PO'ULE' INGULIT 30:20 - KITAB NU TUMPU ALLA LELE MA'IMAI'

²⁰ Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

PO'ULE' INGULIT 30:20 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 36:9

Sinukupmo na aha nongkaan anu nolabi-labimo i Laigan nu Belento tiba uee anu o'inum lengkat i kaunyo nu Belento anu sanang hondo na ingoa'anmo.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

MAZMUR 66:9

Ia nonjagaimo mae kami da sabole-bole tumuu', ka' madi' mompojohok kami da silaka.

IMAMAT 18:5

Tuluti na atulanKu haha aiya ka' palentang-Ku haha aiya anu Ku bee'mo hi belemiu. De obau nu belemiu na aijo', kantumuu'an nu belemiu salamat. Akumo na Tumpu.”

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 17:25

Ia mule' madi' mompalalui pontulungi nu mian, kalana Iamo na anu mombee'i kantumuu'an ka' santuu' ka' iwi-iwi' na apaa hi mian.

SISIKON NU TO RASUL-RASUL 17:28

Sumo anu tinaloakon nu mian, ‘Kita tumuu' ka' kolalaajang ka' jojoong i dunia aiya, kalana kakuasa'an-Nyo'.’ Pokakana suele tiba anu tinaloakonmo nu to pia-piangkuka na mian anu nontulis pantun miu. Aha notatae, ‘Kita iwi-iwi' te to ana-anak-Nyo.’

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

PO'ULE' INGULIT 1:8

Aku Tumpu; no janji'mo iwi-iwi na tano aijo toka hi mompolee' miu Abraham, Ishak ka'i Yakub ka' lee'nu aha. Jadi lokenmo jojongi na tano' aijo.’ ”

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 10:20

O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

PO'ULE' INGULIT 11:22

Otuluti ima-ima' na palentah aijo' iwi-iwi' anu pinoto'ingkumo hi belemiu. Okanonongi na Tumpu Allah nu belemiu, obau iwi-iwi' na anu pinalentahkon-Nyomo hi belemiu, ka' tionyo ahi' belemiu sabole-bole saja' montuluti Ia.

PO'ULE' INGULIT 11:9

Ka' belemiu tumuu' pin i lipu' anu kaya ka' tano'nyo ma'omuk, anu jinanji'mo nu Tumpu hi mompolee' miu ka' mule' hi lee' nu aha.

PO'ULE' INGULIT 12:10

De opoko taapmo miu na Kaunyo nu Yordan Tumpu Allah nu belemiu montulungimo belemiu monjojoongi ka' tataapmo i tano' anu i santoanyo nu kaunyo aijo'. Ia na monjagai belemiu da boli nupoposia nu aha anu monsampobali' belemiu, ka' belemiu sanangmo na tumuu' madi' ko anu mompoposia.

PO'ULE' INGULIT 30:16

Sinaa aiya ku palentahmo na belemiu da mongkanonongimo Tumpu Allah nu belemiu ka' tulu-tulutanmo hi Ia ka' mule' mombaumo apaa na koonyo nu atulan-Nyo iwi-iwi' ka' palentah-Nyo da mongoa'imo kasanangan ka' timbalimo bansa anu daka'. Tumpu Allah nu belemiu mombalakatimo belemiu i lipu' anu madi'mo daagi' pin baumo kajojoongan nu belemiu.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

PO'ULE' INGULIT 31:1

I Musa po'ule' mule' notatae hi Bansa Israel,

PO'ULE' INGULIT 32:47

Pangajalan aijo' misa' ola potatae anu madi' ko batunyo, panyo bau kantumuu'an nu belemiu. Sabole-bole otuluti na palentah aijo' iwi-iwi' da mantan na umun nu belemiu i lipu' anu madi'mo daagi' pin kajojoonganmo nu belemiu i santoanyo Kaunyo nu Yordan.”

PO'ULE' INGULIT 4:1

Lantas i Musa notataemo hi bansa aijo', “Tuluti iwi-iwi' na atulan anu pinogulu'kumo hi belemiu, da belemiu timbali tumuu' sampe monjojoongimo tano' anu nubee' nu Tumpu, Tumpu Allah nu mompolee' miu, hi belemiu.

PO'ULE' INGULIT 4:4

panyo belemiu anu sabole-bole tulu-tulutan hi Tumpu Allah nu belemiu, daagi' tumuu' sampe tempo' uuka aiya.

PO'ULE' INGULIT 4:40

Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

PO'ULE' INGULIT 6:2

Belemiu ka' lee' nu belemiu tionyo ahi' mongadati Tumpu Allah nu belemiu i uno nu kantumuu'an nu belemiu ka' montuluti iwi-iwi' na atulan-Nyo anu binee'kumo hi belemiu, da belemiu pin na tumuu' i lipu' aijo'.

PO'ULE' INGULIT 6:5

Kanonongi na Tumpu Allah nu belemiu, nu kinyonyoa miu anu totu-totu'u; Opotoa i uno nu kantumuu'an nu belemiu ka' i uno nu ko langka-langkas.

YOSUA 23:11

Kalana aijo', o inau' ka' saja' mongkalibosi Tumpu Allah nu belemiu.

YOSUA 23:8

Ola ahi' tionyo belemiu sabole-bole montuluti Tumpu, susumo anu binaumo nu belemiu sangkutnyo uuka aiya.

ANU PINOTO'I HI YOHANES 21:6

Lantas Ia notataemo, “Ilapasmo! Akumo na anu momonanyo, ka' anu imihinyo; Akumo na Tumpu lengkat pe'e Momonanyo toka-toka Imihinyo. Batu-batu mian anu megot, Ku po'inumije madi' pilenje o'oli i mata nu uee anu mombee'i kantumuu'an.

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.