PO'ULE' INGULIT 31:16 - KITAB NU TUMPU ALLA LELE MA'IMAI'

¹⁶ Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

PO'ULE' INGULIT 31:16 ပူးပေါင်းရင်းမြစ်များ

KAJADIAN 15:15

Posi beleyum mule' montokaimo umun anu matangkas; beleyum silaka ma'i-ma'ima', lantas olamunmo.

KAJADIAN 47:29

Salatan ohanimo na tempo'nyo ia silakamo, ilaganyomo na i Yusuf anaknyo aijo', lantas pinoto'inyomo hi ia, “Potiik mae na lima nu beleyum i olot nu jalempakan nu pa'angku ka' basumpa' saba' beleyujm madi' molamun aku i Mesir aiya.

KAJADIAN 47:30

Pongka'oho'ku da aku olamun i tampat nu mompolee'ku; boa na bangke'ku lengkat i lipu' aiya ka' lamun i pinolamunan aha.” Lantas tinaamanmo i Yusuf, “Tionyo ahi' ku bau apaa na anu pinoto'imo nu belento uuma atina'.”

2 SAMUEL 7:12

Ka' saidi' mae detokamo na ukun nu beleyum, beleyum olamunmo ipinolamunan mompolee' nu belemiu, samian na anak nu beleyum momo 'ane Ku hangkatmo bau tomundo'. Iaje na mombau laigan-Ku. Ku balakatije na kalajaannyo sampe toka sidu-sidutu' ka' samian na lee'nyo mompalentahje salaku tomundo'.

1 TOMU-TOMUNDO' 1:21

De belento Tomundo' madi' malia-lia' monuju' ihe na mombolosakon tantu de belento Tomundo' silakamo, aku tiba anaku momo'ane obuamo nu aha susumo mian anu nombaumo gau' anu ma'idek.”

1 TOMU-TOMUNDO' 18:18

“Misa' aku na monsaduakon da saja' painggaga,” na koonyo i Elia, “panyo posi belento Tomundo'. Belento Tomundo' tiba sa'anakan nu belento Tomundo' na monsaduakon sahingga saja' painggaga. Kalana nonsombahmo pilogot nu Baal haha aijo' belento Tomundo' nolanggaimo iwi-iwi' na palentah nu Tumpu.

1 TOMU-TOMUNDO' 19:10

Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

2 TOMU-TOMUNDO' 18:12

Samaria pinatundu'mo kalana mian nu Israel madi'mo nontuluti Tumpu, Tumpu Allah nu aha. Aha madi'mo montapali apaa na anu jinanji'mo nu Tumpu hi aha, ka' aha madi'mo nombau apaa na anu pinalentahkonmo i Musa posaihon nu Tumpu aijo' Madi'mo aha mongka'oho' mohongo-hongo ka' madi'mo kahanda' montuluti.

2 TOMU-TOMUNDO' 20:1

Tempo'mo aitu na i Tomundo' Hizkia kinonamo nu bisun anu daka' hondo sahingga me sangkiding silakamo. I Nabi Yesaya anak i Amos nambamo nontoa ia ka' pinoto'inyomo, “Pinotuun mae nu Tumpu da opokopiani na belento Tomundo' mongatun iwi-iwi'na ulusan kalana belento Tomundo' madi'mo ma'alin. Madi'mo pin na belento Tomundo' silakamo.”

2 TAWARIKH 21:11

Ka' mule' ia nombaumo to pia-piangkuka na tampat ponsomban pilogot i da'erah anu i bungkutnyo nu Yehuda ka' nonsaduakonmo mian da'isan nu Yehuda ka' nonsaduakonmo mian da'isan nu Yehuda Yerusalem binaladosa'mo hi Tumpu.

AYUB 20:11

Maumo ia ma'isa langkai' ka' daagi' mahoson, panyo sasaidi' uuka ia timbalimo abu'.

MAZMUR 106:39

Kalana hahan anu binaumo nu aha aijo' sahingga aha suele naidekmo, ka' madi'mo nontuluti Tumpu.

MAZMUR 73:27

Mian anu mompala'i Belento mohumpak kasilaka'an, nu silakai nu Belento na mian anu madi' tulu-tulutan hi Belento.

NOSABATMO 32:6

Dodododopnyo subu-subu hondo, to mia-mian nu Israel nomboamo tino pia-piangkuka na potuu'on anu otunui bau koloban, ka' tino pia-piangkuka mule' na bau koloban mompodame. Aha sinumuhangmo ka' nongkaanmo ka' nonginumo lantas tinuminjomo ka' binasana-sanangmo.

