PO'ULE' INGULIT 32:10 - KITAB NU TUMPU ALLA LELE MA'IMAI'

¹⁰ Tinokan-Nyo na aha hau-haunyo jojoong i tampat anu ling hondo ka' ewa, ka' ola saja' padang. Lantas Ia nonjagaimo ka' nompotuu'mo aha ka' jinagaannyo na aha salakumo ia na tumpu-Nyo.

PO'ULE' INGULIT 32:10 ပူးပေါင်းရင်းမြစ်များ

ESTER 6:13

Hi bengkele'nyo pinonsisikannyomo ka' hi to sanga-sangalunyo apaa na anu ingoa'annyomo. Jadi bengkele'nyo ka' to sanga-sangalunyo anu toto pande-pande haha aijo', nompoto'imo hi ia, “Kahosonan nu beleyum nu hungku'imo i Mordekhai. Ia mian nu Yahudi, madi' nupoko ala nu beleyum na mongewa ia. Ia na tionyo mohungku'i beleyum.”

MAZMUR 107:40

Tumpu nompatundu'mo anu mongkuasai aha, ka' nompalentahmo aha lewa' namba i tampat padang anu mateges anu madi' ko jalannyo.

MAZMUR 17:8

Potuu'akon mae na aku susumo batu nu mata nu Belento, posulukakon mae na aku i uno nu polipik nu Belento na montindungi mae aku

AMSAL 7:2

O tutugi na to poki-pokinde' ku da beleyum tumuu' ma'ima'. Obatuki ima-ima' na pangajalanku susumo beleyum monjagai batu numata nu beleyum.

NYANYIAN ANU TALASANGGO 8:5

Ihe na aijo' anu tinokamo lengkat mae i padang anu mateges, natisehamo hi sindua'annyo? Ku bulaakon na beleyum male-male' i patu nu kau' apel, i tampat beleyum kinandung ka' pinohampe.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

YEREMIA 13:11

Susumo lipa' kodo-kodo' sasa-sasa' hoso-hoson ilampeokan nu anu nompake ia, sumo aijo'mo na tanga'an-Ku da mian nu Israel tiba Yehuda sabole-bole ahi' totoong hoso-hoson mae hi beleng-Ku. Tiba jalan anu sumo aijo' aha timbalimo mian anu palesayamo hi beleng-Ku anu mohangkatmo sanggong-Ku da opuji' ka' oholomat. Panyo aha madi'mo ahi' mongka'oho' montuluti Aku.”

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEHEZKIEL 16:5

Madi' ko samian pe'e na nolibos hi beleyum sahingga timbali nombau hahan aijo' hi beleyum. Tempo'nyo beleyum i hampe madi' ko anu nongkanonongi beleyum ola mule' ahi' beleyum mamba ingalin i ale'.

YEHEZKIEL 20:36

susumo anu binaung-Kumo hi mompolee' nu belemiu itampat anu Mateges Sinai. Aku, Tumpu Anu Matangkas na Kuasanyo notataemo.

HOSEA 11:3

Padahan Aku na nompotingan Israel ilumajang ka' lewa' nontangkung kalana okalibosi. Aku na sola' nongkalesang ia panyo ia madi' mongka'oho' mongakui.

HOSEA 13:5

Itano' anu mateges ka' mule' i padang anu ewa, Akumo na anu nonjagai belemiu.

ZAKHARIA 2:12

Daagi' minsan na Yehuda po ule' timbali Tumpu, na tumpu-Nyo itano'-Nyo anu susi' ka' mule' Yerusalem timbalimo kota' anu talalo hondo Nu kanonongi.

ZAKHARIA 2:8

Ihe na montumbuhi mae belemiu tantu aha montumbuhimo anu talalo hondo Ku kanonongi.” Sahingga Tumpu Anu Daka' na Kuasanyo nompalentahmo mae aku da mompotokakon potuunon-Nyo aiya hi to bansa-bansa anu nombulingimo mian anu palesayamo hi Ia,

ROMA 2:18

Kita Utus nohumpak pokinde-pokinde' lengkat i atulan aijo' sahingga kita Utus nonsumbu'mo montantukan iyaa na anu ma'ima'.

ROMA 3:2

Tantu manjoo' na gunanyo! Momoonanyo, kalana hi mian nu Yahudi Tumpu montaha'imani da obau apaa na koonyo nu potatae nu Tumpu.

PO'ULE' INGULIT 1:19

“Salatan susumo anu pinalentakon Tumpu Allahnto kita nompala'i Bungkut nu Sinai ka i lumajang non tulu padang bola anu ewa ka'okabuhuk mokijo da'erah bungkut nu mian Amori.

PO'ULE' INGULIT 1:31

ka' i padang bola. Komiu nontoamo mosia na Tumpu Allah miu, nomboa komiu tiba salamat i kalajangan jalan aijo toka i tampat aiya, madi' ko gampanyo sumo samian na tuuma monguba', anua'nyo.

PO'ULE' INGULIT 4:36

Aita' mae i langit Ia nompohongomo potatae-Nyo hi belemiu da mompokinde'i belemiu, i dunia aiya Ia nompotoamo hi belemiu apu-Nyo anu tahahumo hondo, ka' aijo' mae i apu Ia notataemo hi belemiu.