PO'ULE' INGULIT 31:9 - KITAB NU TUMPU ALLA LELE MA'IMAI'

⁹ Lantas i Musa nontulismo atulan nu Tumpu Allah ka' binee'nyomo hi to ima-imam nu aha Lewi anu binee'anmo kalaja da mongka'lesang Peti' Palajanjian, ka' hi to pola-polaya' nu aha Israel.

PO'ULE' INGULIT 31:9 ပူးပေါင်းရင်းမြစ်များ

1 TOMU-TOMUNDO' 8:3

Salatan to kapa-kapala sinihukmo iwi-iwi', to ima-imam nohangkatmo Peti' Palajanjian aijo'

2 TOMU-TOMUNDO' 17:37

Saja' otuluti na to atu-atulan ka' to pale-palentah anu tinulis Kumo da ogunakan nu belemiu. Boli monsombah to pilo-pilogot sangga'at,

1 TAWARIKH 15:2

I Daud notatae “Ola mian nu Lewi na timbali mohangkat Peti' Palajanjian nu Tumpu, kalana ahamo na anu pinile'an nu Tumpu monsimbu Peti' aijo' ka' mongkalesang sampe toka sidu-sidutu'.”

NEHEMIA 8:2

Lantas binoamo i Ezra na kitab aijo' i ahop nu mian anu sinilimu'mo, aijo'mo to momo'ane, to boboune ka' to ana-anak anu tu'amo ka' anu sinsumbu'mo.

NEHEMIA 8:3

Lantas lengkat pe'e daagi' subu-subu tinoka-toka sonsu'unmo na sinaa, i Ezra nombasa'mo Atulan aijo' i ahop nu aha. Aha iwi-iwi' singkapmo nompotombihing totu-totu'u.

NOSABATMO 24:4

Lapas aijo' i Musa nontulismo iwi-iwi' na palentah nu Tumpu. Dodododopnyo subu-subu pinotinjonyomo na mezbah sa'angu' tiba sampulu' ka' ohua' na batu i tengke nu bungkutnyo aijo'; toto sa'angu' na batu mowakini sala'sa'angu' na bansa Israel.

DANIEL 9:13

Iwi-iwi' na balaa' anu tinulismo i uno nu atulan i Musa binee'mo mae nu belento hi kami. Panyo maumo ahi' sumo aijo' o, Tumpu mami daagi' ahi' saja' kami madi' mombau anu momposanang kinyonyoa nu Belento. Kami daagi' sabole-bole madi' mongka'oho' mompala'i iwi-iwi na dosa' mami ka' madi mule' mongka'oho' mompalahatikan to panga-pangajalan nu Belento.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

MALEAKHI 4:4

O'intomakon na pangajalan-Ku iwi-iwi' anu pinoto'imo i Musa, o'intomakon na atulan iwi-iwi' ka' mule' palentah iwi-iwi' anu binee'-Kumo hi ia kiita' mae i Bungkutnyo nu Sinai da otuluti nu aha mian Israel iwi-iwi'.

NOMBILANGMO 33:2

Tumpu nompalentahmo i Musa da o tulis na sanggo nu to tampa-tampat anu kinasonso'an nu aha.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

NOMBILANGMO 4:5

Tumpu nombee'mo atulan haha aiya hi Musa: De tokamo i tempo'nyo montatakimo Kemah, i Harun ka' to ana-anaknyo tionyo ahi' minsoop i Kemah nu Tumpu mongalini lalanse' i ahop nu Peti' Palajanjian ka' mongkukubi Peti' aijo' nu hude aijo'.

NOMBILANGMO 4:6

Lapas aijo', aha tionyo ahi' mongkukubi mule' nu santake na kilit anu ma'ima' hondo lantas momposabutmo sambotu' na hude mobilu' i buannyo ka' mompokonamo kau' bau polembanan Peti' aijo'.

MARKUS 12:19

“Tuumangku Gulu',” koonyo nu aha hi Yesus, “I Musa nontulis atulan aiya mongkona kita: ‘De samian na mo'ane silaka ka' ia madi' ko anak, saba' utusnyo tionyo mongosoai balunyo, da ko lee' na mian anu sini-sinilakamo aijo'.’

LUKAS 20:28

“Kita Tuumangku Gulu', i Musa nontulis atulan aiya da bau kapalaluanto: De samian na mo'ane silaka, ka' ia madi' ko anak, saba' tionyo mongosoai balunyo, da mombee'i lee' hi mian anu sinilakamo aijo'.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 5:46

De komiu palesaya hi Musa. Komiu tantu palesaya hi beleng-Ku. Kalana mongkonamo Aku na tinulisnyo.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

PO'ULE' INGULIT 17:18

De samian o hangkatmo timbali tomundo, ia tionyo ahi' obee'imo sa'angu' na kitab nu to atu-atulan nu Tumpu Allah anu sinalin lengkat i kitab anu momonanyo hondo anu pino'una' nu to ima-imam Lewi.

PO'ULE' INGULIT 31:28

Uuka aiya pokaumo mae na polaya' nu aha bansa Israel iwi-iwi' ka' to kapa-kapala nu suludadu sihuk mae i ahopku da ku potokamo na hahan aiya hi aha. Langit ka' tano' na ku laga salaku monsakisi aha.

PO'ULE' INGULIT 33:10

Aha nompotinganmo mian anu pinalesayamo hi Belento da sabole-bole montuluti iwi-iwi' na palentah nu Belento ka' nonsombahkonmo koloban i mezbah nu Belento.

YOSUA 3:3

ka' nompalentahmo mian nu aha Israel, “De otoa nu belemiu to ima-imam molembanmo Peti' Palajanjian nu Tumpu Allah nu belemiu, belemiu suele mambamo ahi' mompala'i tampat pinombauan kemah aiya. Batuki na Peti' aijo',

YOSUA 6:12

Dodododopnyo subu-subu hondo, i Yosua nobulamo lantas ko pinduannyomo na to ima-imam ka' suludadu nojiji ka' ilumajang montikubi kota aijo' susumo anu binaumo momona; anu namba momonanyo aha anu ko toongon bau pahampate lapas aijo' aha popitu' na imam anu mompuhi tolompet, lapas aijo' atina'je mae na to ima-imam anu molemban Peti' Palajanjian ka' anu imihinyo mae atina'je ka' anu ko toongon bau pahampate. Hau-haunyo aijo' tolompet saja'mo o puhi.