NOSABATMO 34:15

Boli mombau palajanjian tiba bansa nu lipu' aijo' kalana de aha monsombahmo ka' monsombahkonmo koloban hi to pilo-pilogot nu aha, aha mongendeimo belemiu, ka' obatukimo nu belemiu.

YESAYA 48:8

Ku sumbu' na beleyum madi' timbali opalesaya, naipuan pe'e mae na beleyum tinalasanggomo mian anu palaganta. Mokonyo aijo' madi' nu sumbu' nu beleyum, mau santaa' pe'e na potatae, madi' ko anu tinoka ibihing nu beleyum.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEHEZKIEL 16:15

Panyo sinala'mo na beleyum nonggunakon butong nu beleyum anu sumo atina' na kohandanyo ka' mule' sanggo nu beleyum titinalasanggomo atina'. Yayamo na mo'ane anu motulu beleyum moduhusmo tiba ia.

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

HOSEA 10:4

Talalomo nolabi-labi na leko' nu aha ka' binalajanji'mo anu madi' totu'u ka' nombaumo mule' palajanjian anu madi' kogunanyo. Atulan gineo-geo'akonmo sahingga palabuatan anu madi' adin tinumuu'mo susumo sosu anon anu ko lasungnyo i uno nu ale' anu pinansunmo.

IMAMAT 26:15

de belemiu molanggaimo anu jinanji'-Kumo ka' anu binaung-Kumo hi belemiu ka' madi' mongka'oho' montuluti katantuan ka' to atu-atulan-Ku,

NOMBILANGMO 27:13

De nupoko tanggalakonmo, beleyum silakamo susumo utus tu'a nu beleyum i Harun,

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

PO'ULE' INGULIT 31:18

Tempo'nyo aijo' Aku madi'mo mongka'oho' montulungi aha, kalana aha nonsombahmo to pilo-pilogot sangga'at ka' nombaumo anu ma'idek.

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.

PO'ULE' INGULIT 32:50

Beleyum silakamo aita' i Bungkutnyo aijo', susumo i Harun utus nu beleyum sinilakamo i Bungkutnyo nu Hor.

PO'ULE' INGULIT 34:5

Lantas sinilakamo na i Musa posaihon nu Tumpu i tano' nu Moab, susumo anu pinoto'imo nu Tumpu momonanyo.

PO'ULE' INGULIT 4:25

Ka' mule' de belemiu saidi' mae pinmo na jojoong i lipu' aijo' ka' ko makumpumo, boli baladosa' kalana mombaumo patung maumo pa' sumo apaa. Palabuatan anu sumo aijo' sa'angu' na han anu ma'idek hi mata nu Tumpu Allah nu belemiu ka' monsaduakon Ia da motambuha'.

ANU PINOTO'I HI YOHANES 19:2

Pomputusi-Nyo palakala adin ka' pande hondo! Ia nomputusimo hukuman hi anu talalo hondo masala', anu nongideimo dunia kalana ia lewa' masala'. Tumpu nohukumo anu masala' aijo', kalana ia nompateimo to posa-posaihon nu Tumpu.”

TO MIA-MIAN KOPIAN 10:13

Maumo sumo aijo', belemiu ola ahi' nompaka hiku Aku, lantas nambamo nonsombah to pilo-pilogot. Uuka aiya Aku madi'mo mongka'oho' mompobebas belemiu.

TO MIA-MIAN KOPIAN 10:6

Aha mian nu Israel po'ule' mule' binaladosa' hi Tumpu. Aha madi'mo mongkalinga Tumpu ka' madi'mo daagi' nonsombah Ia. Aha nonsombahmo to pilo-pilogot nu bansa Siria, Sidon, Moab, Amon tiba Filistin.

TO MIA-MIAN KOPIAN 2:11

Lapas aijo' aha mian nu Israel binaladosa'mo hi Tumpu. Aha madi'mo nonsombah Tumpu, Tumpu Allah nu mompolee' nu aha, aijo'mo Tumpu Allah anu nomboamo mae aha nosabat lengkat i Mesir. Aha nontampu'uni nonsombah Baal ka' Asytoret ka' to pilo-pilogot sangga'at anu nusombah nu to bansa-bansa anu montikubi aha. Sahingga tinambuha'anmo nu Tumpu na aha ka' nompojohokmo sampobali' nu aha nontumbuhi ka' nompahuhuimo aha. Aha madi'mo noko ala nongahopi sampobali' nu aha anu aitu mae nontikubi aha.