PO'ULE' INGULIT 32:14 - KITAB NU TUMPU ALLA LELE MA'IMAI'

¹⁴ Sapi' ka' mee' ka' domba nu aha pohumpakanmo susu manjoo'; potuu'on nu aha to ima-ima' hondo, gandum ka' anggur nu aha ma'ima' hondo.

PO'ULE' INGULIT 32:14 ပူးပေါင်းရင်းမြစ်များ

KAJADIAN 18:8

Lapas aijo' i Abraham nongalamo susu, susu anu mokobot hondo ka' ponoha' anu ingunjangmo aijo', lantas nontatuakonmo hi anu sinonso' aijo'. Hau-haunyo aha mongkaan posi i Abraham na nontatuakon hi aha i patu nu kau' aijo'.

KAJADIAN 49:11

Anak nu keledainyo pinosegotnyomo i kau', i kau' anggur anu ma'ima' hondo. Ia mombaso'i hudenyo nu anggur, anggur momea' susumo baso'.

NEHEMIA 9:25

Mian anu palesayamo hi Belento mongkuasaimo iwi-iwi' na benteng anu bau kahosonan nu aha, tano' anu ma omuk ka' mule' laigan anu manjoo' hondo na kakaya'annyo. Iwi-iwi' na bubung ka' bulakan nu uee ingalamo nu aha, ale' nu anggur, ka' mule' kau' zaitun ka' to bua-bua' nu kau' sangga'at. Aha nolompo'mo kalana nongkaanmo yayamo na anu nu kahanda'i nu kinyonyoa nu aha. Iwi-iwi' apaa na anu ma'ima' bibinee'mo nu Belento tina'upmo nu aha.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

AYUB 20:17

Ia madi'mo monyamit lanya' nu zaitun anu molabi-labimo, kabai susu ka' juu' nu uwani' anu manjoo'mo hondo.

AYUB 29:6

Susu manjoo' hondo na ku humpak i potuu'onku lanya' manjoo' hondo na ku humpak ito kau-kau Zaitun, maumo sinu'an i tano' anu batuon.

MAZMUR 147:14

Ia na monjagai da'erah nu beleyum da sabole-boleh madi' ko anu mompoposia, ka' momposanangmo beleyum nu gandum anu ma'ima' hondo.

MAZMUR 22:12

Boli matikojo'on hi belengku, kalana balaa' anu montokai mae ingohanimo, ka' madi' ko anu montulungi.

MAZMUR 81:16

Mian anu mongka'ideki mae aku, ku patundu'mo, aha mohumpakmo hukuman sampe toka sidu-sidutu'.

YESAYA 7:15

Salatan Ia daka'mo ka' timbalimo montantukan kaputusannyo, lipu' aijo' mohumpakmo kantumuu'an anu ma'ima'.

YESAYA 7:22

juu' nu susunyo anu ohumpak ipotuu'on haha aijo' labi-labimo na nu inum nu aha mian anu daagi' tinontuha' ilipu' aijo'. Memang aha monginumo susu ka' juu' nu uani'.

YEHEZKIEL 39:18

Aha mongkaanmo bangke'-bangke' nu suludadu ka' monginumo baso' nu to mia-mian anu balakuasa i dunia. To sulu-suludadu tiba anu balakuasa haha aijo' opateimo susumo mee' lakinyo kabai anak nu mee' kabai sapi' anu toto lompo-lompo'.

HOSEA 11:4

Kalana Ku kalibosi Ku po ohani na ia hi beleng-Ku. Iwi-iwi' na kasansala'annyo, Ku polaing. Ka' kalana kanonongan-Ku binee'an-Kumo mongkaan naia.

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

NOMBILANGMO 18:12

Ku bee' hi belemiu iwi-iwi' na anu ma'ima' hondo apaa na hasinnyo nu ale' momona anu sinombahkonmo nu aha mian Israel hi beleng-Ku sataun toka sataun aijo'mo lanya' nu zaitun, anggur anu binaumo inumon ka' gandum.

PO'ULE' INGULIT 28:47

Belemiu binalakatanmo nu Tumpu Allah nu belemiu i han iwi-iwi', panyo belemiu madi' mompalesaya Ia nu kinyonyoa anu totu-totu'u ka' madi' mongoa'i sanang.

ANU PINOTO'I HI YOHANES 14:20

Bua' nu anggur haha aijo' pinao'an i sambiha' nu kota, ka' lengkat i pompao'ian nu anggur haha aijo' no'ilimo na baso' sumo kaunyo, kojo'onnyo tolu atu' na kilometen, ka' ko leengnyo mongohani ohua' na meten.

TO MIA-MIAN KOPIAN 5:25

I Sisera nomoita uee, panyo susu na binee'nyo hi ia, i mangko' anu ko angga'nyo na pinombee'iannyo susu hi to tomu-tomundo.