahosaonan nu Israel binau-Nyomo da pinatundu'mo Salatan kita tinumbuhanmo nu sampobali' Ia madi'mo nontulungi. Susumo apu binanyela-nyelakmo anu nontoyo'imo apa-apaa sumo aitumo na tumpu nontambuha'i kita iwi-iwi'.

MOHAANGI 2:4

Susumo sampobali' Ia nompotajumo pompeletnyo ka' nompopatumo mae hihisnyo hi kita Iwi-iwi' na mian anu nomposanangmo kinyonyoanto ningkotmo na pinatean-Nyo Sinumbuhakon-Nyomo na kapusan-Nyo susumo apu nokiijo' i uno nu kota' Yerusalem aiya.

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 19:12

Panyo ia ginautmo nu lima nu to mia-mian anu pinusamo, lapas aijo' ilumbu'akonmo i tano'. Mombun anu lengkat mae isasu Kabete'an, nomanggasimo bua'nyo anu ma'ima'. Panga'nyo nopato'mo ka' nanggasmo lantas pinapuanmo.

YEHEZKIEL 22:21

Memang Ku posihukmo na aha i Yerusalem ka' Ku tutungimo na apu tambuha'-Ku aijo' i aluk nu aha sahingga aha hansunmo ahi' totu-totu'u.

YEHEZKIEL 38:19

Ka' Aku motambuha'mo ka' mule' motomuhukmo ka' sinaa aijo' daagi'mo ko lulu' anu daka' hondo ilipu' nu aha Israel.

IMAMAT 26:20

Iwi-iwi' na lawe nu belemiu madi'mo ko gunanyo, kalana ale' nu belemiu madi'mo ko hasinnyo ka' sosu'anon nu belemiu madi'mo mimbua'.

AMOS 5:6

Pinsusule'mo mae hi Tumpu, da belemiu timbali tumuu'. De belemiu madi' minsusule' hi Ia, Ia tokamo mae susumo apu anu molele ka' mompapui mian nu Israel iwi-iwi'. I Betel madi' ko samian pe'e na moko ala mompatei apu aijo'.

AMOS 7:4

Aku nontoa mule' lengkat mae hi Tumpu Anu Matangkas na Kuasanyo. Tinoangku Ia hau-haunyo mosadiamo da mohukumo nu apu mian anu palesayamo hi Ia. Apu aijo' nolele nontisimo ndalangon i dunia aiya ka' lewa'mo nontoyo'i ale'.

MIKHA 1:4

To bungku-bungkutnyo hansunmo akaong i pala-Nyo susumo lilin i uno nu apu anu moakmo, tano'nyo motuba-tubasmo minsoopmo mokaiyong i to bangka-bangka'-Nyo, susumo uee anu aita' mae i bungkutnyo mo ilimo mokaiyong i hatanyo.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

NOMBILANGMO 16:33

Sahingga nanabu'mo na aha titu-tituu' i uno nu dunia nu mian anu sinilakamo tiba iwi-iwi' apaa na anu nu aha. Tano' anu nobiha'mo aijo' po'ule'mo tinatutup ka' aha i madi'anmo, i lonyomo nu tano'.

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

MATIUS 18:9

Ka' de mataum monsaduakon beleyum mombau dosa', kubetakon ka' o alin. Lebe ma'ima' beleyum tumuu' tiba Tumpu mau mule' sa'angu' na mata, de mule' o alin i uno nu apu nalaka tiba ohua' na mata.”

MATIUS 23:33

Komiu ma'idek ka' lee' nu mian ma'idek! Mosia na komiu timbali momposalamat butong i hukuman nu nalaka?

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

IBRANI 12:29

Kalana Tumpunto sumo apu anu montoyo'i.