PO'ULE' INGULIT 31:11 - KITAB NU TUMPU ALLA LELE MA'IMAI'

¹¹ belemiu tionyo ahi' mombasa'akonmo daka-daka' atulan haha aijo' hi to mia-mian nu aha Israel anu toka mae monsombah Tumpu Allah nu belemiu i tampat anu pinile'an-Nyomo.

PO'ULE' INGULIT 31:11 ပူးပေါင်းရင်းမြစ်များ

2 TOMU-TOMUNDO' 17:37

Saja' otuluti na to atu-atulan ka' to pale-palentah anu tinulis Kumo da ogunakan nu belemiu. Boli monsombah to pilo-pilogot sangga'at,

2 TOMU-TOMUNDO' 23:2

Lantas ia nambamo tiba aha i Laigan nu Tumpu, ka' suele to ima-imam nombatukimo, to nabi-nabi ka' iwi-iwi' na mian da'isan anu kasiasi ka' mule' anu kaya. I ahop nu aha iwi-iwi' koko batu anu lewa' katinjoan i tomundo' tinuminjomo na ia ka' nombasa'akon hoson-hoson palajanjian anu tuli-tulis i kitab anu i humpakmo i Laigan nu Tumpu. Lapas aijo' i tomundo' binalajanji'mo hi Tumpu da saja'mo montuluti Ia, ka' totu-totu'umo na kinyonyoanyo, ka' onyawaimo na montuluti palentah ka' iwi-iwi' na atulan-Nyo. I tomundo' mule' binalajanji'mo da mongganapimo apa-apaa na anu tionyo ahi' obau i uno nu palajanjian aijo' hi Tumpu tiba mian anu pinalesayamo hi Ia susumo anu tinulismo i uno nu kitab aijo'. Iwi-iwi' suele na mian da'isan binalajanji'mo da saja' ahi' mombau apaa na anu jinanji'mo aijo'.

NEHEMIA 8:13

Dodo-dodopnyo sinihukmo iwi-iwi' na to kapa-kapala nu aha batu-batu sa'anakan mae, to ima-imam ka' to mia-mian aha Lewi lantas nambamo hi Ezra da monggulu'imo pengajalan Atulan nu Tumpu.

NEHEMIA 8:18

Pinitun sinaa na kopinnyo na aha nolame'akon. Sansina-sinaa bahagian nu kitab Atulan nu Tumpu Allah nubasa'akon i Ezra. Tinoka i sinaa ko ualunnyomo nombaumo adatnyo salaku kamingkotannyomo, susumo anu pinoto'imo nu Atulan nu Tumpu.

NEHEMIA 9:3

Kila-kila tinotolu' na jam na kinopinnyo na kitab Atulan nu Tumpu Allah nu aha binasa'akon hi aha, ka' tinotolu' na jam na kinopinnyo suele na aha nongakui dosa' nu aha iwi-iwi'. Lapas aijo' aha tinolodadupumo nonsombah Tumpu, Tumpu Allah nu aha.

MAZMUR 84:7

Hau-haunyo aha lumajang motulu i bangka'nyo nu Ahelat, tampat aijo' binali'anmo nu aha tinimbalimo mata nu uee, ujan anu momona tinudun nabohos hondo aijo', salakumo balakat.

NOSABATMO 34:24

De Ku laa'mo na to bansa-bansa madi'mo ko anu atina' hi belemiu ka' Ku po'ewamo na da'erah kajojoongan nu belemiu, madi'mo ko samian pe'e na anu baani mompo'ago lipu' nu belemiu de belemiu mambamo molame'akon Bau-bauon nu Roti Anu Madi' ko Raginyo, Bau-bauon Pompadakan, ka' Bau-bauon nu Tahop anu O'atopi nu Hon nu kau'.

SISIKON NU TO RASUL-RASUL 13:15

Salatan Kitab i Musa ka' Kitab nu to nabi-nabi binasa'akon, to pola-polaya' i laigan pogalejaan aijo' nonsai mian mompokilawa hi Paulus ka' to sanga-sangalunyo, “To utu-utus, de kita utus ko pokinde apa-apaa hi to mia-mian aiya, ku poita da mompotokamo pokinde' aijo'.”

SISIKON NU TO RASUL-RASUL 15:21

Kalana atulan i Musa daagi' pe'e naipuan mae saja' o basa'akon toka i sinaa nu Sabat, i to lai-laigan pogalejaan, ka' pinolelemo i iwi-iwi' na kota.”

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:14

panyo ola i tampat anu pinile'anmo nu Tumpu i da'erah nu sala'sa'angu' na tulunan nu bansa miu. Ola ikiijo' na belemiu tionyo ahi monsombahkon koloban anu opotunu ka' pombauan han sangga'at anu ku palentahkon hi belemiu.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.