PO'ULE' INGULIT 32:19 - KITAB NU TUMPU ALLA LELE MA'IMAI'

¹⁹ Montoa anu sumo aijo', Tumpu notambuha'mo ka' madi'mo mongkalesang to ana-anaknyo.

PO'ULE' INGULIT 32:19 ပူးပေါင်းရင်းမြစ်များ

MAZMUR 10:3

Mian anu ma'idek na kinyonyoanyo sinombongmo nu tanga'annyo anu ma'i-ma'idek, miana nu mangoa nontotobi'akonmo ka' madi'mo nontalima Tumpu.

MAZMUR 106:40

Lantas i noakmo na tambuha' nu Tumpu hi aha, binuaganmo na Ia kalana miannyo haha aijo'.

MAZMUR 5:4

Kalana hi Belento na pompotokanku do'a aiya, o Tumpu, potombihingakon mae na anu ku kakase aiya salatan subu-subumo. Daagi' subu ku boamo na anu ku sombahkon ka' ku tanda'imo na pontaami mae nu Belento, o Tumpu.

MAZMUR 78:59

Nontoa han aijo', Tumpu notambuha'mo hondo ka' madi'mo hondo-hondo nongkali-kalinga aha.

MAZMUR 89:38

Kalaja'annyo sabole-boleh daagi' susumo bitu'on, anu aita mae i kundom, saja' mae monsakisi'i.”

YESAYA 1:2

Potombihing pe'e mae langit, palahatikan pe'e mae tano'! Tumpu notatae, “To ana-anak anu kinale sangkumo notomuhukmo hi beleng-Ku.

YEREMIA 11:15

Tumpu notatae, “Mian anu palesayamo hi beleng-Ku anu Kukalibosi nombaumo hahan anu ma'idek. Aha madi'mo ko hak jojoong i Laigan-Ku. Nu sangka nu aha saba' de mombaumo palajanjian-palajanjian ka' monsombahkonmo binatang aha moko alamo montewa' balaa' da bolimo toka mae. Pa' ugat tiba jalan anu sumo aijo' aha timbalimo sanang?

YEREMIA 40:2

Kamundan nu suludadu ai-aijo' nolagamo mae aku sausa'ku ka' nompoto'i, “Tumpu Allah nu beleyum nompoto'imo mae koo-Nyo mohansunimo lipu' aiya.

MOHAANGI 2:6

Ia nohansunimo laigan-Nyo tampat posa'angu'an nu mian-Nyo anu palesayamo hi Ia monsombah Ia. Binau-Nyomo na mian da mongkolilimi sinaa nu Sabat tiba iwi-iwi' na sinaa molamean. Kalana Tumpu talalomo hondo pinusa imam tiba tomundo' madi'mo tinalima-Nyo.

IMAMAT 26:11

Aku jojoongmo hi belemiu i Kemah-Ku ka' Aku madi'mo mongka'ideki belemiu.

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

AMOS 6:8

Totu-totu'u hondo, Tumpu Anu Matangkas na Kuasanyo nompokinde'imo, “Aku mongka'ideki katabuulan nu mian nu Israel; Aku madi' sanang na montoa to lai-laigan nu to tomu-tomundo anu talalo ma'ima'. Puso nu kota' nu aha iwi-iwi' tiba anu daagi' i unonyo, Ku bee'mo hi sampobali'.”

ZAKHARIA 11:8

Aha totolu na topolaya' potuu'on nongka'idekimo mae aku, sahingga madi'mo kinokasabalanku. Ola sina'angu' na bitu'on aha ilaa'kumo.

ANU PINOTO'I HI YOHANES 3:16

Panyo belemiu ola susumo anu moloolap madi' mapanas, ka' lop mule' madi'. Mokonyo aijo' belemiu Ku lua'je mosabat lengkat mae i nganga'-Ku.