PO'ULE' INGULIT 30:8 - KITAB NU TUMPU ALLA LELE MA'IMAI'

⁸ Belemiu po'ule'mo montuluti Tumpu ka' mombaumo palentah-Nyo iwi-iwi' anu binee'kumo hi belemiu sinaa aiya.

PO'ULE' INGULIT 30:8 ပူးပေါင်းရင်းမြစ်များ

AMSAL 16:1

Manusia timbali mombau sa'angu' na tanga'an panyo Tumpu Allah na mombee'i kaputusan.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 36:3

Ugaat mian nu Yehuda belentimo na mombau palabuatan anu ma'idek de aha mohongomo iwi-iwi' na balaa' anu Ku pokona hi aha. Sahingga ku ampunimo na dosa' tiba palabuatan nu aha ma'i-ma'idek aijo'.”

YEHEZKIEL 36:27

Roh-Ku, Ku dudu'akonmo i uno nu kinyonyoa nu beleyum ka' belemiu Ku jagaimo da tumuu'mo montuluti iwi-iwi na atulan-Ku ka' mule' montulutimo iwi-iwi' na palentang-Ku.

YEHEZKIEL 37:24

Aha nu posa'angu'mo nu samian na tomundo' sumo lapangnyo i tomundo' Daud anu saidi' mae mompalentah sampe toka sidu-sidutu'. Aha tulu-tulutanmo na montuluti iwi-iwi' na atulan-Ku. Ka' sampe toka sidu-sidutu' aha tiba lee' nu aha monjojoongimo tano' aijo', tano' anu binee'-Kumo hi Yakub ka' jinojoonganmo nu mompolee' nu aha.

EFESUS 2:16

Kalana Ia sinilakamo pinosalib, i Kristus nomposa'angu'mo ohua' na bansa aijo', ka' nompodamemo aha tiba Tumpu, sahingga madi'mo ko po'uwalian aijo'.

PO'ULE' INGULIT 30:2

De belemiu ka' lee' nu belemiu mongka'oho'mo minsusule' hi Tumpu Allah nu belemiu ka' totu-totu'u na kinyonyoa nu belemiu montulutimo palentah-Nyo iwi-iwi' anu binee'kumo hi belemiu sinaa aiya,

PO'ULE' INGULIT 30:7

Iwi-iwi' na kutuknyo aijo' nu pokonamo hi sampobali' nu belemiu iwi-iwi' anu mongkaddeki ka' monsansalaimo belemiu.

PO'ULE' INGULIT 30:9

Tumpu Allah nu belemiu mompotimbalimo iwi-iwi' na anu obau miu ko hasinnyomo; belemiu mohumpakmo anak manjoo' ka' potuu'on manjoo'mo; ale' nu belemiu iwi-iwi' ko hasinnyomo manjoo' hondo. Sanangmo na kinyonyoa nu Tumpu mompotimbalimo belemiu da mongoa'imo kasanangan susumo Ia sinanangmo na nombee'imo kantumuu'an sanang hi mompolee' nu belemiu.

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.