PO'ULE' INGULIT 30:9 - KITAB NU TUMPU ALLA LELE MA'IMAI'

⁹ Tumpu Allah nu belemiu mompotimbalimo iwi-iwi' na anu obau miu ko hasinnyomo; belemiu mohumpakmo anak manjoo' ka' potuu'on manjoo'mo; ale' nu belemiu iwi-iwi' ko hasinnyomo manjoo' hondo. Sanangmo na kinyonyoa nu Tumpu mompotimbalimo belemiu da mongoa'imo kasanangan susumo Ia sinanangmo na nombee'imo kantumuu'an sanang hi mompolee' nu belemiu.

PO'ULE' INGULIT 30:9 ပူးပေါင်းရင်းမြစ်များ

YESAYA 62:4

Sanggo nu beleyum misa'mo daagi' ‘Anu Pinala'ianmo’, lipu' nu beleyum misa'mo daagi' ‘Anu ilingmo’. Beleyum osanggohimo, ‘Anu nu kalibosi nu Tumpu’, ka' mule' lipu' nu beleyum osanggohimo ‘Anu inaki'mo,’ kalana Tumpu sinitujumo hi beleyum, Ia sumomo ahi' langkai' nu beleyum ilipu' nu beleyum.

YESAYA 62:5

Susumo samian na olitau nongosoaimo langkoyang anu ma'isa toho' no'osoa sumo aitumo na Anu Nompotimbali beleyum nongosoaimo beleyum. Susumo samian na boting mo'ane lame'mo na montoa bengkele'nyo, sumo aitumo na Tumpu sinanangmo hi beleyum.

YESAYA 65:19

Posi Aku suele saja' bilahi kalana Yerusalem, ka' lame'mo kalana mian anu monjojoongi. I kota' aijo' madi'mo daagi' ko anu humang, ka' madi'mo daagi' ko anu molobo' momoita tulung.

YEREMIA 31:27

Aku, Tumpu notataemo, tukoong-Ku tokaje mae na tempo'nyo lipu' nu Israel tiba Yehuda Ku pobuke'imo nu manusia tiba binatang.

YEREMIA 31:28

Susumo naipuan mae Aku nonjagaimo aha da lapas mae Ku gautakonmo, Ku hobo'akonmo ka' Ku hansunimo na aha, sumo aijo'mo na Aku mule' monjagai aha, Ku pokododo ka' po ule' Ku bangonakon na aha.

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

IMAMAT 26:4

Ku tudunakonje mae na ujan toka i tempo'nyo, sahingga ale' ko hasinnyomo ka' kau' mimbua'mo.

IMAMAT 26:6

Aku monjagaije kaamanan nu lipu'miu sahingga belemiu hoyotmo bobogon ka madi'mo ko anu o kabuhuk manmo pa'hihe. To binatang-binatang anu mahangas, Ku hopu'imo ilipu'aijo ka' madi'mo ko anu mahampahe ilipu' nu belemiu.

ZEFANYA 3:17

Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

YOHANES 15:11

Iwi-iwi' aiya Ku poto'i hi komiu, da kalame'an-Ku itina' i kinyonyoaum, ka' kalame'anum timbali ma'ima'.

PO'ULE' INGULIT 28:4

Obalakatimo na belemiu sahingga to ana-anak nu belemiu manjoo', isi nu ale 'miu molabi-labimo, ka' sapi' tiba mee', ka' domba nu belemiu mompaka pintuangmo.

PO'ULE' INGULIT 28:63

Susumo Tumpu sanang na mombee'i kabilahian hi belemiu ka' montuangi da belemiu manjoo', Ia mule' sanang na monsilakai ka' mohopu'i belemiu. Belemiu po'ule' mule' osabatakon i lipu' anu madi'mo pin kajojoonganmo nu belemiu.

PO'ULE' INGULIT 30:8

Belemiu po'ule'mo montuluti Tumpu ka' mombaumo palentah-Nyo iwi-iwi' anu binee'kumo hi belemiu sinaa aiya.

PO'ULE' INGULIT 7:14

Iwi-iwi' na bansa i dunia aiya, madi' ko sa'angu' pe'e na nohumpak balakat susumo aijo' na konjoo'nyo sumo anu i humpak nu belemiu. Belemiu iwi-iwi' ka' iwi-iwi' na potu'on nu belemiu sa'angu' pe'e madi' ko anu bu'a.