PO'ULE' INGULIT 32:13 - KITAB NU TUMPU ALLA LELE MA'IMAI'

¹³ Ia nompotimbalimo aha mongkuasai iwi-iwi' na bungkutnyo; aha mongkaan isi nu ale' ka' monginum juu' nu uani' anu ola i bungkutnyo nu batu. Aha nohumpak lanya' nu kau' zaitun anu tumuu' i tano' anu ko batunyo.

PO'ULE' INGULIT 32:13 ပူးပေါင်းရင်းမြစ်များ

2 SAMUEL 22:34

Ia nompohosonmo tengkengku susumo tengke nu jonga, ka' nonjagaimo kasalamatanku aita isinin na bungkutnyo.

AYUB 20:17

Ia madi'mo monyamit lanya' nu zaitun anu molabi-labimo, kabai susu ka' juu' nu uwani' anu manjoo'mo hondo.

AYUB 29:6

Susu manjoo' hondo na ku humpak i potuu'onku lanya' manjoo' hondo na ku humpak ito kau-kau Zaitun, maumo sinu'an i tano' anu batuon.

MAZMUR 18:33

Iamo na Tumpu anu nombee'imo mae kahosonanku ka' nombauimo mae kajalananku anu madi' ko anu mompoposia.

MAZMUR 81:16

Mian anu mongka'ideki mae aku, ku patundu'mo, aha mohumpakmo hukuman sampe toka sidu-sidutu'.

YESAYA 48:21

Maumo ahi' Ia nompotiju'mo aha nontulu mae padang tampat anu kinunmo, aha madi' ahi' sinansala nu megot. Tumpu nombiha'mo bungkutnyo nu batu ka' nompolubatmo mae uee, lengkat mae aijo' ibatu pinolubat-Nyomo mae na uee bau kapalaluan nu aha.

YESAYA 58:14

Sahingga belemiu lame'mo kalana nontulutimo Aku. Ku pojadimo na belemiu oholomati isongko-songko na dunia. Belemiu sanangmo na tumuu' kalana hasin nu tano' pusaka' i Yakub mompolee' nu belemiu. Aku, Tumpu na notataemo.”

YEHEZKIEL 16:13

Sumo aijo' na beleyum pinakeanmo nu mosoni' tiba salaka; baju' nu beleyum te hude lenan na binau tiba sutala anu ko sujinyo. Beleyum timbali mokaan roti anu labu ma'ima' hondo na binau tiba juu' nu uani' anu ma'ima' hondo ka' mule' lanya' nu zaitun. Beleyum talalo ahi' handa ka' mule' beleyum timbalimo tomundo' boune.

YEHEZKIEL 21:17

Aku suele mohapa'imo lima lantas madi'mo Aku motambuha'. Aku, Tumpu notataemo.”

YEHEZKIEL 36:2

‘Salatan to bansa-bansa anu haha aitu mae montumbuhimo mae ka' montololangimo belemiu, saba' aijo' sumo-sumomo aha nompopo'ambangmo Israel. Lame'mo na aha montaloakon, puge'nyo haha aita' anu salatanmo pe'e dunia aiya uuka aiya aha mo na tumpunyo. Mokonyo aijo' o, to bungku-bungkutnyo ka' mule' puge'nyo-puge'nyo, to panga-panga'nyo nu kaunyo tiba bangka'nyo, o, kota-kota' anu ihansunmo ka' anu pinala'ianmo nu miannyo ka' mule' tinololanganmo ka' mule pinopo'ambangmo nu bansa-bansa anu haha aitu mae, soba potombihing mae apaa na anu pinoto'imo nu Tumpu Anu Matangkas na Kuasanyo hi beleyum: I uno nu tambuha'-Ku anu taha-tahahumo aiya Ku pisala'imo hondo na bansa-bansa anu haha aitu mae hi belemiu, lebe-lebe Edom, kalana aha sinanangmo na mompopo'ambang ka' nongalamo ka' mule' nongalamo tano'-Ku ka' nongagoimo iwi-iwi na padang anu ko hemputnyo. Uuka aiya Aku motambuha'mo ka' mule' mongamu'mo kalana bansa haha aijo' talalomo ahi' na nompopo'ambang ka' madi'mo nompajuli belemiu.

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

PO'ULE' INGULIT 28:47

Belemiu binalakatanmo nu Tumpu Allah nu belemiu i han iwi-iwi', panyo belemiu madi' mompalesaya Ia nu kinyonyoa anu totu-totu'u ka' madi' mongoa'i sanang.

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

PO'ULE' INGULIT 8:15

Tumpu nolaya' mae belemiu nongkua mae padang bola anu ewa ka' okabuhuk, ka' manjoo' na ulo anu ko bisa'nyo ka' ko beyua'nyo. I tano' anu mapeges madi' ko ueenyo Ia nompodaagi' uee mo'ili ka' i lubat mae i batu, da belemiu monginum singko-singko ma'osa.

PO'ULE' INGULIT 8:8

Lipu' aijo' hasinnyo lupa-lupa na gandum, anggur, bua'nyo nu ara, bua' nu dalima, kau' zaitun ka' juu' nu uani'.