PO'ULE' INGULIT 32:20 - KITAB NU TUMPU ALLA LELE MA'IMAI'

²⁰ Ia notatae, ‘Aku madi'mo montulungi aha; pojohok Ku toaje pa' mosia na ka ahenannyo mae na aha. Kalana bansa aijo' talalo hondo panggaga ka' madi' hondo mohongo-hongo.

PO'ULE' INGULIT 32:20 ပူးပေါင်းရင်းမြစ်များ

2 TOMU-TOMUNDO' 17:18

sahingga Tumpu pinusamo hondo hi aha, ka' madi'mo daagi' nonginau' aha. Ingalinnyomo na aha da madi'mo jojoong i tano' anu binee'-Nyomo hi aha, anu daagi' tinontuha' me kalaja'an Yehuda.

2 TOMU-TOMUNDO' 17:20

sahingga Tumpu madi'mo daagi' nongakui iwi-iwi' na mian nu Israel. I hukum-Nyomo na aha ka' binee'-Nyomo hi anu monsampo bali' aha anu toto ue-uesan. Ia madi'mo daagi' monginau' aha, panyo ingalin-Nyomo na aha da madi'mo jojoong i tano' anu binee'-Nyomo hi aha.

2 TOMU-TOMUNDO' 17:23

Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

AYUB 13:24

Kadaka' Belento nambamo ka' nompala'imo aku? Apaa nasababnyo Belento monsangka aku sumomo sampobali' nu Belento.

AYUB 34:29

De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

YESAYA 30:9

Kalana, aha aijo' sa'angu' na bansa anu saja' mongka'oho' motomuhuk hi Tumpu, saja' baleko', ka' madi' mongka'oho' mompotombihing pangajalan nu Tumpu.

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

YEREMIA 18:17

Susumo abu' nu tilahabakonmo nu mombun anu lengkat mae isasu kabete'an, sumo aijo'mo na mian anu palesayamo hi beleng-Ku, Ku bee'mo hi sampobali. De tokamo na kasilaka'an, Ku hikumo na aha ka' madi'mo daagi' montulungi aha!”

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

HOSEA 9:12

Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

MARKUS 9:19

Sahingga i Yesus notatae hi aha, “Palias na komiu aiya! Komiu totu-totu'u mian anu madi' palesaya. Toka hi pian na Aku tionyo jojoong hingga-hinggat tiba komiu ka' sabaan hi komiu? Boamae na anak aijo'!”

LUKAS 18:8

Palesayamo: Ia malia-lia' montinjohi palakala nu aha! Panyo de Anak nu Mian tokamo, pa' daagi' okabot na mian palesaya hi Ia, i dunia aiya?”

PO'ULE' INGULIT 31:29

Ku sumbu' saba' de aku silakamo mian haha aijo' timbalimo ma'idek ka' madi'mo mongala apaa na anu pinotingankumo hi aha. Ka' aha saidi' mae nutokaimo nu balaa' kalana nonsaduakonmo da Tumpu notambuha' kalana nombaumo apaa na anu tinewa'-Nyomo.”

PO'ULE' INGULIT 32:5

Panyo belemiu bansa anu madi' mohongo-hongo, ka' madi'mo pantas timbali mian anu pinalesayamo hi Ia, bansa anu saja'mo gineguan ka' saja' mombau dosa'.

PO'ULE' INGULIT 9:23

Lantas tempo'nyo belemiu sinaimo nu Tumpu nompala'i Kades-Barnea da mambamo ka' monjojoongi tano' anu Nu bee'mo hi belemiu, belemiu madi' mohongo-hongo Tumpu Allah nu belemiu; belemiu madi' mongka'oho' palesaya kabai tulu-tulutan hi Ia.

2 TESALONIKA 3:2

Do'akon suele da Tumpu momposalamat kami da boli nu silakai nu to mia-mian anu palaganta ka' ma'idek. Kalana madi' iwi-iwi'mo na mian anu pinalesayamo i lele anu lengkat mae hi Tumpu aijo'.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

YOSUA 23:10

Toto samian atina' hi belemiu moko ala mompatundu' momada-madala na mian, kalana Tumpu Allah nu belemiu na mahampate monsangaja'i belemiu susumo anu jinanji'-Nyomo.