PO'ULE' INGULIT 31:14 - KITAB NU TUMPU ALLA LELE MA'IMAI'

¹⁴ Lapas aijo' Tumpu notataemo hi Musa, “Beleyum tumuu' madi'mo daagi' pin. Jadi lagamo mae na i Yosua ka' boa mae na ia i Kemah-Ku, da Ku bee'i pokinde' na ia.” Sahingga nambamo na i Musa ka' i Yosua nokiijo' i Kemah nu Tumpu,

PO'ULE' INGULIT 31:14 ပူးပေါင်းရင်းမြစ်များ

KAJADIAN 47:29

Salatan ohanimo na tempo'nyo ia silakamo, ilaganyomo na i Yusuf anaknyo aijo', lantas pinoto'inyomo hi ia, “Potiik mae na lima nu beleyum i olot nu jalempakan nu pa'angku ka' basumpa' saba' beleyujm madi' molamun aku i Mesir aiya.

1 TOMU-TOMUNDO' 2:1

Tempo'nyo i Daud malia'mo silaka, i laganyomo na i Salomo anaknyo momo'ane ka' lewa' nombee'i pokinde' anu memenyomo aitu na ia mombee'i pokinde'. I Daud notataemo,

2 TOMU-TOMUNDO' 1:4

Poto'iakon hi tomundo' saba' Tumpu notataemo sumo uuka, ‘Beleyum madi'mo ma'alin, beleyum silakamo!’ ” Salatan pinoto'imo i Elia na palentah nu Tumpu aijo',

2 TOMU-TOMUNDO' 20:1

Tempo'mo aitu na i Tomundo' Hizkia kinonamo nu bisun anu daka' hondo sahingga me sangkiding silakamo. I Nabi Yesaya anak i Amos nambamo nontoa ia ka' pinoto'inyomo, “Pinotuun mae nu Tumpu da opokopiani na belento Tomundo' mongatun iwi-iwi'na ulusan kalana belento Tomundo' madi'mo ma'alin. Madi'mo pin na belento Tomundo' silakamo.”

AYUB 1:6

Daagi' kino sansinaan to mala-malaekat kiita' i suluga' nangadapmo hi Tumpu, ka' Anu Lewa' Monggoda kiijo'mo hi aha suele hingga-hinggat.

AYUB 2:1

To mala-malaekat kiita' i suluga' po'ule' ninsusule' nangadap hi Tumpu, ka' Anu lewa' Monggoda kiijo'mo hi aha suele hingga-hinggat.

NOSABATMO 33:11

Tumpu tiba i Musa nompaha ahop susumo mian basisik tiba sangalunyo. Lapas aijo' i Musa minsusule'mo i kemah kajojoongannyo. Panyo i Yosua anak i Nun anu daagi' olitau, anu saja' montulungi kalaja' i Musa, na sajojoongnyo ahi' i Kemah aijo'.

NOSABATMO 33:9

Salatan i Musa ninsoopmo, tudunmo mae na kundom i sabatan nu Kemah. I kundom aijo' Tumpu motataemo hi Musa.

NOSABATMO 34:2

Potoukamo da dodop daagi' subu mindakomo i Bungkutnyo nu Sinai mangadap hi beleng-Ku i bawo nu bungkutnyo aijo'.

ANU MOMPOLELE POTATAE NU TUMPU 9:5

Madi' ko madi'nyo nu sumbu' nu mian anu daagi tutuu' na ukunnyo montanda'imo ia; sadangkan mian anu sinilakamo na madi'mo ahi' ko anu nu sumbu-sumbu'. Hi ia madi' ko tamboonyo kabai ko palasennyo; ka' sanggonyo mule' okolilimimo.

