PO'ULE' INGULIT 32:15 - KITAB NU TUMPU ALLA LELE MA'IMAI'

¹⁵ Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.

PO'ULE' INGULIT 32:15 ပူးပေါင်းရင်းမြစ်များ

2 SAMUEL 22:47

Ia nombee'imo mae aku ka untungan nahampate nongewa sampo bali'ku Tumpu tumuu'! O, puji' na anu montinjohi mae aku! Opopodaka' na kakuasa'an nu Tumpu Allah anu nomposalamatmo mae aku!

1 TAWARIKH 5:25

Mian nu Israel madi'mo nontuluti Tumpu Allah anu osombah nu mompolee' nu aha. Aha nohikumo Ia ka' nonsombahmo to pilo-pilogot nu bansa anu i laa'mo nu Tumpu Allah, sahingga nompala'imo lipu' Kana'an.

2 TAWARIKH 12:1

Salatan i Rehabeam nompalentah salaku tomundo nahosonmo, ia ka' iwi-iwi' na mian da'isan aha Israel madi'mo nompajuli atulan nu Tumpu,

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

NEHEMIA 9:25

Mian anu palesayamo hi Belento mongkuasaimo iwi-iwi' na benteng anu bau kahosonan nu aha, tano' anu ma omuk ka' mule' laigan anu manjoo' hondo na kakaya'annyo. Iwi-iwi' na bubung ka' bulakan nu uee ingalamo nu aha, ale' nu anggur, ka' mule' kau' zaitun ka' to bua-bua' nu kau' sangga'at. Aha nolompo'mo kalana nongkaanmo yayamo na anu nu kahanda'i nu kinyonyoa nu aha. Iwi-iwi' apaa na anu ma'ima' bibinee'mo nu Belento tina'upmo nu aha.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 119:70

Mian haha aijo' madi' mangalati', panyo de hi belengku atulan nu Belento na momposanang ahi' kinyonyoangku.

MAZMUR 17:10

aha madi'mo ko kalibosan ka' motatae ko bubuunmo.

MAZMUR 18:46

Kabaanian nu aha imadi'anmo; aha i lakatnyomo ka' nosabatmo mae i benteng nu aha.

MAZMUR 73:7

Kiijo' i uno nu kinyonyoa nu aha tombulokmo maena kalakuan anu ma'idek, aha saja' mompopikilakon tanga'an anu toto ide-idek.

MAZMUR 81:11

Akumo na Tumpu nu belemiu, anu nolaya'mo mae belemiu nosabat lengkat mae i Mesir. Tempo'nyo belemiu no'ohopmo kalana madi'mo ko anu okaan, binee'an-Kumo anu okaan na belemiu.

MAZMUR 89:26

Kalaja'annyo ku paka po'ewamo, lengkat mae i Ambai anu i Totonga'nyo toka-toka i Kaunyo nu Efrat.

MAZMUR 89:27

Ia notataeje mae hi beleng-Ku, ‘Belentomo na Tuumangku, Tumpu Allah-ngku anu monjagai mae, ka' anu momposalamat aku.’

MAZMUR 95:1

Imbo' da kita manyanyi bau pompuji' Tumpu, montaligalai anu momposalamat kita!

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YESAYA 43:1

O, Israel sumo uuka na koonyo nu Tumpu, “Akumo na nompotimbali ka' nontali'mo beleyum, boli mabuhuk, beleyum memang Ku posalamatmo! Aku nolagamo beleyum sinanggo na sanggo nu beleyum, beleyum Akumo na tumpu-Nyo.

YESAYA 44:2

Akumo na Tumpu anu nompotimbalimo beleyum, anu nompojadimo beleyum salatanmo pe'e kiijo' ima'alum ka' anu nontulungimo beleyum. Boli mabuhuk, beleyumo na posaihon-Ku, mian anu pinile'an-Kumo ka' Ku kalibosi.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

YEREMIA 2:31

O mian nu Israel potombihing mae na potataeng-Ku aiya. Pa' toho'mo na Aku susumo padang tampat anu mateges na jinadi' atina hi belemiu kabai pa' sumo tano' anu pinikatmo hondo? Panyo kadaka' belemiu notataemo koonyo nu belemiu, belemiu mongkahanda'imo bebas, ka' madi'mo daagi' mongka'oho' minsusule' mae hi beleng-Ku?

