PO'ULE' INGULIT 30:15 - KITAB NU TUMPU ALLA LELE MA'IMAI'

¹⁵ Sinaa aiya belemiu timbalimo mompile'i anu ma'ima' kabai anu ma'idek, tumuu' kabai silaka.

PO'ULE' INGULIT 30:15 ပူးပေါင်းရင်းမြစ်များ

PO'ULE' INGULIT 11:26

Sinaa aiya belemiu mompile'imo pa' mongka'ima'i balakat kabai okutuki.

PO'ULE' INGULIT 30:19

Uuka aiya opile'imo miu pa' tumuu' kabai silaka, pa' balakat nu Tumpu kabai kutuk-Nyo. Langit ka' tano' ku lagamo da bau sakisi apaa na anu tinaloakonkumo. Pile'i na kantumuu'an.

MARKUS 16:16

Mian anu madi' palesaya o hukum. Panyo mian anu palesaya o palamandikan, da salamat.

PO'ULE' INGULIT 32:47

Pangajalan aijo' misa' ola potatae anu madi' ko batunyo, panyo bau kantumuu'an nu belemiu. Sabole-bole otuluti na palentah aijo' iwi-iwi' da mantan na umun nu belemiu i lipu' anu madi'mo daagi' pin kajojoonganmo nu belemiu i santoanyo Kaunyo nu Yordan.”

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

PO'ULE' INGULIT 30:1

“Uuka aiya belemiu mompile'imo pa' balakat kabai kutuk susumo anu tinutuhakonmo hi belemiu. De belemiu nongoa'imo kasansala'an aijo' iwi-iwi' ka' tinumuu'mo hi bansa-bansa anu i salipu'an i tampat nu belemiu pinongga'a-ga'atakonan nu Tumpu Allah nu belemiu, belemiu tonginau'mo i apaa na anu pinoki pile'ankumo hi belemiu.

1 YOHANES 3:23

Anu pinalentahkon-Nyomo hi kita atina'mo: Kita tionyo ahi' palesaya hi Anak-Nyo, aijo'mo i Yesus Kristus ka' kita tionyo ahi' mompaha kali-kalibosi, susumo anu pinalentahkonmo i Kristus hi kita.

KAJADIAN 2:17

Panyo kau' anu mombee'i ilimu' da monsumbu' han anu ma'ima' ka' han anu ma'idek boli. Bua'nyo madi' timbali beleyum mongkaan; de beleyum mongkaan, beleyum silakamo i sinaa aijo'.”

PO'ULE' INGULIT 30:14

Boli mompokilawa susumo aijo', kalana palentah aijo' ohanimo hondo hi belemiu. Sinumbu'mo nu belemiu ka' timbalimo otaloakon mau madi'mo pilenje o basa', jadi memo samata-mata mombau.

AMSAL 12:28

Mian anu mombatuki jalan anu totu'u saidi mae kantumuu'annyo mohumpak ka'ima'an; panyo mian anu montulu jalan anu ma'idekan mompatuimo kasilakan.

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

YEREMIA 21:8

Lantas pinalentahmo mae nu Tumpu na aku da mompoto'i sumo uuka hi mian anu palesayamo hi Ia, “Potombihing mae! Na Aku, Tumpu mombee'mo hi beleyum sa'angu' na han anu opile'i: jalan anu mompanjolongi kantumuu'an kabai jalan anu mompanjolongi kapatean.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

YEREMIA 42:21

Uuka aiya pinoto'ingkumo na potuunon nu Tumpu Allah-nto hi belemiu, panyo belemiu madi' ahi' nontuluti potuunon aijo'.