PO'ULE' INGULIT 32:11 - KITAB NU TUMPU ALLA LELE MA'IMAI'

¹¹ Susumo bonyia' anu mompotingaan soma'nyo lumahap nu hakop i tambenyo ka' nu sombung aita' i polipiknyo.

PO'ULE' INGULIT 32:11 ပူးပေါင်းရင်းမြစ်များ

KAJADIAN 1:2

dunia ma'isa osumbu-sumbu' na timpasanyo, ka' daagi' mogogalo'an. Ndalangon saja' mimbokon daka-daka' ka' songko-songko nuleetabimo, ka' pikat hondo songko-songko, panyo kuasa nu Tumpu Allah na mongkuasai bawo nu uee.

MAZMUR 18:10

Langit biniha'-Nyomo lantas nintatau'mo mae na Ia kundom anu pinikatmo na akaong i aluk nu tengke-Nyo. Nontau'akon Ia.

NOSABATMO 19:4

“Tinoamo nu belemiu apaa na anu binaung-Kumo hi mian nu Mesir ka' mosia na Aku nomboamo mae belemiu hi beleng-Ku i tampat aiya nu kuasa anu daka' hondo sumomo tomonsi' bonyia' momboa soma'nyo aita' i polipiknyo.

YESAYA 31:5

Susumo sa'angu' na tomonsi' lewa'mo mompapa'i aita' i petaanyo monjagai soma'nyo, sumo aijo'mo na Aku, Tumpu Anu Daka' na Kuasanyo monjagai, montinjohi ka' mule' momposalamat Yerusalem.”

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

YESAYA 46:4

Aku tataap Tumpu nu beleyum sampe belemiu langkai'mo ka' bengkele'mo; ka' tataap monjagai belemiu sampe belemiu uanonmo. Aku na nompotimbalimo belemiu ka' tataap ahi' mompotuu' belemiu. Aku na montulungi ka' momposalamat belemiu.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

YEREMIA 13:11

Susumo lipa' kodo-kodo' sasa-sasa' hoso-hoson ilampeokan nu anu nompake ia, sumo aijo'mo na tanga'an-Ku da mian nu Israel tiba Yehuda sabole-bole ahi' totoong hoso-hoson mae hi beleng-Ku. Tiba jalan anu sumo aijo' aha timbalimo mian anu palesayamo hi beleng-Ku anu mohangkatmo sanggong-Ku da opuji' ka' oholomat. Panyo aha madi'mo ahi' mongka'oho' montuluti Aku.”

HOSEA 11:3

Padahan Aku na nompotingan Israel ilumajang ka' lewa' nontangkung kalana okalibosi. Aku na sola' nongkalesang ia panyo ia madi' mongka'oho' mongakui.

PO'ULE' INGULIT 33:12

Mongkona tulunan i Benyamin, ia notatae: “Aiyamo na tulunan nu bansa anu nukalibosi nu Tumpu. Ia monjagai aha pihi ka' malom ka' jinojoongmo hi aha.”

IBRANI 11:3

Kalana bala'iman, sahingga osumbu'to na dunia aiya taalu' pinotimbali nu potatae nu Tumpu; jadi, apaa na anu otoanto, pinotimbalimo nu anu madi' otoanto.

ANU PINOTO'I HI YOHANES 12:14

Panyo boune aijo' binee'anmo ohua' na polipik nu tomonsi' bonyia' anu daka' hondo, da ia lumahap mamba i tampatnyo i padang mateges, da ia opotumuu' sampe totolu' mintonga' na taun da boli nusa'u nu ulo anu talalo hondo daka' aijo'.

ANU PINOTO'I HI YOHANES 12:4

Ikunyo aijo' na pohela'nyo to manda-mandala' i langit o bagi totolu', sambahagian na nu hela' ka' nu alin mokaiyong i dunia. Ulo anu talalo hondo daka' aijo' tinuminjo hi ahop nu boune anu mongka'oho'mo mompohampe, aijo' kahanda'nyo da molonyomo anaknyo salatan ia hampemo.