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEREMIA 2:5

Tumpu notatae, “Kasala'an apaa na anu tinoa nu mompolee' nu belemiu hi beleng-Ku, sahingga aha pinalagantamo mae hi beleng-Ku? Aha pagala nolio pilogot anu madi' ko angga'nyo ka' ahennyo posi ahamo ahi' na na ambang.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

YEREMIA 5:7

Tumpu notatae, “Kadaka' Aku mongampunimo dosa-dosa' nu mian anu palesayamo hi beleng-Ku? Aha nompala'imo mae Aku ka' mule' nonsombahmo anu misa' Tumpu Allah. Aku na nombee'i anu okaan hi aha sampe aha nobosumo, panyo aha nasala'mo ka' toto minsan aha mambamo hi to mia-mian anu saja' masala'.

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 4:7

Belemiu mompaka manjoo'mo, mompaka baladosa'mo mule' na belemiu hi beleng-Ku, o to imam-imam! Kalana aijo' kalakuan nu belemiu. Ku babali'imo: Belemiu madi'mo daagi' o holomati, panyo lewa'mo o alu.

SISIKON NU TO RASUL-RASUL 28:27

Kalana pikilan nu bansa aiya pinonga'mo, bihing nu aha nabongonmo ka' mata nu aha pinipi di'akonmo. Aiya tinimbalimo da mata nu aha boli montoa, bihing nu aha boli mohongo, pikilan nu aha boli mangalati', ka' boli minsusule' mae hi beleng-Ku, lantas Aku mompa'alinje aha.’ ”

SISIKON NU TO RASUL-RASUL 9:5

“Ihe na Kita Tuan?” pinokilawa i Saulus. Lewo' aijo' nontaami, “Akumo na i Yesus, anu osakisa nu beleyum.

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

PO'ULE' INGULIT 31:20

Aha Ku boamo mamba i lipu' anu kaya ka' ma'omuk susumo anu jinanji'-Kumo hi mompolee' nu aha. Ikiijo' mae na aha tumuu'mo sanang ka' mohumpakmo ngangahan nu anu okaan apaa na anu nupalalui nu aha. Panyo lapas aijo' aha tolosule'mo ka' monsombahmo to pilo-pilogot sangga'at. Aha madi'mo mongala Aku ka' mompojalomo palajanjian-Ku,

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

PO'ULE' INGULIT 32:6

Te sumo aijo' na belemiu mombalosi kanonongan nu Tumpu, o to mia-mian anu pinonga'mo ka' madi'mo ko utoknyo? Te misa' Iamo aijo' na Tuuma nu belemiu, anu Nompotimbalimo belemiu, anu nompojadimo belemiu sa'angu' na bansa?

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.

PO'ULE' INGULIT 33:5

Salatan Israel sinihukmo tiba to pola-polaya'nyo, Tumpu tinimbalimo Tomundo hi mian anu pinalesayamo hi Ia.”

TO MIA-MIAN KOPIAN 10:6

Aha mian nu Israel po'ule' mule' binaladosa' hi Tumpu. Aha madi'mo mongkalinga Tumpu ka' madi'mo daagi' nonsombah Ia. Aha nonsombahmo to pilo-pilogot nu bansa Siria, Sidon, Moab, Amon tiba Filistin.

1 SAMUEL 2:29

Jadi kadaka' beleyum daagi milu ka' ka oho'mo mongkaan de montoamo koloban haha aijo; anu pinalentahkon-Kumo osombahkon nu bansang-Ku hi belengku? Kadaka' beleyum Eli lebemo mongadati to ana-anak nu beleyum ka' madi'mo mongadati Aku, ka' ola mule' mompojohok aha mompolompo' butong nu aha nu bagian antoknyo anu ma'ima' hondo, apaa na anu nu sombahkon nu bansang-Ku hi belengku?