YESAYA 38:1

Itempo'mo aijo' na i Hizkia nasakit ka' me sangkiding sinilakamo. I Nabi Yesaya anak i Amos nambamo nontoa ia ka' nompoto'i, “Pinotuun mae nu Tumpu da belento Tomundo' mompobelesmo iwi-iwi' na ulusan, kalana belento Tomundo' madi'mo daagi' ma'alin. Madi'mo pin belento Tomundo' silakamo.”

NOMBILANGMO 27:12

Tumpu notataemo hi Musa, “Pindakomo i Bungkutnyo nu Abarim, ka' ikiita' mae tanggalakonmo na lipu' anu Ku bee'mo hi aha mian nu Israel.

NOMBILANGMO 27:13

De nupoko tanggalakonmo, beleyum silakamo susumo utus tu'a nu beleyum i Harun,

NOMBILANGMO 27:18

Notataemo na Tumpu hi Musa, “Laga mae na i Yosua, anak i Nun. Ia mian anu pande, potiik na lima nu beleyum aita' i buan nu ubaknyo.

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

PO'ULE' INGULIT 31:13

Tiba jalan anu sumo aijo' to ana-anak miu anu ma'isa toho' nohongo atulan nu Tumpu Allah nu belemiu, timbali mohongo ka' balagulu' mongadati Tumpu de daagi' aha tutuu' i lipu' anu madi'mo daagi' pin ojojoongimo nu belemiu aijo' mae i santoa nu Kaunyo nu Yordan.”

PO'ULE' INGULIT 31:2

ia notatae, “Uuka aiya umunku sa'atumo ka' uampulu' na taun ka' aku madi'mo moko ala timbali polaya' nu belemiu. Ka' mule' Tumpu notataemo hi belengku tukoonyo Aku madi' timbali motaap mokiijo' i santoa nu Kaunyo nu Yordan.

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

PO'ULE' INGULIT 32:50

Beleyum silakamo aita' i Bungkutnyo aijo', susumo i Harun utus nu beleyum sinilakamo i Bungkutnyo nu Hor.

PO'ULE' INGULIT 34:5

Lantas sinilakamo na i Musa posaihon nu Tumpu i tano' nu Moab, susumo anu pinoto'imo nu Tumpu momonanyo.

PO'ULE' INGULIT 4:22

Madi'mo pin belemiu motaapmo mokiijo' ka' monjojoongimo tano' anu ma'omuk aijo': Panyo aku madi'mo mamba hingga-hinggat, kalana aku silakamo i aiya.

YOSUA 23:14

Uuka aiya tempo'nyomo na aku silakamo. Belemiu iwi-iwi' toto samian nonsumbu'mo hondo Tumpu Allah nu belemiu anu nombee'mo hi belemiu iwi-iwi' na anu ma'ima' apaa na anu jinanji'-Nyomo. Batu-batu anu toho'mo jinanji'-Nyo binau-Nyomo madi' ko anu madi' binau-Nyo.

YOSUA 24:1

I Yosua nomposihukmo iwi-iwi' aha tulunan nu bansa Israel kiijo' i Sikhem, lantas nompokaumo to tu'a-tu'anyo, to pola-polaya', mian kopian ka' to sulu-suludadu anu matangkas na pangkatnyo da toka mae mangadap. Sahingga tinokamo na aha nangadap hi Tumpu Allah.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

1 SAMUEL 10:19

Aku nompobebasmo belemiu da boli sansala ka' mongoa'i kasusa'an, panyo uuka aiya belemiu madi'mo nompajuli Aku, Tumpu Allah nu belemiu, kalana belemiu nompoitamo da Aku montiju' samian anu bau tomundo' nu belemiu. Jadi ma'ima'mo sihukmo mae aiya i ahop-Ku Tumpu Allah nu belemiu iwi-iwi' na tulunan nu bansa gampa mae nu belemiu.’ ”

1 SAMUEL 26:10

I uno nu sanggo nu Tumpu anu tumuu' ku sumpa'akon saba' Tumpuje na mompatei i Saul de ukunnyo tokamo mae kabai de ia matemo i uno nu pahampatean.