PO'ULE' INGULIT 31:20 - KITAB NU TUMPU ALLA LELE MA'IMAI'

²⁰ Aha Ku boamo mamba i lipu' anu kaya ka' ma'omuk susumo anu jinanji'-Kumo hi mompolee' nu aha. Ikiijo' mae na aha tumuu'mo sanang ka' mohumpakmo ngangahan nu anu okaan apaa na anu nupalalui nu aha. Panyo lapas aijo' aha tolosule'mo ka' monsombahmo to pilo-pilogot sangga'at. Aha madi'mo mongala Aku ka' mompojalomo palajanjian-Ku,

PO'ULE' INGULIT 31:20 ပူးပေါင်းရင်းမြစ်များ

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

YEHEZKIEL 34:20

Kalana aijo' Aku, Tumpu Anu Matangkas na Kuasanyo nontaloakonmo hi beleyum, o, domba-domba anu toto lompo-lompo', Aku tokamo mae timbali mian kopian atina hi to domba-domba anu toto hoso-hoson ka' hi domba anu madi'mahoson.

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

YEREMIA 50:11

Tumpu notatae, “O, mian nu Babel, belemiu nontololangimo mian anu palesayamo hi beleng-Ku. Belemiu naha lumpatanmo kalana ilame'mo sumomo ahi' ajahan anu nontihaha'mo, ka' mule' sumomo ahi' sapi' anu hau-haunyo mongotot.

MAZMUR 119:70

Mian haha aijo' madi' mangalati', panyo de hi belengku atulan nu Belento na momposanang ahi' kinyonyoangku.

MAZMUR 73:7

Kiijo' i uno nu kinyonyoa nu aha tombulokmo maena kalakuan anu ma'idek, aha saja' mompopikilakon tanga'an anu toto ide-idek.

MAZMUR 17:10

aha madi'mo ko kalibosan ka' motatae ko bubuunmo.

NEHEMIA 9:35

Binee'anmo nu Belento to tomu-tomundo' anu nompalentahmo mian anu palesayamo hi Belento, salatan aha jinojoongmo i tano' anu ewa hondo ka' ma'omuk anu bibinee'mo nu Belento. Panyo aha madi' nongkakabasakon kantumuu'an nu aha anu ma'i-ma'idek aijo'. Madi' mongka'oho' tulut totu-totu'u hi Belento ka' mule' madi' monsombah Belento.

PO'ULE' INGULIT 8:7

Tumpu Allah nu belemiu nomboamo belemiu i lipu' anu ma'omuk; lipu' anu manjoo' na kau'nyo ka' matanyo nu uee, ka' mabohos mae na soloknyo lengkat i uno nu tano' monguwei to bangka-bangka'nyo ka' to puge-puge'nyo.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

NOSABATMO 3:17

Ka' tinantukan-Kumo da momboamo aha mosabat mompala'i Mesir, tampat nu aha sinansala, ka' momboamo aha i sa'angu' na lipu' anu kaya ka' molumba', lipu' nu bansa Kana'an, bansa Het, Amori, Feris, Hewi ka' Yebus.

PO'ULE' INGULIT 8:19

Boli okolilimi na Tumpu Allah nu belemiu ka' boli palesaya hi to pilo-pilogot sangga'at ka' opuji' montuluti aha. Sinaa aiya aku mompotuka'mo belemiu kalana de belemiu mombau mule', belemiu tionyo ahi' nusilakaimo nu Tumpu.

PO'ULE' INGULIT 11:16

Boli belemiu mongka'oho' opojo'on hi Tumpu da monsombahmo ka' palesayamo hi to pilo-pilogot sangga'at.

PO'ULE' INGULIT 11:17

De belemiu molanggaimo palentah aijo', nutambuha'imo nu Tumpu na belemiu. Ia madi'mo mompodaagi' mae ujan; tano' miu timbalimo mapeges hondo, sahingga anu osu'an madi'mo ko hasinnyo. Sahingga ola sakinihap belemiu silakamo i tano' anu ma'omuk anu binee'mo nu Tumpu hi belemiu.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

PO'ULE' INGULIT 6:3

Kalana aijo' potombihing to utu-utus, bau na aijo' ima-ima' da belemiu mohumpak ka'ima'an ka' timbali sa'angu' na bansa anu daka' i lipu' anu kaya ka' anu ma'omuk, susumo anu jinanji'mo nu Tumpu Allah nu mompolee'to.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

HOSEA 6:7

Panyo susumo kiijo' i Adam, belemiu madi'mo nongganapi palajanjian nu belemiu hi beleng-Ku.